فاض جاش بن غافل بالكلام الفريد
واعتلا في ظهور السفن ربانها
هاتو الزاج والقرطاس حان الجديد
ودي اصخر بيوت الشعر واوزانها
لابومتعب نصخر مفردات القصيد
والقوافي تهيج وثار بركانها
اعتزيت بقريني قال هل من مزيد
وقاد ندر جيوش الشعر بارسانها
جيت ابارك عساعمرابومتعب مديد
للرجال المجالس شيد اركانها
ايه نهر المراجل تاج راس الحميد
انت تاج المراجل وانت عنوانها
وانت والله مروض كل صعبن عنيد
وانت راس الرجوله وانت ديقانها
ضيغمين على الطولات باسك شديد
من هلا الكفة اللي طاش ميزانها
من هلا السربة اللي يتعبون الضديد
ومن حمات الجهام وروس شجعانها
جعل يفدونك اللي يخدمون الرصيد
في رفوف البنوك يسجل ايبانها
ماذخرت الدراهم للولد والحفيد
للمراجل دفعت وفزت بسمانها
تبذل المال لاكرام الرجال واتزيد
مابخست الرجال ورمت نقصانها
اقتحمت المراجل في يمينن تجيد
غوص وسط البحور وجلب مرجانها
قاسين بالرجوله مثل صلب الحديد
فيك عوب المراجل بان برهانها
امتطيت الشهامه لين طار الصعيد
وانتحرت الجزال وخضت ميدانها
مدهلن للقريب ومدهلن للبعيد
والرجال الشهيره تكسب رهانها
والله انك شرف للي يصوغ القصيد
وفيك تلبس بحور الشعر تيجانها
ابيات مدح بالاخ محمد سميان الجعفري الشمري
كلمات /مشعل عسام التريباني الشمري في 20/6/1439هجري