اقتباس:
المشاركة الأصلية كتبت بواسطة الصريح
الاخ العزيز والشهم
الافرد التويمي
يابعد راسي انت على ايراد هذه القصة التاريخية عن الشيخ نهار الوبير وبشهادة الاجناب وبلسان شيوخهم كما قلت ، وهذه من ضمن التاريخ المغيب مع الاسف ، لاني انا نفسي لم اعلم عن هذه القصة ، الا منك ومن هذا الشيخ المطيري جزاه الله خير، لآن شيباننا اللي عندهم علوم جدودهم ماتوا وانا صغير ولم نسجل منهم شيء الا القليل وهناك الكثير الذي لم يقال ، وبارك الله فيك وبيض الله وجهك يالطيب0
والاجمل من القصة هذا العنوان الرائع الذي انت اخترته لها ،
والذي يعادل في جماله وقيمته ، جمال وقيمة ( ذود ) من مزاين ام رقيبة !!
الف الف شكر لك ايها الشهم ،
واحب اوضح أن شيخة نهار الوبير كانت على عهد ألامير طلال ال رشيد ، وكان من المقربين جداً عند طلال ال رشيد وياخذ برايه ،
وقبل حوالي 30 سنة كنت في زيارة للشيخ عبيد مسهوج الدوح رحمه الله شيخ الحسين من عبدة من شمر كما هو معلوم 0 واسمعني شريط كاسيت عنده يعده شايب من شيبان الدغيرات
عن تاريخ شمر القديم ومن ضمنه قال أن الآمير طلال كان يشاور شمر في احد القضايا المهمة ،
، وكان كل واحد يجيب رايه والآمير كان متردد ياخذ بأي الاراء ، ويقول قام نهار الوبير
واعتزاء وقال ( انا اخو نوير ) الا الراي كذا وكذا ،، يقول وقد اعجب ألامير طلال برايه وقال على راي اخو نوير نهار الوبير :
واخيرأ يا الافرد التويمي
اسمح لي اهدي لك هذه الابيات لعلها تفي بشيء من رد الجميل على ايرادك هذه القصة
عـــــزالله انك يالتـــويمي شريفي 000 الله يبيض وجهـــكــــم وين ماكنت
وعن الحسد قلبك نزيه ونظيفي 000 وفي كسب علم المرجلة ماتهاونت
بالطيب فوق اعلوم ربعك تضيفي 000 عساك تسلم يافتى الجود لاهنت
ولك مني كل محبه واحترام
|
يا هلابك يابن العم واْعذرني جدأ جـدأ
على التاْخير ترامي ماني موجود انا كنت بالعمل الممل والثقيل على المعده
طـوال الاسبوع الماضي ..
واشكرك بكل قوتي على حروفك الطيبة وهـذا من طيبك و طيب اصلك يا ابن عمي ..
وقصـيدتك جميلة لاهنت .. كل هـذا من ذوقك ..
وفعلاُ انا اعيش نفس حالتك بالنسبه لشيابنا , سراحه شيابنا نصهم مايسلفون والنص الاخر للإسف انتقلو الى رحمة الله ماتو , بعض السوالف الي اقولها كلها من الاجناااب والعجيب