ياشوق قل لي ويش سويت فيني = لخبطتني في عيشتي في حياتي
مغصوب طاوعتك ولا في يديني = مجبور انا اتبع خطوتك ياغناتي
امشي معك في كل دربٍ تبيني = ياكاملِ باالحسن زين الصفاتي
يزيد لك في كل يومٍ حنيني = ارجوك عطني الحل ويش السواتي ؟
في خافقي كونت حبٍ دفيني = غزير ينبع مثل نهر الفراتي
اثني لك الخطوة إذا مهتويني = وآصلك اسابق اسرع الطايراتي
وإن كان ماودك تراعين عيني = عهدٍ علي ما إنساك لين المماتي
ترى الهوى من ماضيات السنيني = كم واحدٍ وداه للمهلكاتي
كم من عزيزٍ حبْ وامسى حزيني = وصٌله حبه لأصعب المشكلاتي
من عقب ماهو رجل سنعٍ فطيني = للحزن واضح به وسوم وسماتي
( احمد بن ناصر المحرج )
... ( يا ..... شوق ....) ... ( 106)
العرض العادي
