ديوان الامير والفارس والشاعر /عبيد العلي الرشيد

الأخ العاصف المحترم
شكراً لك على المبادرة في فتح هذه الصفحة عن البطل الأمير والفارس والشاعر عبيد آلعلي آل رشيد وهذا أن دل على شيء إنما يدل على حميتك وحرصك على إبراز مفاخر وأمجاد قبيلة شمر وهذا ليس غريب عليكم حيث أن الحمية أنتم مصدرها .
وللجميع أضيف هذه القصيدة من قصايد عبيد

ـ نفسي تمنيني لرقي السنودي ... من لابه توزي نفوسه على الكود
بحرابنا نرعى الحجر والنفودي ... رغمٍ على الزعلان والخد ممدود
من فوق قحص كنهن الفهودي ... وملبوسنا بظهورهن صنع داود
وبايماننا شغل العجم والهنودي ... وشلف نرهمهن على ركبة العود
ومخيضنا دايم على الضد يودي ... ونصبح على كبده مع الصبح بجرود
والضيف ليا جانا نرحب وزودي ... ونحط له بالعسر من كل ماجود
مستارثينه من كرام الجدودي ... طبع لنا من خلقة الحمد محمود
وأفعالنا عند العدالة شهودي ... وقولٍ بلا فعل على الرجل منقود

 

 

 

 

 

 

 

 

 

 

هلا ومرحبا بوخونا فيصل النجيفان

الله يعافيك وماقصرت على المشاركه ،، وهالقصيده الطيبه

دمت ولاهنت ،، ولاتحرمنا من جديدك

لك التحيه

 

 

 

 

 

 

 

 

 

 

هلا وكل الهلا بخونا أبو طالب

حياك الله ،، ويسعدنا تواجدك ومشاركتك المنتظره

لك التحيه ،، واستمر يالقرم

 

 

 

 

 

 

 

 

 

 

اهلا ومرحبا ببو عوض

يامرحبا والله ،، ودائما تلفي بالخير والاقتراحات الطيبه ،،

ونتمنا الاستجابه من المشرف العام

لك التحيه يالقاصف وخلنا نشوفك بهذا





===============================================



هلا بالاستاذ والاديب عبدالله الصاهود

يشرفنا حظورك وتواجدك ،، حياك الله ويامرحبا

دمت ولاهنت ،، ولاتحرمنا من تواجدك المشرف




=================================================



كل الهلا بخونا سعود

قول وفعل يالاجودي ،، وأتحفتنا بمواضيعك وآرائك

وان شاء الله يستجيب المشرف العام لطلبك

لك التحيه

 

 

 

 

 

 

 

 

 

 

مليون هلا بخونا الصريح

حنا نفتخر بالاجواد اللي مثلك وشرواك ،، فحياك الله وشرفت مواضيعنا يالاجودي

والف شكر على ماقدمت لنا من قصائد الامير عبيد الرشيد

لك التحيه ولاتحرمنا من جديدك

 

 

 

 

 

 

 

 

 

 

بسم الله الرحمن الرحيم

وهذه أحدى قصائد الامير عبيد الرشيد ،، وقالها عندما طلب منه أحد ولاة الاتراك فرسه أن يبيعه له ،، فجوابه بهالقصيده يوم يقول

يابيه أنا لكروش* معطي ولا بيع = قبلك طلبها فيصل وابن هادي*
يابيه لو كثرت بالقول ماطيع = ياحيف تبغاني أسلم جوادي
يابيه مايرهم على مثلها البيع = ولا يجي مثله بقودة مهادي
ما جمع أصله بالقراطيس تجميع = أصله يعرفونه جميع البوادي
باغ(ن) الى مالقموها المصاريع = وصاح الصياح وثار عج الطرادي
أنهج عليها واتعدى الترارتيع = مثل الفحل لاصار وقت الهدادي
وأصلها لعيون بيض(ن) مفاريع = فوق الحنايا والسبايا غوادي
هذاك بيعه والصباي مفاريع = بين القنا ومخفرات الهنادي
هذاك بيعه كان ماتفهم البيع = ليامنهن جِلبنّ بسوق المزادي
يابيه أنا ماسمع كلامك ولا طيع = هرجك مقلة ناظري والفؤادي
ياسابقي مانرخصك بالمطاميع = حتم(ن) ولو قيل أرفعوا بالجوادي
أبقي الى ثار الدخن بالزعازيع = وحطن على عجلاتهن والعدادي
بيوم(ن) يشيب من حذاه المراضيع = حدن وحاديهن من الخوف حادي
أنطح ورا ربعي وجيه المداريع = وأقضي عليها دينهم والعبادي
وانشد عني وعنها بعاد المفازيع = هو هرجنا كذبن والا وكادي
من لابة بالحرب ماهم مطاويع = ولاتحسب المداس هو العوادي
حلفت مايطري علينا بها البيع = الا الحشر يفخت سواده سوادي
ما دام راسي للرياح الذعاذيع = بالعون طالبها من الناس غادي
وصلوا على محمد خير المشافيع = اللي لنا يشفع بيوم التنادي

* (كروش ) = وهي اسم فرس عبيد
*(فيصل وابن هادي ) = يعني بهم فيصل الدويش شيخ مطير ،، ومحمد بن هادي القحطاني

ولكم التحيه والشكر على مابذلتموه ،،

واستمروا يالنشاما

 

 

 

 

 

 

 

 

 

 

تسلم أخي ( العاصف ) على نشر ديوان الأمير " عبيد العلي الرشيد"

وأشكر الأخ ( سعود الخليل ) والأخ ( المشرف العام ) على إضافاتهم

وأقدّم الشكر مقدما لكل مَن سيساهم في غكتمال هذا الديوان


وأقف مع ( القاصف ) في وجوب تثبيت الموضوع ... لأنه مهم ومفيـد




( شعاع العِز )

 

 

 

 

 

 

 

 

 

 

يا ســلام عليـك يا

[ سـعـود الخليـل ]

حقّاً ما سطّـرته يُعَـدّ :

(( إبـداعاً تاريخِيّاً هـامّاً ))

ويا حـبّذا لو دُمِجت سيرة الأمـير الشاعِر (عبيـد الرشـيد) مع (ديوانه) للكاتب [ العاصف ]

ومِنّا إلى الأسـتاذ { المُشــرف العـام }

* * *

 

 

 

 

 

 

 

 

 

 

يامرحبا بشعاع العز
ويشرفنا تواجدك ،، ونشكرك على تفاعلك مع الموضوع

لك التحيه

 

 

 

 

 

 

 

 

 

 

السـلام عليـكم

شكـراً أخي

[ العـاصــف ]

على إتحافِنا بديوان قصائِد الأمير الشاعِر : عبيد العلي الرشـيد رحمه الله .
والشكـر موصول لكُل مَن أبدعَ في المُساهَمه لإتمام الديوان ،،
وأستأذنك لنشـر سيرة حياته .. وعلى المُشرف العام دمجَها بالموضوع ، بالإضافةِ إلى إني سوفَ

أُشارِكَكُم في نشرِ باقي قصائِده ،،


من كتاب قالت الصحراء
للكاتب : بدر الحمد

هُوَ الأمير الفارس الشاعر {{عبيد بن علي الرشيد }} و الرشيد كما هو معروف فخذ من آل جعفر من عبده .
أحد بطون قبيلة شمّر . ولد عبيد تقريبا عام 1220 هـ ، و يعتبر من أشجع فرسان الجزيرة العربية في ذاك الوقت .
يقول عنه طلال السعيد في الموسوعة النبطية الكاملة - الجزء الأول - : " كان بسيفه يشكل الدعامة الأساسيه
لحكم آل رشيد بحائل ، و كان قائدا للجيوش و محارباً صَلباً . علّق روحه على طرف سيفه و خاض المعارك
بجرأةٍ وإقدامٍ قلّما يوجد لها مثيل و هو من الرجال القلائل الذين امتازوا بالقوة الذاتية و الجسارة و المهارة الحربية منقطعة النظير".
ولد عبيد في زمن كله حروب و اضطرابات ، و كانت الحروب على وقتهم مثل شربة الماء .. أسهل شي عندهم
انك تحارب ! فما يمدي حرب تطفى إلاّ و ثارت حربُ أخرى . و عبيد نشأ على هالحياة و على هالحالة ، على صوت
الخيل و قرقعة السيوف ، اللي جعلَت مِنهُ فارساً شُجاعاً .. يقول في وصف احد الحروب :

أصبحت منهن خالي كود ثنتين=سعدي و مصقول يداوي الغلايل

و يقصد بـ " سعدي " فرسه ، و المصقول هو سيفه اللي يداوي الروس ، كقول عنترةَ بن شداد :

و سيفي كان في الهيجا طبيبـا=يداوي رأس من يشكو الصداعا

*** *** ***

و لعبيد بعض القصائد الغزلية النادرة ، و هو مقلّ من ناحية الغزل ، و قال هالقصيدة بعد رجوعه من إحدى الحروب البعيدة, يقول ياصف الضلع اللي مر عليه :

لي بأيسره من لابسات العشاريـق=خشف يخلط المسك و الزعفرانـي
وش عيشتي لولا رجا ذابل الريـق=لولا رجا لامـا زريـف المثانـي
ابـو قـرون كنهـن دفـن الهيـق=وامجدل فوق المتـن لـه وقانـي
من حط فوق الصدر زين العشاريق=حص و مرجـان زهـا بالبيانـي
روض البختري زاهي بالزماليـق=و امفلجـات بـه كمـا القحويانـي
هي نقوتي من لابسـات العشاريـق=من مصر الى غربه لشرقي عماني

( و هو يوصف زوجته بهالقصيده ).



و في آخر أيامه له هالقصيده اللي تَحوي الكثير من الحِكَم . و مثل ماهي عادته يعتزّ بنفسه و يفخر بأفعاله الحميده
و يحق له الفخر و الاعتزاز, لأنه كان قول على فعل :

طلبت ربي عالـم السـر والغيـب=يقبل صلاتي لـه و يقبـل صيامـي
و يحعل لنا عرض نزيه عن العيـب=و يفكّنـا مـن شـرّ سُـو الأثامـي
بـن آدم ملفـا الخطـا والعَذاريـب=لو ما فعل رميـت عليـه التهامـي
حميت أنا نفسي عن الشك و الريـب=ولا أحسب إن يلقا بعرضي كلامـي
ربعي لقوا بي عقب ما شبت انا عيب=تسطير كتـب مفسريـن الحلامـي
قلت اخبروني يا مـلا وش ذالعيـب=قالوا علـى ساقـة رفيقـك اتحامـي
قلت ان هذا مـن قديـم لنـا عيـب=مستارثينه مـن خـوال و عمامـي
العيب ترك المعرضـه بالمواجيـب=والا الرفيـق بطاعتـه مـا نلامـي
رفيقنـا كنـه بـروس الشخانـيـب=في راس حـد نايـف مـا يظامـي

يتبـع ...