كل الشكر للأخ الحيران على هذا الموضوع عن حياة وأشعار الأمير // حمود الرشيد .. رحمه الله .
لاهنت والله يعطيك العافيه .
--
(( وسأذكر هنا بعضاً من قصائد الأمير حمود العبيد الرشيد )) : -
الأمير حمود العبيد الرشيد يتهدد راكان بن حثلين
شيخ العجمان : -
قـولٍ بلا فعـلٍ بـه النـاس تَـقْـفَـاك=والحـكـي بـبـلاشٍ وشرب القـهـاوي
غـديـت مـثـل أقْـذَار الله يـبــلاك=وعرّضـت يـامٍ للمـحـن والـبــلاوي
كـم واحـدٍ في جـرّتـك صـار حـوّاك=من عقـب ما هو من بـعـاد الـمـراوي
قصيـدك اللي يا ابـن حثـليـن خـلاّك=تضـرب على طـاش البـحـر ماتـراوي
أذهبـت يـامٍ في قـصيـدٍ بحِـمْـرَاك=وبعتـه برخـصٍ عقـب مانتـب غـلاوي
عقـب العِصَايـة والتعـرض بالأمـلاك=تَحَـلَـلّه مـن حـمـد ربـك هـنــاوي
لـولا سـعـودٍ جابـكـم يـوم جـلاّك=تـمـوت وانـتـه كـان دومٍ جـــلاوي
وقصيدتـك بالطيـر خلّـت رعـايـاك=تحت نحـور الخـيـل قـرعٍ مـهـاوي
ماجـاك شيء إلا بثـر فـعـل يمنـاك=وإلا بكـثـر الحـكـي هو والـحـداوي
وإن طعـت شوري حط حكيـك بمعنـاك=ولا تـصـيـر بـكـل حــالٍ فـــداوي
ترى التّـفَـدْوي ذمّـه الله لـشـرواك=بالـهـدي مـذمـومٍ ذبـيـح الـكـراوي
ذا قـولْ من لاهـو من النـاس يـدراك=لاهـو هـتـيـمـيٍ ولاهـو حـسـاوي
ماسـال عن راسٍ به الـزوم شـرواك=بالمجمعـه بـظـلال عـطـب الأهــاوي
وإن كان تبغي النصح حنّـا نصحـنـاك=وإلا فـراعِ الـنـار بـه لـك مـكــاوي
ومك على اللي يـوم حمّـا تنـصّـاك=وخـلاّك تـمـرح بالتّقـيـعِـي خــلاوي
---
(( الامير حمود العبيد و رحيّان ))
(( رحيّـان )) هو سيف ابن عدوان وهو من الجنس الفارسي المسمى خريسان، وقد كان الأمير حمود العبيد الرشيد يريد ذلك السيف لما يمتاز به من جودة الصناعة وصلابة معدنه، فقال-رحمه الله- هذه القصيدة مخاطباً عبدالمحسن السيف يقول فيها : -
مـا اريـد كـتـبٍ لك ولا ريـد غـرْضـان=إنـتـه بحـلٍّ من بُـوَاقِـي حـقـوقــي
بـاغٍ مْـنَـكْ يا ابـو مـحـمـد رحـيَّـان=مـالـي من الحـاجـات كـوْد الـدّفُـوقِ
نـفـسي تحب من الصِّـيـارم خـريـسـان=إلى عـاد ما به يا ابو صالـح طـبــوْقِ
اِشْــره وكِــزّه لا تَـدانَـى بـالأثـمـان=مـانـا بحـال الــزود بالـلي يـلــوقِ
مـبْـطِـي وأنـا شَـفِّي بسيف ابن عـدوان=بـغـاه أبـوي ولاحـصـل بالـوفــوقِ
أنـا على نَقْلـة هَـكَ الشِّـرْث شـفـقـان=أريـد أحـاول بـه خَـطـاة الـبـيــوقِ
ليتـك تشُـوْفَـنْ يـوم مـوْجَـات الأذهـان=والسـيـف بِي يمنـاي والـدِّرع فـوقـي
إلى اخـتـلـط عـجّ السبـايـا لـدخَّــان=لـزْمـاً تخـلّى يا ابو صالـح طْـرُوقــي
---
(( الأمير حمود العبيد .. وطالب الهديه ))
قدم على الأمير حمود العبيد الرشيد رجل فطلبه هدية من كسبه في إحدى غزواتهم في عهد الأمير محمد العبدلله الرشيد فإذا بمحمد وقد تأخر على حمود في إرسال عادته مما كسبوه من الغنائم فقال هذه الأبيات:
ابطى عـليّ محـمـدٍ بالبعـاريـن=منـيـن نعطي كان هو ماعطـانـي
يامن خبر يحذي وهو ماكسب شيـن=ياكود ابن ناحل* ابماضي الزمـانـي
خلف عطا من غالي المال ياحسيـن=علّـه يخلـّـد في نعيـم الجنـانـي
صمايـلٍ ماهي سوالـف ديـاويـن=وجهه يبـاشر بالعطـا كل عـانـي
رجلٍ عليـه الله و الأجواد راضيـن=وراعِ الحَسَـاني ينجـزي بالحسانـي
قلت الكـلام ولاهـدفنـا مخاشيـن=إلا الصحيح اللي هـرج به لـسانـي
حنّـا لمن يـافي بعهده وفـيِّـيـن=وصـديقنـا يبشر بعـزٍ و أمـانـي
ومن شان تطلع له هل الماقف الشين=وعيـبٍ على اللي يتـقي بالطمانـي
وبأفعالنـا تشهد شيـوخ وسلاطيـن=حنّـا الضياغـم وأصلنـا بقحطانـي
(1) أبن ناحل : - من شيوخ بني سالم من حرب عرف عنه الكرم والشجاعة حيث روي عنه أنه عاد ذات مرة من الغزو ولم يكسب شيئاً ووجد في بيته أناساً ينتظرونه ويريدون الأعطيات كما عودهم فأبى أن يعودوا الى أهلهم بلا شيء وأعطاهم من إبله التي عند أهله فكان مضرب المثل لمن عاد من الغزو بخفي حنين وأعطى .
---
(( نـجـدٍ ملكنـاهـا من الطـاف للطـاف ))
كان للأمير محمد العبدالله الرشيد(المهّاد) علاقةٌ استثنائية بأخوه من الرضاع وابن عمه الأمير حمود العبيد الرشيد وكان كل منهما يكن للآخر حباً قلما تجده بين الأخوة الأشقاء، ومن ذلك أن حمود كان هو المؤيد والعامل المساعد الأول في استلام محمد مقاليد الحكم، و قد كان محمداً مغرماً بقصائد حمود الحماسية والحربية فقال لحمود اترك شعر الغزل حتى لايطغى ذلك على الجانب الآخر من قصائدك فتجنبها حمود فترة من الزمن إلى أن تزوج إحدى بنات عمه ..... فأنشد فيها هذه القصيدة ممازحاً ومشيراً إلى ماحدث بينه وبين محمد العبدالله ( رحمهما الله ) : -
والله يـالـولا ذلّـتـي من محـمـد=لأقول بك قـولٍ يضـرّب بالأوصـاف
ياللي على وجهك كسرنـا اليمـامـه=نـجـدٍ ملكنـاها من الطاف للطـاف
يابو جـديـلٍ مثل ريـش النعـامـه=ما فوقها كود الغـوازي و الأنصـاف