بسم الله الرحمن الرحيم
شمر تاريخها واضح ومعروف وترديد الماضي من باب اثارة النزاع والجدل هذا تفاهة وسخف واكثر الناس ما تاخذ الا السلبي من الاشياء يكفينا من قصيدة الشريف:
زوبع وعبده يا تصافوا بينهم
***** عدوهم ضاقت عليه المعابر
ويقول جلوي التبيناوي:
ولا خير بمن يفخر بماضي اجداده
***** وهو عاجزن عن ربع الاول يسويه
ويقول الامام علي رضي الله عنه: " انما المرء بأدبه, وليس بحسبه "
لكن مدام اوردت قصيدة الشريف في هذا المنتدى فلا بد من مراجعة الضمير والذمة وذكر الواضح من القول والتحقق لا من باب التجريح والقدح فالتاريخ ليس ورقة من وجدها كتب عليها ما يريد فالقصيدة كما هو المعروف انها اثارت الجدل عند كبارنا قبلنا وكل قسم من شمر يروي القصيدة ولكن بعد تحقق من ليس لديهم أي انيحاز اذكر القصيدة كما هي بكامل ابياته والله أعلم ليست اقوالي انقل بكل ذمة وقناعة في نفس الوقت:
يا مل علينن للريف محمد
***** دمعة تهلهل من شفا الراس حادر
غدينا الخيل من الفلا ليما اشتهن
***** من البر والحذا واللبس زين المصادر
وجرينا السبايا من الطايف والحرم
***** حلنا وحلينا بديار الدواسر
وهزنا بن حميد وعنّا انتحوا
***** كره لقانا سند النير ناير
وخذينا بوادي النير للصقور عزبة
***** صمهلان اهلها عقب الابلال غادر
وجينا على بعض القبايل وادبحوا
***** اقفوا وعرفوا بها حمران النواظر
وغرنا على طرشن للسويطات بالحفر
***** خلينا الحوض المليان حاير
وهزعناه باليسرى على ديار شمر
***** ما دبر المولى على العبد صاير
ادلينا بالديرة اللي امسها باسم
***** أهلها كرامن بأيام حر المساعر
ومناخنا لعبدة تسعين ليلة
***** غربي بزاخة لا سقتها القواطر
هاضوا مع بيص وهضنا بأثرهم
***** ولجوا زغاريت البنات الجواهر
ومعهم لا قتنا سربتن زوبعية
***** ايلاوي مصارع خيلها كل نادر
اليا اقبلوا كالصواقع بالسما
***** وان صدروهن كاللقاح الصوادر
السربة اللي ما تناقل خيلهم
***** يردون حياض الموت ورد المخاطر
وعليهن من عيال الغفيلي سربة
***** وساع الطعون ومدركين المفاخر
وعليهن ذيب الخيل شايع يقودهم
***** ولهم مقامن بالجدود الاكابر
ومعهم من موارث ثابت سربة
***** دكاتهم بالكون دكت عساكر
ما تشوف ضرب سيوفهم بظهورنا
***** مثل خطاة المزن من نو ماطر
حلوا بتالينا وانقاد سرحنا
***** وايدي بيص قطعن بحد شاطر
صكوا علينا سربتين تذودنا
***** هذاك يوردها وهذاك شاهر
زوبع وعبده يا تصافوا بينهم
***** عدوهم ضاقت عليه المعابر
صاحوا علينا صيحتن تنثر الدما
***** وخذوا نوادي الخيل والعج ثاير
خذوا نوادي خيلنا واقرشوا بنا
***** رحنا على الطوعات والكون عامر
الخيل بالفرسان قامت تذودنا
***** ومن دور العيلات هذاك خاسر
جونا على الطوعات عيال المحمد
***** من فوق طفقات المهار العنابر
يذودنا طلق اليمين محمد
***** يشعث بتالينا والعج طاير
صاحوا علينا صيحتن ترمل النسا
***** يشيب به المولود وباقي التذاكر
علنا عليهم عيلتن من خطانا
***** وانا على ما قدر الله صابر
وتجاولنا بالجرع باطراف موقق
***** وصارت علينا من كبار الكساير
وقمنا ننخى كل قرمن مجرب
***** يالله يا قادر على كل قادر
وتشوف جدع الخيل منّا ومنهم
***** هشيم طلحن جابه السيل حادر
قلت يا بيص النيا احتم ربعنا
***** يا بيص يا فرز الوغى يابو شاكر
رده عليهم بيص واحمر السما
***** وغدت فروق الخيل مثل البواخر
ولا قاه دندح التجغيفي وأعطبه
***** بشلفا تلظى بين الأضلاع ساعر
وتركنا بيص بريع المغني
***** تمره ليلة صدرها بالاكادر
وردنا الحليفة تاركين شيوخنا
***** فياض وهوشان ومحتمي الخيل ناصر
وخيلنا جبار والزناتي عبدالله
***** بالتلعة اللي حصاعا جفادر
عفية بني عمي وجادوا رفاقتي
***** هل الشيمة العليا وساع البنادر
ردوا علينا خلينا عقب قوة
***** شيمة عرب من مدلهين القصاير
خلاف ذا يا راكبن عيدهية
***** كنّه جمل من عقب الاضراب فاطر
تلفي بني عمي هل الجود والصخا
***** اشراف لفروع القبايل مصادر
ان نشدوك عن حالنا عطهم الخبر
***** ترى حلات العلم ياتي مبادر
سرنا ثم غرنا وصارت كسيرة
***** الراس من كثر الهواجيس سادر
جادوا بنا شمر بغيبة رفاقتي
***** هل الشيمة العليا وساع البنادر
عز الله اني ما انتويت حربهم
***** مار الله اللي قدر الامر قادر
حلفت ما اجي دارهم عقب ما مضى
***** كود نتواجه عند رب المقادر
هذا كلامن للشريف محمد
***** يذكر فعلون ماضي له بوادر
هذا وصلينا على سيد البشر
***** عداد ما كبر بروس المنابر
وســـــــــــــلامتكم
وبدون جرح نبقى زوبع وعبده متصافين قبل الشريف وبعده والديرة الي اسمها باسم اهلها المعنين اهل اللحيسة الاسلم:
شمر خيار القوم لو لا فعاله
***** يا بنا منهم خيّر يطنون
وتقبلوا تحيتي وخالص نيتي