السلام عليكم
بعد انقاطع عن المنتدى دام قرابة الخمس سنوات
اقدم لذائقتكم هذه الخاطره ( الخفيفه ) على امل ان تحوز على رضاكم
تكفى طلبتك ياخفوقي عن الضيق
طنش تعش والله كفيل الخلايق
لو استمع لهـروج ناسن مطافيق
مامــر يـوم و صرت انا فيـه رايق
اسما لنفسي بالجبال الشواهيق
والناس تحتي جـعلهـا في حرايق
اللـي سوالفهـم على فكة الريق
غيــبه ونمه واختلاف الحقايق
يــفرقون اعز الاصحاب تفريـق
نقــالــة السيــات بيـن الرفايق
هــذا وانا ماعــم كل المخاليق
ويعــوقني لا اعمهــا الف عايق
فيه الرجال الغانمين المطاليق
اللي عليها مدح الاجــواد لايق
عزاز النفوس وحافظين المواثيق
اللــي لها بالطيب عهد ووثايق
شرواك ياصالح عساك التوافيق
وبجاه منهو فوق سبعن طبايق
حيثك خوين يرتكى كنه طويق
درعن متين ليا هفى كل بايــق
لا يابعد من صار طيبه ملاحيق
واهل جوازات السفر والبطايق