ياشيخ عبدة ياسليل المناعير
جدك على جمع المعادين عيا
وعقاب ابو عافت عظيم التباشير
تتلاه اسود(ن) من سطرها طنيا
بيتٍ مشرع للدخل والمسايير
افعالكم بـ الطيب وصلت هنيا
لك هيبة ٍ ياشيخ دايم وتقدير
محمد بعيد العلم راعي الحميا
من روس قومٍ بالمعارة مشاهير
صيت وصل يم الجدي والثريا
لاجارنا الوقت تبقى لنا الزير
في ظل عباتك بالصعاب نتفيا
زعامتك ماهي عقار ودنـانير
واللي يعادونك يـلاقون غيا
ياشبه اشقر ماتطوله الصـقاقير
يشـدى الحرارا بـ الطبع والسميا
على خطى ماجد ياعزوتي تسير
ورفيق حيد(ن) بالمهمات خـيا
محمد أبن ماجد ياملقى الخير
الضيغمي الشهم طلق اليـديا
المرجله ماهي مراتب وتصدير
موروث من جـد(ن)ٍ وخال ٍ وبيا
حمالة البيرق تسـوق الطوابير
تـاريخهم بـ المجد مازال حـيا
بقلم شاعرة شـ الطنايا ـمر
الشمرية المجهوله
قصيدة مهداة للشيخ محمد بن ماجد العجل
العرض العادي
