صبرك على زلات الاصحاب يرفعك

‏صبرك على زلات الاصحاب يرفعك(1)
والصبر هوساس الفخر والرجوله

لوكان شيطانك على الغيض يدفعك(2)
الجم لسان ابليس واهزم خيوله

بالصبر تدرك ماتبي من منافعك(3)
وبالصبر تدرك عنفوان البطوله

على القرابه لاتوجّه مدافعك(4)
احلم على جهالهم والكهوله

تر الرفاقه حقهم من شرايعك(5)
في نص كتب الله وسنة رسوله

وسكر عن اصحاب النمايم مسامعك(6)
اللي على الاجواد يشعب ذلوله

ابعد بذور الحنضله عن مزارعك(7)
لاتتركه يخرب عليك امحصوله

ياجاك دلاّ بالسوالف يلمعك(8)
وان غبت غير هرجه اللي يقوله

يبدي لك الحسنا وياغبت يلقعك(9)
يكتب ويمسح ماكتب في سهوله

يدخلك في وهم المدايح ويطلعك(10)
ومن الحسد والحقد يملا حثوله

عقرب ثرى يستغفلك ثم يلسعك(11)
تحمل سموم التفرقه في ذيوله

جنّب طريقه واهجره لايجي معك(12)
تنهج مناهيجه وتفعل فعوله

عليك باللي مع رفاقتك يجمعك(13)
اللي على الجمعا تدرهم ذلوله

قرمن وجوده طمعتن من مطامعك(14)
ساس الوفا من يوم سن الطفوله

مشعل عسام التريباني الشمري في 21/5/1441هجري

 

 

 

 

 

 

 

 

 

 

شاعرنا القدير / ابو عبد الرحمن

صح السانك ملأيين
على هذه الأبيات الرائعه والجميله
بارك الله فيك ومتعك بالصحة والعافيه أسعدتني هذى الأبيات
الشعريه وأنارت بى البهجة والسرور

 

 

 

 

 

 

 

 

 

 

اخوي رعد الشمال
شكر الك على هذه الكلمات الطيبه والمتابعه المستمرن بيض الله وجهك يبعدي

 

 

 

 

 

 

 

 

 

 

صصح لسسانك .. شاعرنا الكبير

نصاايح في محلها .. تسسسلم