قالو جديدك قلت مامن جديدي
لامن رجعنا ياابوحنجل سهالات
انت الوفي ياصاحبي والعضيدي
وانت الخوي لاصار بالوقت ميلات
طبعي كذا لامن كتبت القصيدي
المختصر يبني بوجهي علامات
ياشين قول الشاعر اللي يعيدي
الشعر طبعه مايحب الإيعادات
انا اعترفلك ياابوحنجل ، إحيدي
احيد عن درب الخطاء والإهانات
مثل الوحش لاهد صيده بعيدي
يضرب بكفن باليدين النديات
افرح انا لاصرت طيب سعيدي
مثلك ياابومنصور راعي جزيلات
اليوم ياابن العم يومن بليدي
مابه قهاوي لا ولا به مسرات
يازين جو الكنب وقت الرعيدي
تمطر علينا من رفيع السموات
وختامها تحيتي للعضيدي
مخصوص تاصلك سلام وتحيات
ابوبادي
قالو جديدك قلت مامن جديدي
العرض العادي
