عندي قصيده غاليه علي وحبيت اعرضها عليكم لو انها ماتصل لمسمى قصيده يعني مجرد شخابيط
لاقلت فيك من القصايد والابيات=ماهو بكيفي غصب عني تجيني
شي بوسط القلب يقصد وبسكات=يملي علي وان اكتبه في يديني
يقول فيك من القصايد جزيلات=انا اشهد انك لي مثل نور عيني
انت الرفيق اللي تحدى الصعيبات= وانت الخوي اللي احطه يميني
واحد وتسوا في عيوني جماعات=الله يحفظك من صدوف السنيني
ياصاحبي لك مني ابيات واضحات=وش زعلك خلاك صاير حزيني
قلي وانا اهز الجبال الراسيات=واصير سيفن في يمينك متيني
من شان اشوفك مبتسم وسط ضحكات=واشوف من يكرهك هم الخاسريني
وختامها ازكى واطيب صلاوات=على محمد خاتم المرسليني
وسلامتكم