قصيدة الاخ عبدالرحمن الشمري على الشيخ الدكتور
محمد العلي الدويش الجربا قبل ثلاث اعوام
زل وقتك يالهواوي بالتغزل والغزل =لين نستك اليالي من لهم حق وجماله
يستحق المدح منهو ان قال وفعل = ولد ابوه ومثل ابوه ويانعم هكا السلاله
الدويش محمد العلي الدويش وحي اصل=كبروله في عمامه واسجدوله في خواله
الكواكب تختفي وتظهر يقولونه قبل = يكذب هلال رمضان وهو مايكذب اهلاله
الكريم الساطي الضرغام القرم الفحل = والله انه هو سمو وهو بعد صاحب جلاله
وهو بعد سنجار شمر غير سنجار الجبل =بين مكه والمدينه والبحر ناشر ظلاله
مايهزنه زعازيع الرياح من الثقل = ون تهزهز عن مكانه مايميل اعقاله
طبع في يمناه ماتهدي الأ الجزل = وطبع في راسه من الشيمه تشيله يوم شاله
ليت عن طيب(ن) يسوي لو مره سأل =جعل يفداه المنون اللي يغثك في سؤاله
المثايل زاهية له دام مضرب مثل = وياكبر ذنب القصائد كان هي عدت خصاله
وهذا ردي المتواضع عليه قبل ثلاث اعوام
ارعدت في القوافي وامطرت سحبي جزل = لـ عزوتي هيبة وجودي ثنى شعري وأنتخاله
شيوخنا اطيور شلوى ينضرب فيها المثل = لابتي عزي وفخري تاج راسي لامحاله
الدويش نبع الصخا نخوتي رفاع النسل = شيوخنا من اطراف نجد ٍ من جنوبه ليشماله
ابو نايف سيل جارف ع العدو لامن زعل = وللخوي ماء ٍ فرات صافي(ن)عذب ٍ زلاله
مكرم البدوان ممدوح تشهد سنين المحل = معارض العدوان عزي مارضى بذل احتلاله
محمد حصان الطلايب بالمصاعب هو فحل = بين نجد والحجاز نسمع بطيبه وفعاله
صيتكم وصل الثريا وللجدي وحتى زحل = جوهر الدابان محمد يثمر الطيب بخصاله
شبه ليث في عرينه بين جدة والجبل = شيمته معى الحميه تاصل رواسي جباله
تنتخي له القوافي وتمتثل له الجمل = والشعر يحتار فيكم وفي وصفكم يارجاله
اذا غبتوا عن قصيدي شعري ينتابه شلل = وجودكم مثل الربيع تسرح افكاري بخياله
اخو شاهه مسندي قرم ٍ يضحي الأبل = كل يوم ٍ كنه عيد تفرح اضعوف ٍ بجاله
وجده الطيار فارس باقي ذكره لو رحل = مقدم الويلان هيلع تغلبي حر السلاله
صيتهم تاريخ بارز شايع في كل الدول = مرتع(ن) للطيب دايم حقه يفخر في خواله
والعفو عن اي زله او تقصير ٍ حصل = توه اشعاري جديده وقلتها ايضا بعجاله
وســـــــــــلامتكم
بقلم الشمـريه المجهـوله