يا فهد تر حياتي كلبوها دموع =اخفي الجرح واضحك والمعاليق نار
لو تخيّلت نفسك دون ناس وربوع =وتسري الليل وحدك ما تحرّى نهار
ولو يعيفك منامك والنواظر خضوع =للسهر والندامة والغبن والمرار
والله ان العظايم خافية بالضلوع =ووالله ان الثقايل له متوني قرار
الصبر طال ليله والمآسي شموع =والشقى نبض قلبي خاب حظي وجار
آه يا جرح روحي آه وين السموع =القدر قيد روحي والزمان استدار
والجمل في عقاله كل يومٍ يفوع =والسكاكين كثرت غاب حتى الوقار
راحت سنين عمري والمذلة تلوع =كل رجلٍ شريفٍ من غثى البال حار
شعر / عمر بن عبدالمحسن