ي أهل الردى ماطيح وربي معايا
موتوا قهر بحقادكم ي الخفافيش
ماهمني هرج(ن) تقولوا ورايا
للحين ماحددت اسعاركم بيش
انتم ومن يضحك معاي بفضايا
ليه الكذب قصرت معكم انا ليش
ياحبكم لااهل الردى والوشايا
اوزانكم عند الثقايل كما الريش
بقلم الشمريه المجهوله
رد الشاعر خليف الزريق
انتـي جبالن شـامخه يالـسرايا
شومي عن الي حكيهم كلها طيش
ارقي سماء يابنت بـسم الطنايا
وبيارق الامجاد سقي المعاطيش
وانتـي نجاحك حط فيهم بلايا
ومن القهر تنابعت بـاخر القيش
مير احقري راع الحسد بالـمزايا
وبين التعاسه والقهر جعله يعيش
#خليف_الزريق
دام الحكي غاية هروج الخطايا
الله وكيلك قدرهم بالوزن ريش
من طاح قدره عاش دور الضحايا
ويبرر الفتنه على كذبة الطيش
يحسب مقامه من اكبار الدهايا
وفي واقعه غادي يبي لقمة العيش
بقلم عبدالله الخريصي
هروج القفى يابنت ماهي حكايا
ومن يذبح الحايل تجيه التراطيش
إن كان صارت طبعهم أو سجايا
الكلب يلقى الذيب بالنبح تهويش
ما ضر ذيبه ليا درع بالرعايا
صيده سمين وفايضه لغيره تعِيش
بقلم حمد الشمري
شومي عن الي مالهرجه بقايا::
يلفح بجنحانن عرايامن الريش::
يابنت من ينطح كبار الدهايا::
تري الردي يطيح لومابعدنيش::
ماغيربلسانه يسوي سوايا::
ولا الحقيقه من حساب الدراويش
( ابومنصور الغيثي الشمري
لـ مجاراة شعراء موقع شمر الاكارم ✍
العرض العادي
