القصه الحقيقيه لماجد الحثربي العلياني الخريصي
قصة ماجد الحثربي من اشهر القصص في الجزيرة العربية وقد تناقلتها الالسن وتم عرضها في الكثير من المسلسلات التلفزيونية
القصة حدثت في احدى السنين كان الوقت دهر على العرب والامطار قليلة جدا وكان هناك فيضة في الشمال وكانت هذه الفيضة هي الوحيدة اللي بها ماء كثير ..فارادت قبايل الشمال الثلاث ( الظـفير وشمر وعنزة ) انهم ينزلون على هالفيضة ويسمى قطين وكما هو معروف وكعادة العرب
كان بين هذه القبايل الثلاث العديد من المعارك والحروب والمغازي وكان بينهم دم وثارات قديمة ولكي ينزلوا جميعا على هالفيضة يجب ان يعقدوا صلحا مؤقتا بينهم او عهدا خلال فترة نزولهم على الفيضة وبعد ذلك يرجعون الى ماكانوا عليه فاجتمع
رؤساء وزعماء القبايل الثلاث مطلق الجربا شيخ قبيلة شمر ودغيم بن سـويط شيخ قبيلة الظـفير وجديع بن هذال شيخ قبيلة عنزة اجتمعوا فيما بينهم وعقدوا صلح بينهم وبنود هذا الصلح انه تمنع المعارك والمغازي بين القبايل الثلاث طول مدة بقائهم في هذا المكان ( البيوت مفروشة ) ماحد يدخل دخيل (جدع السلاح وربط الخيل ) وكذلك انه اذا حدث خلاف بين شخصين واعتدى احدهما على الاخر فان المعتدي لا يجيره اي شخص منهم ولكن يتم ارجاعه الى شيخ قبيلته وهو يتصرف بامره . وافق الزعماء الثلاث على هذا الصلح وحلفوا (دين علينا اننا مانخون هذا الصلح والخاين عليه الله) وسميت هذه الفيضة من ذلك اليوم ( ام الاديان) المهم
كان هناك رجلا اسمه ماجد الحثربي من العليان (عليان الخرصة ) من شمر وكان مولعا بالقنص فكان يذهب كل صباح ولايرجع
الا اذا اظلم الليل ومعه صيده ماجد ماله الا امه وابوه متوفي وماعنده اخوان وكان مفوز التجغيف من التجاغفه من فرسان العمود من شمر كان عنده اسير ببيته وفي يوم من الايان انحاش هالاسير
وزبن بيت ماجد بغيابه وماكان في البيت الا ام ماجد قام مفوز ودخل البيت وقام يجر الاسير معه جته ام ماجد وحاولت ان تثنيه وترده لكنه ماش عيا يطيع وقالت له خاف الله يامفوز هذا دخيل قال اليوم الحقوق مرفوعه بين العرب ومامن دخيل دام حنا على هالفيضة المهم مفوز ما رد على الحرمة وخذا معه اسيره اللي زين على بيت ماجد قامت ام ماجد و كفت الدلال على النار واهدمت مقاديم البيت ويوم رجع ماجد واليا هو
يشوف البيت مقاديمه مهدمة يوم سأل امه قالت العلم كذا وكذا ... فرد عليها ماجد : هذا خالي وفيه عهد بين القبايل ان مافيه احد يزبن الدخيل
قالت : البيت اللي مايفك دخيله الواجب ان تطفى ناره يهدم بيته لانه ماعاد له قدر بين الناس ...المهم ماجد انغبن وخصوصا انه مهو قادر يسوي شوي لانه ما يقدر يطلب التجغيف للحق لان هناك عهد بين القبائل ولا يقدر بالقوة لانه لا يقدر على التجغافة المهم من الغبن يقوم ماجد ويطوي بيته وياخذ امه ويرحلون يم خواله الفوارية من العمود ايضا ....عمر وفهيد عيال هضيب الفواري وخواله كانوا من فرسان شمر المعدودين والذين يشهد لهم التاريخ
وللمزيد من الاطلاع عن تاريخ خاله فهيد يمكنك عن طريقة الرابط ادناه
http://www.alammod.com/vb/showthread.php?t=243
كان ماجد موصي امه انها ماتعلم احد باللي جرى مايبي يكدر خواله ويضايقهم المهم كان ماجد على عادته الاولة كل صباح ياخذ طيره ويقنص لكن هالمرة لاحظوا خواله ان ماجد كل ماعود الا مامعه صيد والديرة معروفه انها مليانه صيد . ماجد كان يطلع الصباح وينحر ضلعن حول ديرة خواله ويرقاه ويقعد يفكر بامره . استمر ماجد على هالامر
فاراد خواله ان يستطلعوا وش الامر قالوا اكيد انه عاشق وكان ماجد ولد مزيون ووسيم فارادوا ان يختبروه فارسلوا بنتا عندهم وكانت على قدر كبير من الجمال وقالوله عرضي عليه واذا كان راعي عشق فهو بيكلمك ويقصد بك المهم يوم جته البنت وقامت تعرض امامه قاله ماجد ( يابنت ماني من اللي ببالك سلم الله ارجالك) البنت يوم سمعت هالكلام وهي ترجع لاهله وقالتلهم ماجد موضوعه مهو موضوع عشق
الموضوع حاجة ثانية الله اعلم بها.المهم يوم جاء الليل ويجيه خاله عمر وينشد ماجد عن حالته وعن قصته
ويوم كثر النشدة عليه قال :
يا عمر ياالمدلاة يـا نـازل الخـوف=اذهبتنـي وانـت تنشـد لـك أيــام
يا خو فهيد اللي بك الطيب ما صـوف=والكل منكـم يشبـع الطيـر لا حـام
يا اللي على كل الجماعة بكـم نـوف=عذبتنـي وانـت تنشـد لـك أيــام
ما تشوف حالي كنهـا حـال ملهـوف=والا العليل اللي علـى الـزاد صـوام
ولو قربوا عندي من الـزاد بصنـوف=وفوقـه فقـار وسيـح الـزاد بيـدام
ولو حنطة البلقا مـع تمـرة الجـوف=مـا تقبلـه نفـسٍ عليهـا الطنـا زام
ولو عرضولي لابس الخصر وشنوف=بارض الخلا عن دار كفر(ن) والاسلام
لو صوتو باللة وامانة عـن الخـوف=مابيه لو انـه علـى الـروح عـزام
شفي مفوز شمعـة الغـوش منقـوف=خيالهـن وان جـن بعثعـث ورضـام
خيالهن وان جن مع الحـزم زفـزوف=مثل الحباري عن شفا الطيـر خـرام
اللي كساني ثوب اسود وانـا اشـوف=خله يقع في سهر عينـي وانـا انـام
ومن عقب ماني قنب صرت انا صوف=اجـود للحضـر المقيمـيـن فـحـام
وان جيت لمجلس لابتي تقل ما شوف=اقلـط الغتـره علـى الوجـه قــدام
وحنا على حرب المعادي بنـا نـوف=امر من طعم الشـري عنـد الالـزام
شفي زبون اللي من الحصن مجلـوف=قرمٍ ويروي شـذرة السيـف لا هـام
اقطع عليه النزل طوف ورى طـوف=واقلـط عليـة بربعـة البيـت قـدام
ثـم الهبـه بمصقـلٍ يبـرد الجـوف=مـا صوغـه عنـد الصنانيـع بلحـام
اما عليـه البيـض يصفقـن بكفـوف=والا فلا يمشـي علـى كـل الاقـدام
وان ما سويـت فـي حـد مرهـوف=وجهي مـع الخفـرات دقـوه بوشـام
ويوم اصبح ماجد وهو يركب ذلوله ويرجع يم فيضة الاديان عند ربعه الاولين يبي يطلب مفوز التجغيف ويوم وصلهم اليا الليل يوم اظلم عليهم وقام ماجد يتسحب تسحب حتى مايشوفه احد الي ان وصل بيت عمته ويم شافته قالته وش اللي جابك ياماجد قال جابني حقي اللي خذاه مفوز وقطع وجهي به قالت والله ان التجاغفه ربع ما انت بقاويهم لحالك قال الله يهون الامر ومن اصبح افلح ويوم جاء الصبح ويقوم ماجد ويقول لعمته لبسيني لبس حرمه ابي لي عباة وبرقع وغطوة وعقب مالبس ماجد لبس الحرمة وهو ينحر الفيضة لان خابر ان مفوز بهالحزة عند الخبرا يبي يسقي فرس له هناك المهم يوم وصل ماجد اليا الاخوان الثلاثة كلهم متلايميينن حول الفرس واليا هذا فايز ومفوز وفواز المهم مفوز يوم شاف المره ( اللي هو ماجد ) قال عدي يامرة واملي قربتك مادرى انه ماجد واليا ساق مفوز رافعن الثوب عنه وماجد داسن سيفه تحت الثياب ويقوم ماجد ويسحب السيف ويضرب مفوز واليا هو كاسر ساقه وقاطعه
ويركب فرس مفوز ويهرب عليها .. ويطارده اخوان مفوز فايز وفواز ولحقهم فرسان شمر وعلى رأسهم الجربا ...ويهرب ماجد ويشوف المضيف . مضيف شيخ وهو ينصى المضيف ... مضيف جديع بن هذال شيخ عنزة راعي الحصان بن هذال وهو يدخل على المحرم ( قسم النساء ) حريم الهذال ويربط نفسه بواسط البيت ( العمود الكبير اللي وسط البيت ) وهذا دلالة عند العرب على انه دخيل فزع بن هذال وفزعت عنزة يوم شافوا خيل شمر جايتهم
ويوم اوصلوا واليا مطلق الجربا يقول سلمنا الدخيل اللي زبن على محرمك ويوم ابتحل جديع بن هذال لكن وش يسوي مابيده حيله فيه صلح بينهم والبيوت مفروشه يعني محد يدخل احد والجاني محد يزبنه واستخار جديع بن هذال وقام بيسلم ماجد لشمر وكانت بنت جديع بن هذال بالمحرم وتسمع بالحكي اللي يدور بين ابوه بين شمر ويوم ايقنت ان ابوه يبي يسلم ماجد وهي تقوم وتقرب اطيب خيل ابن هذال وقالت ياماجد ترا ابوي شيخ وراعي حظ وبخت وهو يبي يسلمك لشمر مير قم واركب بنت الحصان اطيب خيل عنزة واهرب عليه
ويقوم ماجد ويركب بنت الحصان ويزبن على بيت الامير/ دغيم بن سـويط
ويوم شافوه فرسان شمر وهم يلحقون باثره ولكن الفرس اللي راكبه ماجد من اطيب الاصايل وماتنلحق المهم وهو ياصل لبيوت ال ســويط وهو يزبنه
ويفز الامير/ دغيم بن سـويط يوم شافوا الدخيل اللي زبن محرم البيت وهو يصيح
دخيلكم دخيلكم
يوم وصلوا فرسان شمرقال لهم ابن سـويط يالله حيهم اقلطوا
ياشمر الله محييكم . قال مطلق الجربا ياابن ســويط حنا جيناك نبيك تسلم الدخيل اللي زبن عليك... ويوم صار ابن سـويط في حيرة من امره وش السواة ويوم الله الهمه الفكرة اللي سهلت الامر قال ابن سويط : اسمعوا ياشمر
والله ماجد زبن البويت والبويت هذا ماحضر العهد اللي بيننا ولايمشي عليه شروط العهد
الجدير بالذكر ان ام الامير/ دغيم بن سويط وهي عجوز طاعنة بالسن كانت توه جايه من الحج والعبيد يبنون بيته وهو بيت صغير قطبة عمود واحد يسمونه البدو بويت تصغيرا لبيت والعبيد بنوه جنب المضيف
ويرد عليه الجربا وقاله يابن سويط حنا ماجينا ندور الشر جينا نبي الحق ونبي دخيلنا
ابن هذال مازبنه حسب العهد وانت الواجب انك تسلمه لنا قال ابن سويط مالك رجل عندي الدخيل دخيل
المهم ابن سويط رفض يسلمهم ماجد الحثربي ... وذلك بذكائة وفطنته
قال الحثربي اسمحلي يابن ســويط ابقصد .. قال ابن ســويط اقصد ياماجد
ولكن انتبه لاتظلم ولاتسب احد بقصيدك ياشمري .. ابن سويط داري ان ماجد يبي يذكر الهذال بقصيدته لان الاولين عندهم سرعة بديهة
قال ماجد الحثربي :
ياراكب حمرا من الهجـن حايـل=مبرية الذرعـان حمـرا سجلـه
حمرا تشادي مبرمـات المحايـل=وان سل مخطرها مع البير ولـه
تلفي على الحبلان هـل النقايـل=عيون التيوس مرضعين الاسلـه
ما ظل لي غير السويطات ظايـل=دغيم ثنى بالسيف دونـي وسلـه
السويطات ماهم من هزال الحمايل=من ماكر يفرس من الصيد جلـه
السويطات يعطون المهار الاصايل=المعرقـه وعنانهـا تبعتـن لـه
واخو دغيما القرم ماضي الفعايل=دخيلهـم مـا يمشـي الحـق لله
ومانش ما لمـت عليـه القبايـل=ياكود ما رب المـلا كاتبـن لـه
واليوم احمد اللة بهـاك المسايـل=بايمن زرود ونازل عثعـثٍ لـه
وارعى بظل عصيل ولاني مسايل=عنـد المزينـي مطلـعٍ شذرتلـه
ولاسلت عن راس بة الزوم طايل=ياكود سعدون وانـا شاهـدن لـه
عصيل هو سيف فنيخ ابا الميخ ...وسعدون ابن عريعر محيف على البيض بوقتة سمع ابن عريعر بقصيدتة وارسل علية مراسيل يستاذنون معزبة لكي يذهب معهم لابن عريعر لاعجابة بة وفعلا ذهب معهم
بعد ذلك خرج ماجد من عند دغيم بن سويط وذهب الى فنيخ ابا الميخ ثم رحل الى ابن عريعر وبقي عنده فترة من الزمن
ثم ارسل له خاله مفوز التجغيف برساله سماح .. حيث عاد بعدها ماجد الى اهلة وربعه
رد: قصة الشاعر والفارس ماجد الحثربي الشمري
العرض العادي
