نسيتوا اشهر عرضة يالربع :)
راكب اللي تسوق الكور بمتونه=بنت حر ٍ عريب الساس نعماني
مثل شب أشتعال الجمر بعيونه=السفايف يلوقن فوق الأمتاني
أركبه يسألونك من يشوفونه=قل لشمر وعد الهرج بلساني
يا الطنايا حياة اليوم ملعونه=بالجزيرة صفيتوا تقل جيراني
داركم لعن أبوكم ما لاتخلونه=مشترينه بدم أرقاب صبياني
يوم كنتوا حياض الموت تردونه=ما سكن به صديق بجلد قوماني
السطر والمراجل كيف تنسونه=كيف الأول تحول وأنقلب ثاني
لا وعايد ولا غياب ترجونه=صابرين ٍ نشوف الصبر حقراني
البنادق عليش اليوم تشرونه=حاربوا وأذبحوا به بعض الأركاني
درهم الشيخ والزهيد يتلونه=حلو قفوا الطنايا صوت فرحاني
لذته كان كثر الذبح بركونه=مثل نجد ٍ جرابه ذبح الأخواني
وكان قلتوا تهون المشكله هونه=من تجر بالمذله دوم خسراني
أن فعلتوا عملتوا ما تريدونه=وأن حملتوا خسرتوا هاف بستاني
وهذي وحده ثانية بعد الانتصار بمعركة الخنيسي :)
يالله اني طالبك وانت الرجيبـة=نستعينـك بالفـرج للمقبلاتـي
الخنيسـي قبلنـا كلـن يهيبـه=مايطبه واحدن يرجى الحياتـي
طبٌه اللي كل ابوهم من صليبـه=فعل اهلهم بالسنين الماضياتـي
طبٌوا الصفران مع مجنب شعيبه=واليمن يبرالهم هرجـن ثباتـي
والخليبص مايحملـون الغليبـة=وردوهن فوق حيلن مكرماتـي
والهيافا جمعهـم كلـن دريبـه=ماتناثوا عن جمـوع موقفاتـي
ذيب ياللي بالخلا نوحي طنيبـه=العشا بخنيس وقصور البناتـي
كم صبيا ً طافحا مغويه طيبـه=مايحسٌـب للمنايـا والحياتـي
ليتكن يالبيض في راس الجذيبه=تنظرن بعيونكن هوش العصاتي
ذابحين تسع مية مـع صويبـه=يبحل الدكتور من كثر الدواتـي
والفخر لعقاب زيزوم الحريبـه=عند شمر يعتفر مثـل الزناتـي
وفيه وحده تقول حافظ منه هالبيتين
شبرم المسطول بحمى الله=ولا بن جبهان عيابه
واسمعوا ياذكرين الله=جيش بن سعدون لاجابه
وفيه وحده هم مااذكر منه غير كم بيت
ياراكب حر المعنى=فازعن لنا يامرحبابه
واللي يغيب اليوم عنا=ياعل ماتلفيه اركابه
ثار الدخن منهم ومنا=في سهلتن مايلتقابه
ولعيون لباس المعنى=والموت حنا مانهابه
هذا اللي عندي
والباقي عليكم :)
واعتقد الموضوع يستاهل التثبيت لان بوه عرضاتنا وبتكون مرجع لنا :)
العرض العادي
