السلام عليكم ورحمة الله وبركاته
هذي القصيده مهداه للشيخ فرحان الفيصل الجربا ....
سر ياقلم واكتب بيـــــوت (ن) عريبة
واكتب على القرطاس فعل (ن) يعليه
سيرة حياة الشيخ هــــــــــــذي نجيبه
تقصر عن افعاله ويـــــــــاكثر مافيه
ديـــــوان كامل مــــــــا يوفّي نصيبـه
وشلون ابشرح في قصيدي معــانيه
يــــــالله جملنا بمعــــــــــــاني صليبه
بحضرة جنابك عطّر القــــول راعيه
يامــــــن لكم بـــــــالمجد عزه وهيبه
ماضي وحاضر له فعول (ن) ترسيه
يــــالفيصلي مافي بامـــــورك عجيبه
ماخذ مطيب الطيب يــــــالفيصلي ليه
من والد (ن) ماقلــــط الحمس غيبه
تجيه شمـــــــر والقبايل تزكيــــــــــه
يا اهل الكرم في وقت محد (ن) يصيبه
قليل من يفعل فعـــــــــــول (ن) تعليه
خلّف لنا فرحــــــــان فـــــرحه مجيبه
نــــايف تركنـــــــــــا ونايفاته براعيه
راعيــــــــه راع الطيب ربي يثيبــــــه
في جنة الفردوس حضــــــــرة معاليه
الله خلق بالنـــــــــــاس خصلة تصيبه
منهـــــــو يصيبه بالمحبة يناديـــــــــه
بلدان تاصـــــل من فعـــــــولك مسيبه
وبلدان شافت في عيــــونه مساعيـــه
الطيب يفعل واكـــــثر الصبــر طيبـــــه
درب (ن) على وضح النقا به خطاويه
ماهو من اللي ساعـــــــة (ن) يعتنيبه
تقصر خطاه اليا مشت شـــــوط رجليه
وصــــــــــــلاة ربي من طلوع المغيبه
واجب على المخلـــــــــوق لازم نحييه