ديوان خضير الصعيليك الاسلمي الشمري ّيرحمه اللهّ

الله يعافيكم


مشكوور على مرروركم اللذي اسعدني جدا


وردودكمـ



,,,احترامي,,,

 

 

 

 

 

 

 

 

 

 

بن ريشان

الف شكر لك على فتح هذا الباب لديوان الشاعر الكبير خضير الصعيليكـ

لينضم الى كوكبه دواوين شعراء قبيلة شمر .

لقد تم تثبيت الموضوع حتى يكون كغيره من المواضيع الأخرى ديوان شامل

وكامل لكافة قصائد الشاعر .

الله يعطيك العافيه يابن ريشان .

.
.
اتمنى من الجميع المشاركة بكل مايعرفونه من قصائد للشاعر خضير .

 

 

 

 

 

 

 

 

 

 

الله يعافيك

مشكوور اخوي فيصل على التثبيت

واتمنى من الجمييع المشاركه فيه....



,,,احترامي,,,

 

 

 

 

 

 

 

 

 

 

البارحـه ياشعيـل ياحـيـل بالحـيـل=والعيـن عـن نـوم المخاليـق فـره
ماكن به ياشعيـل شـوك السماليـل=والا النويفـج لافـهـا عـقـب ذره
من الهجس والهاجوس والعدل والميل=قـالات مالـي بـه بلتـنـي بـشـره
وصارت نجوم الليـل مثـل القناديـل=تعـادل الميـزان هــو المـجـره
غديت مثل مـدوره الرجـم بالليـل=قعـود ضيـف وضيعتـه المـغـره
ودنيت محماسي وكفي خـذا ميـل=بريـه مـن سـوق صنعـاء مـقـره
يامـا حـلا صبـه برقـط الفناجـيـل=دولابـه دلــت بسلـكـه تـجـره
وشربت مـن بكـره ثلاثـه فناجيـل=وكيـس الشقيـري فاتحيـن مصـره
مزيت مايشفـي العـروق المغاليـل=لـو ان شربـه ماذكـر بـه مسـره
احـد مواكيلـه علـى فطـح الحيـل=واحد عصيـده يلعـط الكبـد حـره
يالله تعدلهـا عـن الضلـع والمـيـل=والا تميلهـا علـى الـنـاس مــره

00000000000000000000000000000000000000000

ياشيخ أنا جيتك على الفطـر الشيـب =قـزان مـن دار المحبيـن دبــاب
دبـا علـى ودب منـى بتقـريـب=قل المواشى ياذرا كـل مـن هـاب
من دارنـا جينـا لـدارك مغاريـب=يمـوم نجـم لاتغـيـر ولاغــاب
متخيـرك يامنقـع الجـود والطيـب=ولاخيـب الله للأجـاويـد طــلاب
سـلام مـن قلـب محـب بلاريـب=له يستتاب الشاب ويشب مـن شـاب
يالجوهر الناريز يالعطـر يالطيـب=يالصعل يالصهال ياحصان الآطلاب
يالزيـر يالزحـار يالنمـر يالذيـب=ياليـث يالايـوث يالشبـل ياالـداب
يالضارى الضرغام عطب المضاريب=يالفرز يامفراص ضـده والآجنـاب
يالنـادر الهيلـع عقـاب المراقيـب=يانافـل جيلـه بعيديـن وأقــراب
نطـاح طابـور العساكـر الياهيـب=ستر العذارى ليغشا الزمل ضبضـاب
عيبك اليامن قالوا الناس بـك عيـب=بالسيف لآرقاب المناعيـر قصـاب
وعيبك اليامن قالوا الناس بك عيـب=للسمن فوق مفطـح الحيـل صبـاب
وذبح الغنم والكوم حـرش العراقيـب=وأعطا المهار وبذل مـال بلاحسـاب
وبك شارة كـب الفـراد المحانيـب=وبـذل الطعـام وللتنافيـل كسـاب
نمـرا تجـره للعـدا والآجانـيـب=تفجا بها غـرات ضـدك بالآسبـاب
ومن عقب ذا بالعون مابك عذاريـب=أحلى من السكر علـى كبـد شـراب
جيناك فوق الهجن شيـب المحاقيـب=لمشاهدك ياشوق وضـاح الآنيـاب
الحر يضرب بالكفـوف المعاطيـب=والتبع قناصه مـن الشـوق ماجـاب
وأنت الذى تافـى بكـل المواجيـب=كنك هديب الشـام بالحمـل عتـاب
وأثنـى لبوصلفيـج مابـه تكاذيـب=شيخ الصخا معطى طويلات الآرقاب
ياما عطيت اللـى يجونـك طلاليـب=كم واحد جالك من الوقـت منصـاب
وفرجت همه فـى كبـار المواهيـب=من عيلم يزمى كمـا يزمـى الـزاب
وعزالله أنك طيـب وتفعـل الطيـب=والطيب يجنى منك يازاكى الآنسـاب
ولاهو كثيـر يامهـدى الآصاعيـب=أفعالكـم يعـده اللـى بـالآصـلاب

0000000000000000000000000000000000

عديت راس الرجم وارمي بالاصوات=واطارد الصرح الممرد مـع البيـد
يابو جري ربعي مع الربع الاموات=رجايهم راجـاي مـوت الاكاريـد
الشخب ماينكس لضرعه الى فـات=والسيل مايضرب طريقـه تسانيـد

00000000000000000000000000000000000000000

ياصاحبي مامن نصيب يرجويـن=لابالشباب ولابعد عارضي شاب
وديارنا عن دار الاكراد ناحيـن=كلٍ تنحـر دار حيـه والاقـراب
تر دارهم غربي بلد عين والزين=يموم حجاز النعايم اليـا غـاب
شرقٍ من الفكه شمالٍ لحمريـن=غربٍ لمكحولٍ جنوبٍ عن الزاب
ردفينه الحزفين في سوق شارين=سطرٍ مطاويهن على فتحة الباب
والعين عين مكركمات الشياهين=او عين قواد المها خضع الارقاب
ياشبه وضحا مع فرقين امطرين=ترعى بذرا اللي مع الذود جناب
وجذيله المجمول فوق الحجاجين=ريش النعام اللي مع الدو هراب

(أعذروني هذا ما لدي و قدمته لكم و يعطيكم العافية على المجهود)

 

 

 

 

 

 

 

 

 

 

شكرا لكم على هالمواضيع الي هدفه هو حفظ قصائد شعرائنا وتداولها بيننا دون ضياع

واحب ان اشارككم بهذه القصة والقصيده التي قرائتها

هذه قصة وقصيده للشاعر يقولون الرواة بان خضير دخل مدينة بريده مع ابيه وعمرة
15 عام وذهبا لسوقها كعادة البادية حينما يذهبون للبلد اما للعلاج او البيع او الشراء ويذكر الرواة
ان خضير رائ فتاة جميلة فقال هذه الابيات :-

باديت انا بالسوق من بد الاسواق = غرو سقاني كن ربي يسوقه
سقته وساوقني مع السوق وإنساق=ساق شكا من ضيقه الحجل ضوقه
لاصار للمخلوق سايق وسواق = على الصراط الخدي لا تعوقه

ويقال انها اول بدء فيها مشواره الشعري الحافل .
ولي رجعة اذا استجد شيء والله يعطيك العافيه يا شمر

 

 

 

 

 

 

 

 

 

 

نعود بهذه القصيده للشاعر خضير الصعيليكـ

.
.
/
\
.
.

البارحه ياشعيل ياحيـل أبـا الحيـل=والعين عـن نـوم المخاليـق فـرّه
لا غملجـت لاكـن فيهـا سمالـيـل=وإلا النويفـج لايعـه عقـب ذره
من الهجس والهاجوس والعدل والميل= وقالات مالـي بـه بلتنـي بشـره
لاجن نجـوم الليـل مثـل القناديـل=واكهف على الميزان نجـم المجـره
غديت مثـل مـدوه الرجـم بالليـل= دليـل قــوم ضيعـتـه المـغـره
ولاضاق صدري قمت احوف المعاميل= وكيس الشقيـري فاتحيـن ٍ مصـره
ودنيت محماس وكفـي خـذا ميـل= بريـة مـن سـوق صنعـاء مقـره
ياماحـلا صبـه بربـط الفناجـيـل=دولابـةٍ كـنـك بسـلـك تـجـره
وشربت مـن بكـره ثلاثـة فناجيـل= وخذيت مـن زيـن الغلاويـن جـره
مزيـت مايكـوي قلـوب المغاليـل= لـو ان شربـه ماذكـر بـه مسـره
احد عشـاه البـر ومفطـح الحيـل= واحد عصيـده يلعـط الكبـد حـره
واحـد يلاعـب لابسـات الخلاخيـل=واحـدٍ عجـوز ذاق منهـا المضـره
يالله تعدلهـا عـن الضلـع والميـل= ولا تميلهـا علـى النـاس مــره

.
.

بإنتظار مشاركاتكم لأكمال الديوان .!

 

 

 

 

 

 

 

 

 

 

بارك الله فيك اخوي ابن ريشان

وهذي اضافة مني للموضوع عسى ماتكون مكررة

قصيدة لخضير الصعيليك بمحمد العبدالله الرشيد

حر شلع من راس بـرزان واعتلـى=طلعه بعيـد وجـاك للصيـد عايـر
شاف العلف بأطراف ابا القير واحتدى=واودع جول الخلـب بريشـه نثايـر
خم الكبير وادلى على الطير والعلف=ادلى علـى خلـب سميـن الفقايـر
من عقب ماتشرف على الحرب كلـه=يسمـع مناجيهـم مشيـر وشـايـر
عقب الحرايب قشّعوهن مع الدجـى=وكـل توسحـل فطّـره راح نـايـر
اوثب عليهـم عقـب ماقـاد مالهـم=وخلى عجاج الخيـل بالجـو طايـر
وخلى رزيز الماطري فـوق نزلهـم=رزيز مـزن بـاول الوسـم صايـر
جاهم هديب مكلـف الزمـل بالسـرا=حـر تـعـلاّ بالجناحـيـن طـايـر
يشعث بنواف من الصبح الى المسـا=والبيق هو وغبيـر راحـوا كسايـر
وفلان هـو وفـلان ومالـم شملـه=يشرب ملاح ويسـري الليـل نايـر
من حاربه لو هو ورا ساحل البحـر=يمسـي بكبـده موقـدات السعـايـر
مـن خـوف دمـام يديـر بيوتـهـم=يضيـق نزلـه والعـذارى غرايـر
زيزومهـم محمـد زيـزوم سربـه=شيـخ عنيـد وشمـر لـه ظهـايـر
يسحم عليهـم فـوق شقـرا محجلـه=تشبح بها شول علـى البـوش عايـر
خطيـر مـن زومـه تكسـر عنانـه=من شلعهـا لليمنـى عليهـا خطايـر
ياكافـي السـيّـاه يـادافـع الـبـلا=ترفع عنـه كـل الأمـور الضرايـر
لا قايلـه كـذب ولا لـي بالـمـرا=ولانا على طمعـات الزمـان دايـر
مـار الثنـا راعيـه يشكـر بالثـنـا=ويستاهـل التمديـح عـز الظهايـر
وخـلاف ذا يـاراكـب صيعـريـه=تقطـع فيافـي طايـر فـوق طايـر
يلفـن لصيـوان وبيـت ومختصـر=وخيـام تلقـى بهـا شيـوخ ذخايـر
تلقى شبيه سهيل الـى جيـت بينهـم=الى جيت يقفن بـك عيـون حرايـر
لله ياميـر الله يفكـك مــن الـبـلا=يافرحت المضهود الى جـاك نايـر
يامير ياسيل وطـى العلـو والسهـل=تلقى مداهيجـه بهـا الـورد صايـر
ياميـر يانجـم تهلفـى مـن السمـا=مـودع شخانيـب الوعايـر كسايـر
يامير يازيـزوم مـن طبـوا الوطـا=والى ادبرت شهب السنيـن العسايـر
ياميـر يـاهـدّاج الــى زاد ورده=الجم يزمـي مـن غميـق الحفايـر
يامير ياما اعطيت من شمّـخ الـذرا=كبار الجماجـم مطبقـات الحرايـر
ياميـر يامعيـش المساكيـن كـلـه=ويشبـع بمذراتـك طفـال القصايـر

تحيتي

 

 

 

 

 

 

 

 

 

 

قـصـائـد رائــعــة




الشكر موصول لك من أدرج قصائدة الشاعر خضير الصعيليك







شكراً للجميع

 

 

 

 

 

 

 

 

 

 

هناك قصه حدثة بين الامير محمد الرشيد والشاعر الاسلمى خضير الصعيليك وهى




كان الامير محمد الرشيد جالسا فى ديوانه هو وأعيان شمر وفرسانها وأقبل الشاعر ( خضير هو واحد اصدقائه وكان الامير محمد الرشيد يحب الضحك ( والمحارش ) بخضير فقال انظروا ماذا افعل لخضير عندما يقبل على بيت الشعر واراد الدخول الى المجلس سوف أفاجأه بقصيد وأرى هل يستطيع الرد بسرعه



فعندما وصل خضير فقال للموجودين السلام عليكم فرد الجميع مع الشيخ وعليكم السلام ففاجأه الامير محمد خضير بهذه البيتين فقال :




ياخضير وا خلى قصير ومربوع
اللى كما نظم اللوالو عذابه



فرد خضير بسرعه ونباهه للأمير محمد فقال :


ياأميرنا ماياصله قاصر البوع
اللى اليا شاف الخساره يهابه
لا انت حرن على الصيد قاطوع
سديس ومايظهر من الذيب غير نابه


فقال الامير محمد وهو يضحك مع اعيان شمر بس بس ياخضير استريح اللى يونسك بالاخره كانك ونستنا




(معنى كلمة اللوالو (الؤلؤ) وكان قصده اسنان حبيبته )
وشكرا



شمر ليا غطا سماء الكون دخان
لهم الطويله مايبون القصيره

 

 

 

 

 

 

 

 

 

 

احب اشكر الجميع على التفاعل مع هذا الموضوع لأكمال ديوان الشاعر خضير الصعيليكـ

.
.

سمع الشاعر خضير ان الشيخ ظاهر اباذراع ترك مجلسه
وانعزل عن الناس بسبب وفاة ابنه الكبير ردام فقال خضير القصيده وارسلها من حائل الى ديرة الظفير
مع شخص وشرط له ذلول اذا وصلت الرساله الى الشيخ ظاهر وفي القصيده يصف خضير الذلول ثم
يصف الطريق للمرسال ويصف له بيت الشيخ ظاهر واوصافه ثم يواسيه ويطلب منه الصبر والتسليم
الامر لله تعالى والقصيده هي /

ياراكب من عندنا فوق منجوب =منجوب مندوب سرى مايهيبي
تدني تدنى صحح البيد بقروب =تدني لمدنيها بعيد الغريبي
تفزيز يشوب من الملح مرعوب =شاف المبندق وارتكى بالهذيبي
حمراء من العيرات ياوي مركوب =لاهي بلا بكرى ولاهي منيبي
ليا روحت دو من البعد مهيوب =تهرف كما يهرف مع الدو ذيبي
عينه خلاص النار بالكير مشبوب =بيدين بيطار يفح اللهيبي
ليا شدها الانمر بالاصباع مقلوب =سيل تحدر مع مضك الشعيبي
كالقودره خمه من الشرق حاطوب =زين الولا عدل المناكب ربيبي
يارسن ليا بانت لك الشمس بغروب =يدعيك بيت والدخن تقل سيبي
بيت السعد في عالي المجد منصوب =عده لبولزام ريف النجيبي
تلقاه مثل سهيل مافيه عذروب =وسلم على الممدوح سقم الحريبي
الشيخ مثلك يا ابو لزام محسوب =ليث ليا كثرت همومه يطيبي
رسالة تنصاك من غير معتوب =نصيحة كان النصايح تثيبي
اصبر عن الغالي كما صبرت ايوب =ولاشي الا بالبخت والنصيبي
ومادبر المولى على العبد مكتوب =وماصاب صاب وماخطى مايصيبي

وبعد ان وصلت الرساله وسمع الشيخ ظاهر اباذراع بالقصيده تاثر بها ورجع الى مجلسه وترك الحزن .