شعر مشعور

الشعر منقولٍ أو النقل مشعور
------- والا المشاعر غايبة عنه مرة
كنه يعايش حزة الظهر ديجور
------- وعيونه تناظر نجوم المجرة
لو قيل له معذور ماهو بمعذور
------- وكن الذي ينقال مما يسره
شاعر ومابه ذرة أحساس وشعور
------- ياليت مره لو ضميره يمره
ويا حبذا: عاجل وبالحال بلفور
------- من قبل يغرق في بحور المغره
يستظرف الجمهور في حب غندور
------- والقلب من بين المحاني تجره
مزيونة ماهي سوى خط بسطور
------- حتى بوسط الخط يجهل مقره
اعمت عيونه عن هناديب وشرور
------- وابعد عن الواقع بخيره وشره
والمشكلة لا صار جاهل ومغرور
------- وان صفق الجمهور بالحيل غره
واهتز جأشه وانفتح كل مجرور
------- والضمة اللي خايلت لين جره
والنقد؛ له في ساحة النقد جمهور
------- وغسيلنا بين الخلائق يشره
ماجور يامعهد هل النقد ماجور
------ اصبح معاك بتالي الوقت ضرة

 

 

 

 

 

 

 

 

 

 

صح السان الشاعر ابو معاذ على البيات الشعريه وأتمنى
أن يستفيد الجميع من هذا الطرح الرائع تقبل تحياتى
العطره لمقام شخصكم الكريم وتحياتى للجميع

 

 

 

 

 

 

 

 

 

 

الله عليك يامبدع

وصح لسانك ملايين اخونا وعزوتنا

دمت ودام حضورك المميز

 

 

 

 

 

 

 

 

 

 

المشاركة الأصلية كتبت بواسطة رعد االشمال

صح السان الشاعر ابو معاذ على البيات الشعريه وأتمنى
أن يستفيد الجميع من هذا الطرح الرائع تقبل تحياتى
العطره لمقام شخصكم الكريم وتحياتى للجميع

صح بدنك حبيبنا بكل حرف دونته هنا

 

 

 

 

 

 

 

 

 

 

المشاركة الأصلية كتبت بواسطة الشمريه المجهوله

الله عليك يامبدع

وصح لسانك ملايين اخونا وعزوتنا

دمت ودام حضورك المميز

صح بدنك يا بنت العم
ودمتي بكل خير

 

 

 

 

 

 

 

 

 

 

الشعر منقولٍ أو النقل مشعور
------- والا المشاعر غايبة عنه مرة
كنه يعايش حزة الظهر ديجور
------- وعيونه تناظر نجوم المجرة
لو قيل له معذور ماهو بمعذور
------- وكن الذي ينقال مما يسره
شاعر ومابه ذرة أحساس وشعور
------- ياليت مره لو ضميره يمره
ويا حبذا: عاجل وبالحال بلفور
------- من قبل يغرق في بحور المغره
يستظرف الجمهور في حب غندور
------- والقلب من بين المحاني تجره
مزيونة ماهي سوى خط بسطور
------- حتى بوسط الخط يجهل مقره
اعمت عيونه عن هناديب وشرور
------- وابعد عن الواقع بخيره وشره
والمشكلة لا صار جاهل ومغرور
------- وان صفق الجمهور بالحيل غره
واهتز جأشه وانفتح كل مجرور
------- والضمة اللي خايلت لين جره
والنقد؛ له في ساحة النقد جمهور
------- وغسيلنا بين الخلائق يشره
ماجور يامعهد هل النقد ماجور
------ اصبح معاك بتالي الوقت ضرة


صح لسانك
ماجور يامعهد هل النقد ماجور
اصبح معاك بتالي الوقت ضرة