قصائد شمر بعتيبه
قصيدة كبرياء الطنايا = فهد خلف الشمري بافتخاره باصله ومدح عتيبه خواله
ولد البدويه
الله واكـبــر عـقــب مـاحـنـا نـتـخــاوه
والـيـوم تضـحـك عليـنـا هالبـنـت الـرديـه
قامـت تعايرنـي وتشـمـت بـاصـل الـبـداوه
يـــاي يـاربـيــه ذا امــــه بــدويــه
قلـت العفـو يابنـت الليـن واهــل الـطـراوه
بعزتـي اشـري ابـوك واصلـك وجـدك سويـه
خلينـا لرجالكـم النعـومـه واكــل الـحـلاوه
واكتفينـا بالمراجـل وقـلـوبً طيـبـه ووفـيـه
ابتعدنـا عـن طريـق الحقـد واسلـوب الـدنـاوه
وارتويتـو بالخساسـه ياعسـى صدماتـك قـويـه
ابـن الطنايـا وفينـا مـبـذوره بــذرة طـنـاوه
فينا المراجـل تنذكـر مابنـا اللـي ينسـى خويـه
فيكـم بـردوً ينذكـر متعوديـن علـى الـرخـاوه
اوفاكم اللي ينسى خويـه لااجـل مـال ولا بنيـه
هـذا خوالـي العتبـان كايديـن اهـل الــرداوه
اهل القلـوب الطيبـه قلوبهـم كمـا قطـره نديـه
دام خوالك النذاله حافظينـه يرتلونـه لـك تـلاوه
تعـوذوا مـن فعلهـم اهـل الشمـال والطائفـيـه
ارجي وش ارجي منـك قلـي ولا افتيلـي فتـاوه
علمينا وش نسبكم وش بالمراجل لرجالكـم ياغبيـه
لابك رجـاء انتـي ولا برجالكـم ذخـر ونخـاوه
مابكم اللي لااحتمى الوقت وقف ثم صاح انا سميـه
شوفي معادينا لانوانا الموت كيف يصبح له غشـاوه
اشهد ان العين للرمش ماهـي اقـرب مـن المنيـه
ماني مدور من وراكم رجلً يحمـل كلمـة شقـاوه
يـرد ابياتـي بقصيـده يحملنـي دفـع الجـزيـه
ربحني الشعر لان حامي الحديد اضربه بكل القساوه
يفخر بي الشعر وسيل القصيد من وراي الف سريه
ياغبيه شوفي رجالك اشباه النساء تحـت الغطـاوه
مانفرقهم هم صحيح رجـال او كـم بنـتً صبيـه
وردي عليك هو اللي احسبيه اليوم لك اكبر عـلاوه
لان غيري مليـون تفلـه يعتبرهـا بحقـك شويـه
والحين لاتقارني اصلك با اصلي البدو اهل النقـاوه
هذا ردي وشوفي كيـف رد عليـك ولـد البدويـه
كبرياء الطنايا = فهد خلف الشمري
شيوخ المراقيب
بسم ولي العـرش كبيـر التكابيـر
واسم الولـي دايـم كلنـا نهتديبـه
ماني ولد وايل اخو سالـم الزيـر
ولاني ولد شيخن من اقصى عتيبـه
انا ولد شمـر مفرقيـن الطوابيـر
اليا نويـت الطويلـه دايـم اجيبـه
ابكتـب اشواقـن بقلبـي مقابـيـر
لشيوخ المراقيـب طويلـن رقيبـه
يخيب لـي بيتـن ويخـون تعبيـر
يالله عسـى شعـري لا ماتخيـبـه
لامايهـون الكـل وادري بتقصيـر
لكن غرام عتيـب بقلبـي ضريبـه
عتبـان غيـر وافعولـهـم غـيـر
حتى الورع فيهم به عـزه وهيبـه
نسلهـم نسـل الحـرار النواديـر
وخـوة العتبـان ماهـي معيـبـه
اهل المراجل اهل الكرم ياهل الخير
اهـل الحميـه والفخـر ياعتيـبـه
افعولهم شمسن ضـوا دون تذكيـر
ويشهد لهم التاريخ طيب وغصيبـه
نجمن بزغ نـوره بحـزة عصيـر
مايحجبه شمسن ولايبخـر شعيبـه
اصغرهم اللي هيبته هيبـة الطيـر
وارداهم يكمل ثمن سبـع العجيبـه
علي محيا الشمري
لقيـت فالعتبـان خمسـة عـذاريـب
الطيب والنخـوه وتقديـر الأجنـاب
دون الخويّ ياطون حـر اللواهيـب
وإن صكت الدنيـا يفكـون الأنشـاب
يشفون عطبين القلـوب المصاويـب
لا صاح منكوباً من الوقت منصـاب
برباعهـم يلقـى معـزه وترحـيـب
وعند الوزي يبدي على الربع الأقراب
هـذا وفـا يـا كاسبيـن المواجيـب
لانـي براجيكـم ولانـي بـطـلاب
الحميدي الشمري
يعرفون المسيحي مـن صليبـه
يعرفون الخطابـه مـن خطيبـه
ويعرفون الليالـي مـن قمرهـا
ويعرفـون المولـع مـن حبيبـه
ويعرفـون الغليـم مـن خوالـه
ويعرفون المنابـت مـن حليبـه
ويعرفون النجايـب مـن فحلهـا
ويعرفـون الذيابـه مـن قريبـه
ويعرفون النخاوي العزاوي الـي
من صاحو الهيـلا عتيبـه . . .
ويعرفون النخـاوي والعـزاوي
الي -من صاحو الهيـلا عتيبـه
يجونك من على ظهور الاصايل
كتيبـه ميـر عـن ميـه كتيبـه
يدكـون الصلابيـخ برضمـهـا
ويرقـون المشاريـف الرقيـبـه
رحايلـهـم تـنـوخ بالـثـريـا
طريق(ن)داسـتـه ماتنتهـيـبـه
ومضايفهم قلوب(ن)بك ترحـب
صدور(ن)مانمتـرهـا رحيـبـه
لامن جيت برقا (حـي فالـك )
ولامن جيت روق (ابشربطيبـه)
عتيبه ياتواريخ تدرسن النوايـف
عتيبـه فـي معاندهـا صعيبـه
عتيبـه يامعسفـت الصعـايـف
عتيبـه عـز منـهـو ينتخيـبـه
عتيبـه فعـل وسلـوم وعوايـد
عتيبه ومنهو عانده حصل نصيبه
عتيبه ويش اوصف ويش اخلـي
ويش الي من حكا فيـه نحكيبـه
عتيبـه يابعـد حـي القصـايـد
قصايدنـا الفريـده والعجيـبـه
قصايـد فيكـم تشـرف اهلـهـا
اسـاس الشعـر فيكـم نرتقيبـه
وانا ولد الطنايا انجيـت ابشهـد
اقـول ان المنابـت مـن حليبـه
واقول ان النجايب مـن فحلهـا
واقول ان الذيابـه مـن قريبـه
واقول ان النخاوي والعزاوي الي
مـن صاحـو الهيـلا عتيـبـه
قصائد شعراء شمـــــر بقبيلة عتيـــبه الغنيه عن التعريف
العرض العادي
