للتواصل
وأغفروا لي الغياب
/
/
/
للحين أحايل بالرضاء لعين الأحباب=تكرم مدينة لأجل عين الحبايب
لاطايب قلبي ولا خاطري طاب=بيني وبين الصلح وقْف ونشايب
حاولت أعدي غلطة أصحاب وأقراب=وأقول هانت لأجل أهل وقرايب
ويومه تمادى فالحكي وطعن الأنساب=علمته أصول العرب والنسايب
ماني وأنا ثريا ببياعة أصحاب=ولاني من اللي يكثرون الجلايب
أمشي على وضح النقاء دون ما هاب=لا خايفٍ قلبي ولا منه هايب
يامدور الزلة بلا حكي وعتاب=هرجك خبيث ومنطقك حيل عايب
ياللي حديثك يشبه لقرصة الداب=أدخل على الله لاتزيد اللهايب
(البيت ما يبنى بلا عمد وأطناب)=ولا ينبني حكمٍ على رأي خايب
كانك تخاف من الولي عَدّ الأسباب=ورّد شهودك كانه الحكي صايب
يجيك يومن وأخذ الحق بحساب=وأعلمك كيف الحكي والطلايب
وأعلمك كيف التهم تاخذ أرقاب=كيف الحكي يورث هموم ومصايب
وأكيل كيلي وأخذ الحق بنصاب=ويطيب قلبن من فعايلك شايب
وأعلمك كيف الرضاء لأجل الأحباب=مليون عينٍ لأجل عين الحبايب
الرضاااااااا
العرض العادي
