ألى القبيله التي خضع لها التاريخ , وأرتفعت بيارقها على مشارف جبال المجد والعز
قبيلتي .. شمـــر .. امتداد الافتخار لكل من ينتسب من صم جبال حائل وسنجار ..
ابناء عمومتي عزوتي .. لكم ماكتبت ..
القصايد قهاوي هيلً وزعفراني=لادعاني هجوسي فاحت الشاذليه
المعاميل عندي كل جزل المعاني=من جلاميد فكري أشعم النار حيه
مايحسه خفوقي ينطقه لك لساني=والكلام المدوزن عندي مافيه زيه
من تكلم مثايل مايبي ترجماني=ومن تكلم هزايل كل علومه خفيه
الادب والفصاحه شيمة الاصفهاني=والدهاء والفراسه شيمة اليعربيه
الذيابه ذيابه والحصاني حصاني=مادرسها نيوتن دارس الجاذبيه
ماتغير زمانه ولاتغير زماني=يبدي اليوم شمس وينتهي سرمديه
ماتروض أصيله ولاتشّد العناني=من سلايل أصايل والكحيله بنيه
شاعره من شذاها وردة الاقحواني=يعّجز النحل فيها يوم ضيّع خليه
بنتً حرً تعلى مانزل بالطماني=يكعم المعتدى لامايهاب المنيه
كاسبً للنفيله شوق بيض الغواني=نادرً مالقينا بالخلايق حليه
للقبيله محبه بين عوج المحاني=وللقبيله تراني اعشق العنصريه
لوتقولون فيني الجنون ابتلاني=كبريائي طنايا وأنبذ العنجهيه
ياعرب لو تمنى كل منكم مكاني=وآهني من هو اللي لابته شمريه
للقساوه قساوه ولليانه لياني=يحتوون الشجاعه والسنع والحميه
يكرمون الطراقي مسرهدين الصياني=ياهلا ومرحبابك ياهلا وانت حيه
شاع صيت الطنايا عند قاصي وداني=من ديار الجزيره وديرةً حايليه
أنشد الشاعر اللي لادعيته دعاني=أنطلق من لسانك للبيوت القويه
امدح عيال عمك ياعريب المجاني=وخل لك بصمةً في كل موقف وهيه
من يجاري بيوتي ياعسى مايهاني=شاعر للمشاعر والسمات الوفيه
أحمد الله دعيته يوم ربي عطاني=هو كريمً ولاغيره جزيل العطيه
كبريائي طنايـا
العرض العادي
