السلام عليكم ورحمة الله وبركاته
اخواني الاعزاء ..
اقدم لكم هذه الابيات الشعريه وامل ان تحوز على رضاكم ..
-------------------------
ياقاف خذ مني حروف مرتبه واطلع طلوع=اسبح على متن الفضا وابعد وخل المعمعه
لامن تساويت انت مع كوكب زحل خل الرجوع=خلك معه خلك معه خلك معه خلك معه
لنك من احساسي وانا ماني على الهين قنوع=وغير ارتفاعك للفضا ماعاد لي بك مطمعه
وان جذبتك الجاذبيه من فضا وقّع وقوع=على مشاعر من جذب, مليون ولا اربعه
مابيك تبقى بالعقول من الربوع ليا الربوع=ابغاك تبقى بالمحيط اللي يرد الزعزعه
ربي خلقني شاعر(ن)واعطي ولكني جزوع=وطرفي عن المنسوج كانه مارقا فوق ارفعه
زرع المزارع يختلف ماكل نوع(ن)مثل نوع=ياكثر منتوج المزارع مزرعه في مزرعه
وانا غروري يبتعد بي لا خنوع ولا خضوع=والغصن لاشفته تمايل من شموخي اقطعه
قيمة حروفي بنك معلومات له عدة فروع=هجس(ن)وراي وفكر والخفاق دولة تجمعه
وانا ادري الكافر صلاته لا سجود ولا ركوع=ولا تنقبل حتى لو انه الف ركعه يركعه
وان جات الافكار الخوالي من منابعها تفوع=قلت السعه ثم السعه ثم السعه ثم السعه
حتى لو الخفاق من كثر الزعل دق الضلوع=ارتاح لا دق الضلوع وردّ لنه تردعه
----------------------
وسلامت عيون من تاااابع
تقبلو فائق المحبه والتقدير
اخوكم الشاعر
مرزوق الرمالي
!! .. الــــجـــــاذبـــــيـــــــــــــــة .. !!
العرض العادي
