مصافحه اولى لمنتداكم الرائع ارجوان تنال اعجابكم واستحسانكم
يالله طلبتك فـي جميـع احوالـه=ياواحد(ن)ماخاب من يلجى له
يامحصي الدنيـا وخالـق كونـه=ياواحـدٍ كـل البشـر تسـالـه
ومن بعد ذكـره ببتـدي ببياتـي=ابيـات شعرٍقلتـهـا بجـزالـه
اشـوف هالدنيـا تغيـر لـونـه=وتغيـرت يالعـن ابوهـا حالـه
صارت علاقات البشـر مصالـح=والشخص ينحب عن طريق ارياله
اللـي معـاه المـال دوم امقـدر=لوهو نقيصه او من اصل احثالـه
هـذا زمـان المصلحـه والنمـه=ناس ٍ تسولف في عروض عياله
الناس بعروض البشـر هراجـه=والخير ماتلقى الذي يسعـى لـه
مجالس الاجـواد صـارت سـوه=باسبـاب نـاس للخطـى ميالـه
وانا احمد الله واثق مـن روحـي=ارافـق الطيـب واطيـب فالـه
واشفق على راع العلوم الجزلـه=والا الـردي مارافقـه وابـرالـه
اعاشر اللـي يعشـق المراجـل=اللـي يبهـر للرجـال دلالــه
ياجاء له العاني ضحك بحجاجـه=ومن الفرح ذب غترتـه وعقالـه
هذا الذي تشفق علـى مخاواتـه=والا العفن يبـلاك بكثـر هبالـه
وانا افتخر بربعي وسلم اجـدودي=والرجل يسأل عنه منهـو خالـه
وانا خوالي طيبهـم يشهـد لـه=اخـوان صبحـا وافتخربفعالـه
من روس شمر والضياغـم حنـا=اللابة اللي ماخسـر مـن جالـه
يوم انها بالهوش ورفع البيـرق=حنـا لنـا بيـرق مـع الخيالـه
ربعي لهم بالكون فعـل وهيبـه=وعدوهم من فعلهـم يرثـى لـه
واليوم ننعم فـي رخـى دولتنـا=والشعب واحد والسعود أرجالـه
في ضل ابو متعب عريب المجنى=صقر العروبه هم شعبـه شالـه
ونايبـه ابوخالدوقايـد جيـشـه=سلطان سلطـان الوفـا بعمالـه
الله يديـم الخيـر ويديـم امنـه=ويضلنا الرحمـن تحـت ضلالـه
تـم الكـلام وخاتمتهـا صـلـو=علـى نبـيٍ سنتـه نسعـى لـه
رشيد العطاوي
.gif){kind=icon}
علااقاااات البشر
رد: علااقاااات البشر
العرض العادي
