على دور الامير محمد العبدالله الرشيد رحمه الله وبعد ان بسط نفوذه على نجد
كان ابن جابر من اهالي عنيزه في اول طفولته تأخذ المنيه والده ووالدته ويتربى في بيت
عمه وكان والده يملك عشرة بساتين مع الايام باعها عمه واصرف
ماله و كان الورع يلهو مع بنت عمه الذي كان عندما كانوا في عمر الورود وتحول مع الايام
واخذ يحبها حب لايوصف وهي تحبه وعندما اصبح شاب وأذا بعمه يقول له
اذا اردت حاجه من البيت
لاتدخل المحرم بنتي اصبحت مرأه والرجال يخطبونها وكل ماتطلب
شيء اطلبه من زوجتي
فرد الشاب؛ياعمي زوجني اياها ولا تجعل بيني وبينها حاجز
العم انت لاتملك شيء ولا اجعل بنتي تستجدي بيوت اهل عنيزه
واسودت الدنيا في عيون الشاب وليس له ملجأ الا الله واخذ يخرج
خارج السور كل يوم صباحاًالا ان تغيب شمسه ابعده عمه عن اعز
واغلى مخلوق عنده وراى حبها عوضه عن الحرمان
يعود ادراجه واستقر رأيه ان يكتب للاميرمحمد العبد الله الرشيد
قصيده يصف حالته مع بنت عمه وعمه وينتظر الرد من امير الجبل وفي
احد الايام خارج السوروكأنه مبعد عن الدنيا كلها عندما ابعد عن
محبوبته التي ليس لها ملاذ الا النحيب وهو في ضياع من امره
لايستطيع البعدعن محبوبته وهو في هذه شاهد
مركوبه واقترب منهم وسأل احدهم من اين انتم اجاب احدهم من شمر
ومنه كبيركم فرد عليه الشمري كبيرنا برغش ابن طواله واشار عليه
فذهب الشاب الى برغش ابن طواله بعد ان سلم على برغش
ابن جابر= ياطويل العمرانا قصتي مع عمي كذا وعندي كلمات ابعثهن للامير محمد
برغش= حياك الله اركب معي على ظهر الذلول وانا اكلم الامير محمد واخليك تواجه وتشرح
قصتك مع عمك
ابن جابر= ياطويل العمر انا بزر ماني كفوا اقابل الامير محمد
برغش ابن طواله= ابشر باللي يوصله للامير ويقراه الامير
ابن جابر = جزاك الله خير ياطويل العمر
وغادربرغش وربعه متوجهاً الى حائل
وعندما وصل برغش ابن طواله سلم القصيده للاميرمحمد وكلمه برغش
عن قصته وارسل الامير
في طلب الشاب ابن جابر وعندما وصل كلم الامير محمد عن قصته
فأرسل الامير الى منصوبه
في عنيزه ان هذا الشاب ابني انا تبنيته وتخطب له من عند عمه واذا
رفض العم قص رأسه
وعندما وصل الشاب مع المنصوب الى عمه كلمه المنصوب ووافق العم
فوراً لأنه يعلم الامير محمد
جاد في قوله ورد له الامير بساتين ابيه ونال امنيته وهذه جزء من
الابيات التي قالها
ابن جابرواطلب من الشعراءالعذر لصعوبة نقل القصيده
بدا باليرى من عايق البين عايقه =ينمق بيوت كالفواريق لايقه
في كاغد كالون جنحان زنجن = من الحبر فيه مزاج زاجن ملابقه
قبل اعذى وافخر من اللولو الذي=جاه في النظم عقد تلالا لواهقه
كتمتها لياما هيضه طارين طرى = نهض هاض من شكى البين فارقه
قلته وانا روحي من الهم والهوى =تحشرج لجج في فرع صدري مفارقه
افكر مافاجان من داير الدهر = ولا دبرتن للعبد من دون خالقه
اشوف عيوب الوقت لاهلها مرسمه =بالايام من يوم آدم باق بايقه
لاشك ذا دهر ظاهر له دوله =دواليب حيف وأمر شرً مطابقه
استثني الأخيار ماابي اعمهم =واخص على اهل الحيف ناساً سبارقه
يوم ناظرت للدنيا عدله وميله= كثره يضيع شوف الأبصار سارقه
اشوف وازاوم لي ثلاثة معاني= حديهن لابدها على العمر لاحقه
الاوله منهن حسري وعسرتي = جفيت عن فرقاً بالاول معانقه
الموت اشوا من حياة به الفتى =ليا بغى العزه ليا العسر خانقه
والثاني حث الطلب عن نظوتي =بالقفى عجلً وليا هرولت ماني لاحقه
ولاني على ماصابني منه نادم =يشادي غريق طايحً في غرايقه
ابي لي سند ابديله السد وابتدي =هو اللي يفرق الحال طارقه
يابحور الي من الغيد جايشه = يعل به قلبي طبع في مفارقه
اصنف منه في مرعوب عندل = لادلعت كنه دلع عواشقه
له ابدي لباب الدجى يوم لي رجى=اشله واناجله في ثرى النوم غارقه
وافهقه عن المبسم وزمام مشارع = في ذبلاً كالديرم الحمر لايقه
وخلاف ذا يامن على شدقميه =فج النحر مانال زوره مرافقه
انوج من العنبر مع المسك ليا ذخر = واحلى من السلسال في ريق ذايقه
والذ من الفرثق على غاية الظمى = بيوماً يفور لابث الما حرايقه
والطف من النسناس لاشوب الجسد= ليالوحت سرجوفه ليا البرد طارقه
سر فوق وجنا عثفراً ليا تلحظت = ليا مثل ديرات المماوج روامقه
تزها سفايفهابالوما ليا اوثبت =بالقاع ما تستافره في زواهقه
تلفي على كبدي وملفى مثايلي = يسبق ليا اصبحت بعينيه رامقه
شيخ الجبل ابن رشيد محمد = بصير النظر باللي زمانه معاوقه
بالايام ديوانيته ماتجافى = به من ثري الشمس كالشمس شارقه
بها ثمان واضحات يقلطن = على جال نارً للمسايير شاهقه
حاش الثنى بالعرف والجود والصخى = والي الثنا من تالي الناس عايقه
اكرم من الرعاد لياربب الطها = عطف بانعطاف جره الارض دافقه
ولا اكرم منك ياكاسب الثنى = لياكطمرت صم الرمك في محارقه
وليا توهل باللقى سرج ملبسه =ماهي على اولاد السناعيس ضايقه
وكم من ذليل يلتفت باول الفزع= يداني الخطوه يناظر لسابقه
وله عادتن يصرع على الخيل ليا اعتزى = كما يصرع اللايع خوامل خرايقه
يما عدى بمعادي بات آمن = ليا سار سار النصر يتلى بيارقه
عدوهم مايهتني في رقوده = عزي لمن دار دارً يرافقه
قل ياشيخ عاسر حاسر عاثر القدر = وفي ستة الايام ياشيخ ضايقه
صلوا على سيد قريش هو الذي =وقف بالبيت وعنه الاصنام زاهقه
قصه خاصه بالطنايا شاب في مقتبل العمر يستنجد باالامير محمد العبدالله الرشيد
العرض العادي
