لقد اتتنا دعوة من اخونا و ابن عمنا غنيمان حمود ابن جدي لملتقى الجدي الأول
الذي أقيم في مدينة حائل وفي الحقيقة نحن راعين محل ونحن من ندعو لهذا الملتقى ..
وفي هذه المناسبة قال الشاعر عبد الرحمن حميد التويمي ابيات متواضعه تعبر مافي خاطره
تجاه ابناء العمومه الخليبص ولقد كتبها على عجالة حيث قال :
الهاجس اللي بدا يحز ورداني = جيته فدى لجل بس طاروق ما جوبي
مجهود فكري اذا ماهاض من شاني = الصمت احسن ولا قولٍ به عيوبي
ابي اتنومس طنخ و اعرض امتاني = من زود مابي طنا تسما لي دروبي
ياكبر حظ القصيد اللي تعزواني = في مدح لابه انا منهم ويدروبي
جدي رجح بالفعل كفين ميزاني = يوم المواقف تسجل صدق مكتوبي
تاريخ بالمرجله و الطيب ميداني = فيها اتعزوا فخر من طيب منسوبي
تاريخ مسنود من كبار شيباني = فرسان عبده بهم بالزود زادوبي
لأبن جدي مرهش و راضي غنيماني = مقدام عبده نهار الكون منصوبي
وزعال ابن سبت نيشاني و برهاني = صيت المراجل يشد محزم جنوبي
بعض السوالف يالولا خشية الساني = من كبرها يالنشامى ضاق بي ثوبي
طيب المساعي من اول مالها ثاني = والحين للأوله ميلاحها صوبي
صدق المشاعر تفوح بعطر قيفاني = هلي هالطايلة شفي و مطلوبي
حفل جمع للمكارم قاصي و داني = لأبن جدي ما تميل الشمس لغروبي
لأبن جدي مرهش و راضي غنيماني = مقدام عبده نهار الكون منصوبي
العرض العادي
