للخيل ساحــــــــــةٍ وللشعر ساحات / وعسف القصايـــــد بالشعر صار فني
أطــــــوع أمهار القصيد الصعيبات / ولا يــــــــــــــــوم أعناق القوافي لوني
لاصحت لأفكاري بروس الطـويلات / مثـــل الأصايــــــــــل خيل فكري يجني
شاعر وأمــــوت بحب نور النبوّات / مامــــــــــــــوت بعيــون البنات اليبني
ماهمني فـــــــــــوزٍ وكاس ومباراة / فــــــــوزي وكاسي لا رضا الله عـــني
مشغـــــــول بأجيالٍ خذتها المتاهات / عن دروب به شـــــــرع الرسالة يسني
لــــو عادة لدرب الهدى والصلاواة / مامستواها يكــــــــــــــــون هذا التدني
ماصرت شاعر للغـزل والسخــافات / ولا طرب على صوت المسيقه وأغــني
شاعــــر ويطربني سماع البطـولات / وأعشق رجـــــــــــــــــالٍ للمنايا تثنــي
رجـــــالٍ تسوي بالمعارك هـــوالات / تركض على المــــوت الحمر ماتــوني
ويفــــــــز قلبي لا لمحت المحـطات / تنقل خبــر تفجـــــــــــــــير درع بتأني
ويهزنـي أن صاحن علينا العفـيفات / بأوضاع فـــــــــي سجن العدو يوجعني
ويشوش راسي لاسمعت الشريـفـات / لآمن على نصرت خــــــــواني دعـني
أصنع لهن في بـــودق الشعر أبـيات / أطلق قذايف مـــــــــــــن لهب لانخـني
أشعل بها همت رجــــــال المهمـات / وعلى العــــــــدو نجمٍ على راس جـني
وأن عـــن غيري عالسهر والملذات / راسي على ضـــــــــرب البنادق يعنــي
وأن كان كــيف الغير نجر وعـذيّات / فعــل النشاما دلال كيــــــــــــــفي وبني
حملي ثــــــــقيل ولا أشيل الخفيفات / ولا يــــــــــــوم ترفات الضحى نـوخني
حملي مرض أمــة شغلتها الهـوايات / وعـــــــــــــــدوها بأنياب شــــره يسني
الغرب في علمة يجـــوب الفضائات / وأمـــــــــــــة محمد بين شيعـي وسني
طبع ابدوي لــــــــو غيّم الليل مابات / ألا بفاسة حــــــــــــــــــــول بيته يـوني
شاعر ولا عنـــدي رصيد وعمارات / ولا صيح جمرات الزمــــان أن كــونـي
راسي عــــــــزيزٍ بالطنا والجمالات / وش عاد لـــــــــــــو وقتي بشقة سجـني
مادام مجـــــلاسي صدور الزعامات / وأحباب عن نار العـــــــــــدو ماتكـنــي
كني ابـــــــن راشد بأرض الامارات / لو الزمان بثـــــــــــــوب فقــري دفــني
ولاهمني من هـــــو طيورة مقيمات / ولمخيم المقنــــــاص ربـــــــــعة تـبـني
مادام ربعي من العــدو تصيد هامات / فأنا برحلة صيــــــــد ثـــــــــاني كــــأني
ربعي مقانصهم همر فــــــوق عبواة / وطيارةٍ بالجو صــــــــــــــــوته يتــزني
ماهــــــو حباري صيدهم بالســهالات / والقدس في يد اليهـــــــــــــودي توني
هــــــــــذي فعايـــل ماتزف أنتصارت / ولا يمكن أنه بعز كــــــــــفٍ تحـــــني
مادامها حـــرب وصـــراع الحظارات / حربٍ على الاسلام ماهـــــــو تجــــني
حنا لها سيــــوف الرزايا الشطيرات / ضرباتنا بروس العـــــــــــدو مـاتثـــني
نرفــــــــــــع لها بأذنٍ من الله رايات / وحـــــــب الشهـــــــادة للنشامى تمنـي