الظروف اسيوف ....

الظــروف اســـيوف .....

القصيد انــواع والمعنـى دفيـن = والقضــايا اليـوم يصـعـب حـلّـها
بيـن شـك وبيـن ريبـات ويقين = تـاهــت افكـاري ولااحـدً دلــها
واكـبتني من يسار ومن يـمين = والظـروف اسيوف وقتي سلّها
بين غـاير طحت وارماح الكمين = والهجـوس السود جـتني كلّها
اتـقلّـب بيـن نسّــاي وفـطيــن = صــابنـي حيــره. وصبـري مـلّها
احتريت الفزعه اللي لي تـعين = وانـصدمت وشين حظـي شلّها
ورغـم هذا. عندي ايمان وين = وحـالـفً نـفسي انــا مــا اذلّــها
ولو لهمـت تراب عـزمي. مايلين = ولانـي مـن اللي يقـولوا. خلّـها
ومـا انكتب للعبد يظهـر فالجبين = ينتـهـي بــه دقهـا مـــع. جـلــها
ذا جـديد اللي غدا مثل سجين = صــابــرً . والكبــد زايـــد غـلّـها
جـاك. ردي واختصــاره كلمـتيـن = (لــي. كرامـه ) واستظل. بظّلها

بقلمـــــي ....

 

 

 

 

 

 

 

 

 

 

صح لسانك وطاب فالك على جزالت الكلمات 0 سجل أعجابي بالنص 0 دمت بخير,,

 

 

 

 

 

 

 

 

 

 

احتريت الفزعه اللي لي تـعين = وانـصدمت وشين حظـي شلّها
ورغـم هذا. عندي ايمان ويقين = وحـالـفً نـفسي انــا مــا اذلّــها
ولو لهمـت تراب عـزمي. مايلين = ولانـي مـن اللي يقـولوا. خلّـها

كفويابوفهــــــد وصح لسآنك مـــــــدد ولافض فوووك
تحياتـــــي لك لاعــــــــدمنا وجووودك.

 

 

 

 

 

 

 

 

 

 

كفوووو

وصح لسااانك أبيات جميلة من شاعر متمكن
لا فض فوك