يالمنشغل بالناس خذها نصيحه
افضل لك انك تنشغل في عيوبك
اسمع كلامي والعبارة صريحه
اترك دروب الناس طالع دروبك
اشغلت حتى العالم المستريحه
ومن قبل تبدى بالردى مادروبك
وش تستفيد إذا نشرت الفضيحه
لاتشغل العالم وتكثر ذنوبك
لامت مااحدن قايل الله يبيحه
ولااحد يلوم الناس لو شهراوبك
جزاك من نفس الفعول القبيحه
اللي بها ضحكت ناس اضحكوا بك
لاتستهين بذنبك وتستبيحه
تراك تنقل حيةً في جيوبك
وان كان تزعلك العلوم الصحيحه
ويرضيك منهج شلتن غرروبك
لابد ماتشكي ونفسك جريحه
لاباح سدك والخلايق حكوا بك
في وقتها تذكر عليك النصيحه
حتى ولو تهرب يضرك هروبك
نصيحه
العرض العادي
