✅
بنات فكري منزله بين قوسين
وحروف شعري كبرياء وتعالي
.
شم النخيل الشاهقه طولها زين
فيها من اوصاف الرجوله مثالي
.
(أبوي) فيه من النشاما براهين
الغانمه تزهاه والراس عالي
.
لو غاب راسه صورته داخل العين
على رجوم العز اول وتالي
(واخوي) نبع الطيب بدارالربيعين
للشمري مزبان في كل مجالي
.
هذا مكاني فوق وكر الشياهين
ماغيرت مبداي سود الليالي
.
اصبر على الشدات بالعسر واللين
من عزتي للنفس تسمو اخصالي
.
رغم الردى والكذب والواقع الشين
محشوم قدري ياعريب السلالي
.
بشموخ حرفي ماحسبت المعادين
لي بصمة" بالشعر لاجا مجالي
.
والخاتمه اسمى المبادي عناوين
شيهانةً من فوق شم الجبالي
.
بقلم الشمريه المجهوله
.
شيهانةٍ من فوق شم الجبالي
العرض العادي
