وجدة هذه الابيات في مخطوطه محمد بن حمد المحمد العسافي البوعليان المولود في الزبير
عام 1890م وهو يذكر ان الشاعر خضير بدأ بأبيات قبل قصيدته المشهوره ولاول مره تنشر
قال هذه الابيات
تسعين ليله نضرب العوص بالعصا = للشيخ ابو صلفيج نبغي نسايله
مثلي غريب الدار لازاعه الطنا= يزوم ليا قلت بصاير محايله
جينا يموم الجدي من دارحينا= جيناك ياشيخ ارفاع حمايله
عشير خطاره ليا شلفح الدجى =والحب قلت بالبنادر مكايله
عشير خطاره عن الجوع والجفا= عاشت على فضل الكرم مع فضايله
ليا جيت في نجد ٍ والارياف والحسا=اللي بها ناس تحكي نفايله
ماقلت ذا باغ به المد والعطا= ترا قولنا كل ٍ من الناس قايله
تر الردا صفون حزم من الصفا =والطيب طعس من نفود اتهايله
وهذه المخطوطه تؤكد ان القصيده التاليه على الشيخ فارس الصفوق الجربا وليست على
الشيخ عبد الكريم الجربا وكلهم اشقاء وطيبهم واحد ولكن شهرة الشيخ عبد الكريم الجربا
اخذت كل الاضواء
ونعودلشاعرنا الذي بدوره استرخص من الشيخ فارس الجربا وقال هذه الابيات وساضعها
كما هي موجود ه في المخطوطه
ياشيخ انا جيتك على الفطر الشيب = جزان عن دار المحبين دباب
دبا علي ودب مني بتقريب = قل المواشي ياذرا كل من هاب
من دارنا جينا لدارك تغاريب = يموم جدي ٍ لاتغيب ولاغاب
متخيرك يامعطي الخيل والنيب = وماخيب الله للجاويد تعاب
يازير يالزحار يالنمر يالذيب= يالليث يللايوث يالشبل يالداب
يالضاري يالضرغام عطب المخاليب= يالصعل يالصععصاع ياحصان الاطلاب
يانادر هيلع اعقاب المراقيب= يافرز يامفراص ضده والاجناب
نطاح طابور العساكر لياهيب= ستر العذارى لاغطا الزمل ضبضاب
فارس لياثار الدخن والمغاليب =بالسيف لارقاب المناعير ضراب
وبه ذارب كب الفراد المحانيب =وبذل العطا والنفافيل كساب
وذبح الغنم والكوم حرش العراقيب= وعطا الامهار وطرم الاكياس بحساب
من عقب ذا بالعون مابه عذاريب= احلى من السكر على كبدشراب
حاش الصخا بالكف كل المواجيب= غير الصخى مع عيشة البدو والباب
قب يجر ارسانها للاجانيب = يفاجي بها غراة ضده بالاسباب
صارة لبو صلفيج مابه تكاذيب = شيخ الصخى معطي طويلات الارقاب
دارت عليهم نجد كل الاساليب= كنه هديب الشام بالحمل عتاب
جيناك فوق الهجن بيض المحاقيب = لمشاهدك ياشوق وضاح الانياب
الحر ليا مدح تزايد من الطيب = والتبع قناصه من الصيد ماخاب
قصيدة خضير الصعيليك على الشيخ فارس صفوق الجربا
العرض العادي
