قصيده بالشيخ ماجد بن عجل للشاعر حامد شبيثان السعو .. وردي المتواضع عليهاااا

نطيت أنا عاليات المشارف = والقلب من كثر الهواجيس مهموم
وقالوا علامك قلت ياربع خايف = طير الجزيرة حال من دونه الحوم
ياخوي يامشكاي وش انت شايف = قمنا مانعرف أصحابة من القوم
ندريبك بـدار معدلين الطوايف = حكم الشريعة مقومينه على الدوم
فعل السعود بكل الأفعال نايف = ياما التجى بديارهم كل مظلوم
ماقلتها طامع ولاني بخايف = ومجنب(ن) الحق مخطي ومليوم
وبعد غيابك نخبرك يابو عارف = شفنا الغلب وحقنا فيه مثلوم
أنتم سندنا واللي حذاكم خفايف = يعل عود ٍ خلف عقاب مرحوم
ماجد هديب وشال كل الكلايف = حر ٍ على العدوان بالكف حاطوم
اما نسكر بوبنا والمضايف = والأ تجينا ياذرى كل مظلوم
الدار عقبك مالنا به مصارف = والله نعافه لو يرخصبه السوم

للشاعر حامد شبيثان السعو الشمري

هذي القصيده رديت عليها وانا بالرياض قبل السفر بيوم
بالحقيقه انا مااعرف اي شي
عن الشاعر ولاصغر فيه ولاكن
اسمع بمدح شيوخنا العجل وطيبهم وشيمتهم
تلقيت اتصال من احد شيباننا وقال طلبتك يالشمريه
قلت ابشر بعزك ياعمي قال كنت عند العجل
وصلتهم هذه القصيده
وقلت لهم ابشروا بلي يرد عليه
وابيك تردين عليه
واليكم ردي المتواضع

جتك القوافي يازبن كل خايف = عطب الظرايب بالموازيم زيزوم
من ديرت(ن) تالاه فرس وطوايف = اربوعنا بالأمس صاروا لنا قوم
وصرنا اغراب وحاكمينا هدايف = وبلادنا مابين ظالم ومظلوم
بالشيمه تذكر ياسناءالطيب نايف = من عقاب ابو عافت بالطيب موسوم
ليثـ(ن) علومك كل ابوها طرايف = وطرايفك ياشيخ ماتفعله قروم
شيهان يسكن عاليات النوايف = الصبح ساق الحوم ويمسي على حزوم
صيده سمين ولايدور الضعايف = ستر العذارا عن الرديات محشوم
صيت ٍ بعيد ٍ ماخذاه بوظايف = ماضي وحاضر الطرايف لكم دوم
والشمري من جور الايام خايف = صارت كواكبنا بعد عزها نجوم
وليتك لنا يامنبع الطيب شايف = ننخا وشيمتهم لنا صد ٍ ولوم
اسم ٍ كبير وقت الامحان زايف = وين الوعد لاغطت ارجال ع خشوم

وســـــــلامتكم
بقلم الشمـريه المجهـوله