قصـيدة طلال الـــرشيد << ياصغير >>

قصيده لطلال الرشيد الله يرحمه ويسكنه فسيح جناته التي تحفظها قبيلته شمر صغارها قبل كبارها عندما قالها بالوافي اللي من ال براهيم يوم قال ان طلال مايستحق يطلق عليه كلمة امير واني ماعرفه ومن هالكلام ورد عليه طلال بالقصيده هذي وبعدها شالوا من طلال كلمة امير :

ياصغير مايكبرني لقب *** وما يصغرني إذا انكرني صغير

ماخذينا الصيت من جمع الذهب *** ولا نسابة شيخ او قربة وزير

كاسبينه من هل السيف الحدب *** الجنايز كان ماجاك النذير

صيتهم نجم على راسه لهب *** سمعوا الصقهان به واجهر ضرير

بالوفا تاريخ ابيض ينتصب *** لا حكوا بالحق حيين الضمير

ضيغمين لسناعيس انتسب *** لابةٍ طلنا بها عرش كبير

عند حدك ياكثير الهرج تب *** لا تمر النار وثيابك حرير

كان لك عز بذلي فتعقب *** والله الا تبطي وحبلك قصير

احسبنك من صناديد العرب *** واثر ساترتك عباتك ياغرير

ماحسب للسوس زراع القصب *** والقراده مادرى عنها البعير

ولو حسبنا للحسايف والتعب *** مابذرنا يالعصافير الشعير

عن هلك براي الله واحتسب *** الرجال اللي مجاراهم عسير

من قريش المصطفى وابو لهب *** والدغالب ما غشت عذب الغدير

للرجال من الرجاجيل العتب *** والزكاة تحل في حال الفقير

لعنبوا وقت غدينابه حطب *** تحرقه نار يثورها اجير

مالومك والزمن سوى العجب *** هو بقى غير الكرامه بالجفير

ما اذل وراسي يشم المهب *** لو بقى من شمر طفل غرير

ما اهاب ولا يزلزلني غضب *** الشجاعه ورث العاقل عزير

ياصغير مايكبر باللقب *** غير من هو كان من دونه صغير

 

 

 

 

 

 

 

 

 

 

صح فكرك على الاختيار الرائــــــــــع

ورحم الله الامير الراحل طلال الرشيد

دمتي بخير

 

 

 

 

 

 

 

 

 

 

صح السانك يالامير الله يرحمه

 

 

 

 

 

 

 

 

 

 

هلا والله ومليون غلا تو مانور المنتدى بمرووركم

 

 

 

 

 

 

 

 

 

 

رحمة الله عليه

وعلى اموات المسلمين

سلمتي على هالنقل المتميز..

 

 

 

 

 

 

 

 

 

 

ياملا الجنه ياطلال
شكرآ لك يابنت شمر على النقل

 

 

 

 

 

 

 

 

 

 

يعطيك العافيه ..

والله يرحمه أبـو نـوآف ويوسع مدخله ..

لآ هنت ِ ..

 

 

 

 

 

 

 

 

 

 

يســـلمووو اخـــوااني عالـــمروور الكـــريم



اشكــركم

 

 

 

 

 

 

 

 

 

 

سلمتي على نقل القصيده المتميز..

الله يرحمه ويغفر له

 

 

 

 

 

 

 

 

 

 

يسلمووو اخــوي ع المــروور الطيب