فهد بن صليبيخ و الأشقر

حينما كانت الأمور في حائل هائجة مائجة بُعيد مقتل الأمير سعود بن عبد العزيز المتعب الرشيد رحمه الله والحالة العامة في نجد كلها غير مستقرة .
وتولي الأمير عبد الله المتعب الرشيد تغمده الله برحمته إمارة حائل وهو صغير السن آن ذاك ,والأمير محمد بن طلال الذي كان إبانها بالجوف
يتأهب للإنقضاض والظفر بالإمارة .
قدم مولى بن رشيد والشاعر الشهير (( بن صليبيخ )) وفي طريقه إعترضه الشيخ جدعان التمياط رحمه الله وسلب راحلته منه وفي محاولة من بن صليبيخ لإستعادة راحلته
قال للشيخ جدعان :- أنا مولى بن رشيد وكان جدعان يناصب بن رشيد العداء في تلك الفترة .فلم يأبه بأبن صليبيخ
ولم يعره أي إهتمام وقال له إذهب إلى عمك وقل له إن الشيخ جدعان قد سلب راحلتي ولم تشفع لي عنده مكانتي عندك .
وعند وصول بن صليبيخ إلى حائل وسلامه على عمه الأمير عبد الله المتعب .
قال هذه القصيدة





قو الأمير اللي على الوكر هـزاع
كيف إنت ياتالي مواريث صعصيع
إنت الخلف بسعود والحكم ماضاع
ولولاك ماجينـا لحايـل مرابيـع
عرضت للتمياط وجهك ولا طـاع
وأخذ ذلولي يازبـون المداريـع




فقال له الأمير بن رشيد:
ياولدي بيننا وبين التمياط عداء وأحوالنا من الضعف لاتسمح برد راحلتك ولكن من حقك علينا أن نعوضك من إبلنا ماتختار فاذهب وخذ من حلالنا مايعجبك ،فأخذ المولى من إبل الأمير أعتقها وأعرقها وأغلاها ,
ومع ذلك لم يشفع كرم الأمير لشاعر مملوكٍ همه أن يثأر له عمه بغزو التمياط وتأديبه .
بعدها سافر المولى عاتبا إلى الشام وسجل جنديا في الجيش العربي السوري
وعندما وصل إليه خبر فتح حائل على يدي جلالة الملك عبد العزيز بن عبدالرحمن آل سعود مؤسس الدولة السعودية الحديثة رحمه الله.
قال قصيدته المشهورة :




يانجد من سماك نجدٍغوا اسمـاك
هو ليه ماسماك يـا ام البـلاوي
عسى الذي سوى رسومك وسواك
يرسل عليك من الميازين هـاوي
ابي اليا مـن المسيِّـر تمثنـاك
يمسي على تالي ارسومك خلاوي
بس الطيور وناعي البوم ينعـاك
والذيب من قل الأزاويـل عـاوي
يانجد والله ماتسـوى سوايـاك
نفسك علينا مثل نفس المهـاوي
جيـلٍ تجلينـه وجيـلٍ تـبـلاك
وجيلٍ تداوينـه بحـر المكـاوي
واللي وطاه العسر واجزل بفرقاك
داج الديار وصار دنـع دنـاوي
ياخذ ويدله تالي العمـر ينسـاك
وتشيب عين اللي لعزك رجـاوي
يوم ان ابن مقرن بسيفه تـولاك
خلا السنام وغاربـك متسـاوي
ركب عليك وطوعك ليـن خـلاك
اطوع من النظوا ذلول اللحـاوي





هذه قصيدة بن صليبيخ لا استجاب الله لدعوته هذه
وقد انبرى للرد على بن صليبيخ عدد من الشعراء لكن ردود بن صليبيخ عليهم كانت أقوى من قصائدهم . فأحجم بقية الشعراء عن مقارعة شاعرية بن صليبيخ لقوة شعره وتأثيره .
إلا أن شاعر الجبلين الكبير رحمه الله كان على ثقة من قدرته على إسكات بن صليبيخ وإيقافه عند حده .
فقال قصيدته الرائعة التاليه حيث ألقاها في حشدٍ من طابور الجيش الذي كان يصطف به بن صليبيخ مما اضطر الأخير للفصل من الخدمة خجلا من زملائه وعرفانا لتأثير القصيدة البالغ عليه






يـا الله يـا منشـي الغمـام لـدار ْ
عليم ، مـا يخفـاه بالدنيـا مـدار ْ

يـا واحـد ٍ كـل ٍ ذليـلٍ لسطوتـه
به نستجير بحيث مـا جـاره يجـارْ

وخلاف ذا يا عيال حوفوا على النضا
بأكوار مامونـات ؛ حوفوهـن بكـارْ

حوفوا على مثـل الادامـي بزيّهـن
صطرات ، لاطال المسيـر ، صبـارْ

عجلات وجلاتٍ عيـادٍ علـى السـرا
تعاطن المكنون ، طوعـاتٍ ، زعـارْ

لاهاوزوهـن ، ثـم لجّـن ولجلجـن
شـرّاد فـرّادٍ ، عـن النـار نـيَـارْ

تماعطوهـن يـوم ساجـن حبالهـن
حيـدٍ يبيّـن فيـه والثانـي غتـارْ

وأنا أذكـر الله يـوم علّـق دلالهـن
بيضٍ تمارى في ضحى العيـد زمـارْ

بالله عليكـم لأي حـيٍ نـوَن بـكـم
ذا محبس المعلـوق للفـن استـدارْ

قالـوا : لحايـل حيّهـا عـزوةٍ لنـا
حاجة حزين القلب ما عنهـا عـذارْ

تريّضوا لي يـوم سرتـوا لمطلبـي
حيث إنكـم فـي دزّ السـلام شطـارْ

وَصْلت جمالتكم وصونـوا وصيتـي
سيروا بجنح الليل مع نـور النهـارْ

أسرّكـم ، وليـا لفيتـوا ديـارنـا ؛
أسرارنـا معكـم تـكـون جـهـارْ

أضفوا علـى دار الضياغـم سلامنـا
سـلام مــا دام الـسـلام يــدارْ

بإعداد ما حدره وفوقـه مـن المـلا
واعداد مـا يرمـي الحجيـج جمـارْ

وما سمعت الأسماع واللي يرى البصر
وما شالـت البيـداء ثـرى واثمـارْ

سلام من قلـبٍ مـن الـود مستقـي
سـلام مـا نـاح الحمـام وطــارْ

سـلام يـا دار ٍ غذتـنـا بـدرّهـا
سـلام للقـاع الهشـيـم أزهــارْ

أحلى من الصحة بعد سقـم ٍ انجلـى
وألـذّ مـن يسـر ٍ يسـوق عسـارْ

دار الصخا والجود من قـام ساسهـا
دار ٍ بـهـا للغانـمـيـن وقـــارْ

دارٍ بها النامـوس يشـرى ويلتقـى
والمرجلـة بذيـك الـديـار تــدارْ

دارٍ بها المعـروف حاشـوه سكنهـا
من قبلهـم حاشـوه شيّـاب ٍ كبـارْ

دار ٍ بهـا المضيـوم يلجـا بجالهـا
ورجالهـا عـن كـل عـار سـتـارْ

دارٍ بها تكسى الأرامـل ومـن عـرا
ونفـوس أهلهـا للقصيـر صـغـارْ

دار ٍ بهـا الطـولات غـالٍ مبيعهـا
دارٍ أهـلـهـا لـلـديـار دمـــارْ

دار ٍ بها من نسـل ضيغـم حمولـة
مـن صلـب عبـدالله حـرار نْـدَارْ

يامـا فنـى بأسبابهـا مـن قبيلـة
وتعشّت الأطيار مـن دونـه عمـارْ

أم ٍ لنا يـا سعـد منهـو غـذا بهـا
نسلـه مـن أفعالـه تـزود وقــارْ

أم ٍ لنـا خـيـره وشــرّه يعمـنـا
لو شـان وقتـه مالنـا منـه منَـارْ

عيبٍ على رجـلٍ صغيـرٍ كبـر بهـا
وكبـرت متونـه بالمضيـف ونـارْ

ياكـل حلاويهـا ويشمـت بمـرّهـا
ويدعـي عليهـا بالدهـر والـدمـارْ

تلقـى لنـارك غيـر دارك تعقّـهـا
تـر والـدك عقّـه عـذاب وعــارْ

يا قايل الطليان : خـاب الرجـا بـك
الزيـر مـا يذكـر يجيـب اجـفـارْ

ذولا عمامك كبّـر عضـاك فضلهـم
ينسى ثنا المعروف من حظـه هيـارْ

شيـوخٍ بظـل شيـوخ كـلٍ بظلهـم
ظـلٍ عسـاه يـدوم للعالـم مـزارْ

ذولا الجنايـز سدّهـم فعـل جدهـم
ذولا وبا الفرسـان برمـاح ٍ شطـارْ

ذولا ستـر نـورة بيـوم النكـايـد
ذولا لكلحـيـن الوجـيـه هـجـارْ

أخوان نـورة عـز دار ٍ ثنـوا لهـا
سباعٍ علـى عيـال السبـاع جسـارْ

أخوان نورة سترها لا اعتـزوا بهـا
بملكادهـم تلقـى العـثـار كـثـارْ

إلى حصل يـومٍ تـزارق بـه القنـا
لاخوان نـورة بـأول الجمـع زيـارْ

أعيادهـم بأنكادهـم ساعـة اللـقـا
شلـع العـدا والعـاديـات طـيـارْ

لهـم مضيـفٍ مـا تبطّـل لهايبـه
من نار عبدالله علـى النـار شـرارْ

يمسي بلا باد ٍ ، ويصبح بـلا عـدد
مصبـاح عـد ٍ والـحـلال خـمـارْ

ذولا على أولهـم وذولا كـد أقبلـوا
وذولا كمـا ورد ٍ يـزيـد صــدارْ

وذولا ورا الداعـي وذولا بـلا نـدا
وذولا قديـم ٍ بالمضيـف حـضـارْ

ما عاد يرضى كنّس الحيـل والغنـم
السمـن مـن فـوق الجميـع يـدارْ

ذولا أهـل سيّـة وحسنـا تعمّـهـم
وذولا مسايـيـر ٍ يـبـون أخـبـارْ

وذولا يبون الصلح يخشون صطوتـه
يخشون يـوم ٍ عـن صحـاه غبـارْ

وذولا بعيديـنٍ هدايـاهـم المـهـا
يبون مـن مرعـى الحمـاد جهـارْ

يخشون قـومٍ روسهـا تنقـل العيـا
ربيعهـم يــوم ٍ حــلاه أمــرارْ

قوٍّ ، بسوّّ ، بسـمّ ساعـة لضدّهـم
للجـار كـار ، وللبعـيـد هـجـارْ

يا ويل جمـعٍ بالملاقـى بلـي بهـم
عــزي لـنـزلٍ تقتـديـه نـحـارْ

وقتٍ مضـى لا هبّبـوا ثـم سبّبـوا
شبيـب وعيـادة عـطـاه خـيـارْ

غدا لهـم بمفـرق الجيـش صيحـة
وجـضّ النضـا متـعـوّدٍ للمـغـارْ

قالوا : تـرى باكـر يمـدنّ ثقالنـا
تباشـر الغلمـان بحضـار المسـارْ

مدّوا هـل البيـرق وشمّـر تقدّمـوا
قادوا من الطفقـات عربـاتٍ عيـارْ

بيرق أهل حايـل توسّـط جموعهـم
عَبْدَة يمين الشيخ والصايـح يسـارْ

يحيـى وربيعيّـة والغفيلـة وزوبـع
يالابـةٍ بالجـود مـا تعطـي قـرارْ

يالابـةٍ طاعـت لهـا كــل لابــة
تـزور دار عـداه ، مـا داره تـزارْ

شمر بعيديـن المدالـي علـى العـدا
شمـر هـل الـردّات بأيـامٍ كــدارْ

شمر أهل ضمّر وقحصٍ مـن المهـا
شمر هل الميدان ، من عـاد لعَـرارْ

شمر سبور المـوت والقـوت للقـدر
لا حـلّ فـي تالـي الجريـم مثـارْ

نادى المنادي بالوعد عقب ما مشـوا
وصفّوا ورا الدمـام دربيـنٍ جسـارْ

قالوا : مغرّب ، وأثر ضـدّه مرادهـم
تلقى حلال الشرق مع شمـر خشـارْ

قومٍ تعدّاهـم ، وقـوم عـدا بهـم ،
وقومٍ خذاه بليـل ، والرابـع نهـارْ

وجوٍّ لقاه خلـوّ عـزّب بـه النضـا
من بعـد ذا بأيـام للغـرب استـدارْ

خلّى عليهم شيّب الشاب مـا جـرى
خلج النسا والنيب توحي لـه حـرارْ

ثم انتسـف لديـار حيّـه وعزوتـه
وقصرٍ زمـى مبنـاه حامينـه نمـارْ

تلفـي مراكيـب الاجانيـب لا لفـى
كاسيهـم الــذلّ الكبـيـر خـمـارْ

كلٍ يريد الصلح ويسـوق مـا طلـب
من عقب ذاك الطول غاديـنٍ قصـارْ

سبحان مـن تغييـر الأمـلاك بيـده
مغيّر حوال الدهر مـن جـارٍ لجـارْ

ثم افتكر يا صاح فـي نثـر شملهـم
راحوا هل الناموس بأحـوالٍ حقـارْ

راحوا هل المعروف والبـذل والثنـا
راحوا هل الشيمـات بالدنيـا فـرارْ

راحوا عذاب الجيش عنهـا تغرّبـوا
اختاروا الاجنـاب عـن دار القـرارْ

أهل الندى ضيم العدا صفـوة المـلا
ترعى بها الجيران بـدروب الخطـارْ

لا جا الخبـر منهـم لقـوم ٍ تكففـوا
كلٍ يطقّ البيـت فـي خافـي غتـارْ

زهّـاف زلاّفٍ خفَـافٍ الـى عــدوا
بيّـاع للعـمـر العـزيـز سـكـارْ

عبّـار جبّـارٍ صبَـارٍ علـى اللـقـا
لهيـب لجمـوع الحريـب صـقـارْ

عـزّام جــزّامٍ شـمَـامٍ تدلّـقـوا
وردوا على الصابور بقلـوبٍ صبـارْ

غــلاّب جــلاّبٍ لـيــوثٍ زلازل
فهودٍ زهـود نكـود ونمـارٍ ضـرارْ

يكـره ملاقاهـم كمـا يكـره الوهـم
ماصٍ به المفراص مـا يثّـر غيـارْ

دنياك هذي خايبٍ مـن رغـب بهـا
تمسي معك والصبح توريـك النكـارْ

مـا دامـت الدنيـا لشـدّاد قبلـهـم
وكسـرى وهـارونٍ ملـوك بـحـارْ

ذكـر جليـل الملـك بمحكـم كتابـه
مـداول الأيــام وأفــلاكٍ تــدارْ

يوم إنها شامـت لشيـخٍ شقـا بهـا
صلطـان نـجـد طــلاّب ٍ بـثـارْ

شامت لأبو تركي قديـمٍ هـو أهلهـا
ما لومحت لهتيم ، والنـاس الثبـارْ

عبَـى لهـا جـزل العطـا مدلهمّـة
ريـف الهجافـى للضديـد وســارْ

سياقهـا رقـابٍ عليهـم يسوقـهـا
ماهي تراه بـلاش أو لعـب القمـارْ

حوليـن حايـل حاربيـنـه قبـايـل
جنـد عليـه جنـود قـوٍ باقـتـدارْ

رجالـهـا بجبالـهـا دون جالـهـا
والله عطاه سعـود وأعطانـا الدبـارْ

ترى الملـوك بحـور : درّ وتهالـك
والهـرج لا وصـل المحيـط يحـارْ

من زاعم المقرن قصـر دون فعلهـم
كل الملا مـن دون علياهـم قصـارْ

لو تنشد المالـود يشهـد ويعتـرف
إنْ نجـد جـارٍ للسـعـود مـجـارْ

لكـن يغبـن القلـب ذم ٍ علـى نقـا
والشمس مـا يستـر سنـاه ستـارْ

ولا ينشمت بأمرٍ إلـى فاتـه القضـا
أمــرٍ مـريـده واحــد ٍ قـهّـارْ

الله ينصر مـن نـوى نصـر ديننـا
ويديـم للديـن القـويـم أنـصـارْ

تمت وصلى الله على صفـوة الـورى
مـا هـلّ هطّـال المخـيـل بــدارْ







منقووووووووول من موقع سالم الخزام

 

 

 

 

 

 

 

 

 

 

الف شكر اخي راعي صرخه على هذا النقل الرائع

اخي راعي صرخه قصيدة فهد اطول من ذلك وتوجه الى الجزيره واول ماوصل عند مجلس

الشيخ عجيل الياور وقال فيه قصيده وبعدها توجه الى الشيخ دهام الهادي وقال عليه قصيده

فحضي بعدم الاحترام لدى الشيوخ وشمر في سوريا والعراق بسبب قصيدته على نجد

فكانت القصيده شؤوم له وتوجه بعد ذلك الى الشيخ مقحم ابن مهيد شيخ الفدعان من عنزه

وبقي عنده واكرر شكري واحببت الايضاح

 

 

 

 

 

 

 

 

 

 

الله يعطيك العافيه لاهنت

 

 

 

 

 

 

 

 

 

 

	مشكووووووور أخووووووي على هذي المشاركهـ الرائعهـ............ لا هنت... وتسلمـ..يمناكـ,,,, وننتظر جديدكـ,,,,, تقبل مروري..... أخـــــوووكـ..":"::: أبــــ حـــــواس ـــــو

 

 

 

 

 

 

 

 

 

 

يعطيك العافية راعي صرخه

تحيتي لك

 

 

 

 

 

 

 

 

 

 

رحم الله جبل الشعر عبدالله الأشقر......


قصيدته قوية وشهيرة ومعروفة



يعطيك الف عافية ياراعي صرخة




تقبل مروري وتحياتي

 

 

 

 

 

 

 

 

 

 

سنجار
رحال
أبو حواس
أبو النووي
خالد السبهان

اشكركم على مروركم الكريم

راعي صرخه

 

 

 

 

 

 

 

 

 

 

الله يعطيك العافيه على المجهود
الجميل والقصص والقصائد
الرائعه

ابن برزان

 

 

 

 

 

 

 

 

 

 

تسلم اخي

راعي صرخه

على الموضوع الرائع

تقبل مروري

 

 

 

 

 

 

 

 

 

 

ابن برزان

ابن هذيل

أشكركم على مروركم الكريم

راعي صرخه