بسم الله الرحمن الرحيم
بسم الله والصلاة والسلام على أشرف الأنبياء والمرسلين وبعد.
هذه أول مشاركه لي وأرجو أن أجد القبول بينكم
فبعد الهجمه الدنمركية على نبينا صلوات الله عليه الكل أستنكر بما يستطيع ومن بينهم هذا الشاعر من قبيلة شمر
لازال فينا صلاح الدين وشعــــــــــوره
صلاة ربي على من هو سطـع نـــــوره
***على الجزيرة بدين الله منـورهـــــــــــــا
وسلام مني على من هو بدا الثــــــورة
***على الطواغيت صاغرها وكابرهـــــــــا
بالعقل يدعو ودين الله في طــــــــــوره
***رسالته واضحه بلَّـغ شعـايرهــــــــــــــا
بالموعظة طبق اللي جاه بالســـــــورة
***أكابر الناس يدعوها وأصاغرهـــــــــــا
وقفو هـَلَ الشرك مثل الشوك في زورة
***أهل المنابر تبي تحفظ منابرهـــــــــــــا
إستدعوا إبليس قالو ناخذ بشــــــــوره
***خاب المشاور وخاب اللي مشاورهــــــا
عادت جنود الفـَلـَس بالذل مــدحــــورة
***شاهت وجوه الملا وشاهت مخابرهـــــا
هاجر ليثرب وكل الناس مبـــهـــــــورة
***واخذ طريق ٍبعيده قــل عــابــرهــــــــــا
واسلم سراقه بعد ما هو كشف غــوره
***والمعجزه شاف خيله في تعثـرهـــــــــا
وصل المدينه وكل الخلق مســــــرورة
***يا طلت البدر غنّت من حناجـرهــــــــــا
ثم استدار الزمن والسيف جــــاء دوره
***في بدر روس ٍكثيرة قطع دابـرهـــــــــا
والفتح من بعدها والعفو الأسطــــــورة
***واصنام قومه بيدَّينه مكســــــرهـــــــــا
رحمه من الله لكل الناس منثــــــــــورة
***مثل السحابه إلى هلــت عبايـرهــــــــــا
في كل قفر ٍتمره تنبت زهـــــــــــــــوره
***والخير يشمل بواديـهــا وحاضرهـــــــا
صالت وجالت جيوش العز منصـــــورة
***هذي بلد تفتتح وأخرى نحاصرهـــــــــا
القادسية مع اليرموك مذكــــــــــــــوره
***تاريخ واضح وكل ٍصار خابـرهــــــــــا
يا راية ٍرفرفت من فوق معمــــــــــورة
***الأندلس سلَّمت والصين نامرهـــــــــــا
لو تسـأل الروم عن مردود نقفــــــوره
***يومه قرى رسالة ٍهارون ماهـرهـــــــا
من هيبته نشبت اللقمة بحنجـــــــــورة
***وارسل معاذير مافاده تعـذرهـــــــــــــا
جت له أسود ٍتمطَّى فوق مقـــــــــدوره
***وحاول بكل السياسة لو يسايـرهــــــــا
قال الخليفة ترى الأموال موفــــــــورة
***راسك ولا غيرها جينا ندورهـــــــــــــا
وهذي عموريه ولا هيب معمـــــــــورة
***من فعلة المعتصم كثرت مقابرهـــــــــا
للمسلمة غار قاد جيوش مـوتــــــــورة
***وباح المدينة وجاب العلج واترهــــــــا
إنقدم دروس مشهورة ومسطـــــــورة
***في جنة الخلد يا مَنْ هو مسطرهــــــــا
لازال فينا صلاح الدين وشعــــــــــوره
***يالمعتصم نومتك لايك تكدرهــــــــــــــا
أبشر ترانا نفوز بلعبة الكــــــــــــورة
***وجمهورنا ناوي ٍغزة يحررهـــــــــــــا
والا الدنمرك خل الحال مستــــــــــورة
***يالمعتصم لازم ٍناخذ بخاطرهــــــــــــــا
نخاف تقطع علينا زبدة اللـــــــــــــورة
***ونضيِّـع الطبخه وننسى مقادرهـــــــــا
وآحر كبدي على علج ٍمعه صـــــــورة
***يقول صورة نبي الخلق ناشرهــــــــــا
لَوَآ على شو فته ويديه مبتـــــــــــورة
***ورجليه حد الركب سيف ٍمندرهـــــــــا
يا أمة ٍمن نبي الحق مقهــــــــــــــورة
***عليك دارت من المولى دوايرهــــــــــا
يا أمة ماسخة بالعري مشهــــــــــورة
***في كـل يوم ٍتزايد في جرايرهـــــــــــــا
شنَّت على ديننا حملات مسعــــــــورة
***حقد ٍدفين ٍبحاضرها وغابرهــــــــــــــا
إلى متى للعدو نسكت على جـــــــوره
***واذنابهم حيــةٍ بانت سرايرهـــــــــــــا
المؤتمر خططوا له يخمد الفــــــــورة
***برعاية الكافر اللي هو مصورهـــــــــا
وامة محمد ويا للعار مغــــــــــــدورة
***من صفوة عيالها طعنت بخاصرهــــــا
حتى المقَاَطََعْ نَهَوْ عن عرض منشورة
***في مؤتمر ناصر الدنمرك ناصرهــــــا
يالمسلم اللي عرف ورده من صدوره
***رجلك بذروة سنام المجد غبرهــــــــــا
الروح بإذن الولي للدين منــــــــذورة
***وين أنت ياللي على الطاغوت ناذرهــا
ونفسي بحب النبي بالحيل معــــذورة
***والله هو اللي بحبه دوم وامرهــــــــــا
وصلاة ربي عدد ما غنت طيـــــــورة
***وعداد ما كبر بعالي منايرهــــــــــــــــا
على محمد وكل الخلق ما مـــــــــورة
***بأفضل صلاةٍ على المختار منذرهــــــا
=========================
القصيده منشده
http://www.zshare.net/video/9178410d321b93/
========
الشاعر
حمد سليمان الفراج / أبو مشعل 
.gif){kind=icon}
قصيده للشاعر حمد سليمان الفراج بعنوان ( لازال فينا صلاح الدين وشعوره) فالذب عن محمد ص
رد: قصيده للشاعر حمد سليمان الفراج بعنوان ( لازال فينا صلاح الدين وشعوره) فالذب عن مح
العرض العادي
