ياللي تقول اليوم مامن شجاعه =وقت الشجاعه راح مع سالم الزير
شفت العرب حول البنيه جماعه=لاهين في فرجه ولاهين تصوير
ماهزهم نوح المره واستماعه=كل ٍ يقول الفزعه بواحد ٍ غير
كل ٍ يقول النفس ماهي بضاعه=ماهي تعوض لاعتراها مخاسير
واثنين منهم حركتهم بتاعه =رشيد فك الباب وبنية الخير
تل المرة والسيل زاد اندفاعه = من قبل تذهب تلها كنه الطير
وسيف النماصي غاص قدّم ذراعه =ونجّاهم الله هو حسين التدابير
ياعيال هذه اكسيتكم اذاعه =قصة بطولة قبل كسب الدنانير
قصة بطولة قبل كسب الشفاعه=علم ٍ تسامى فوق كل التعابير
ياعيال شمّر يالقروم السباعه=تستاهلون من القيادات تقدير
عيال شمّر وارثينه طباعه =فزعت طنايا والطنايا مناعير