لاجاك صاحب حاديته الليالي = يبيك تفزع حالته ضايقه فيه
ربعه جفوه وجاه هم متوالي = والوقت مايرحم ولاهوب ياويه
يمشي مع العالم ولاهوب سالي = همه وحزنه واضحٍ من خطاويه
وبغيت تفزع باالحمول الثقالي = وتسعده وتشوف الفرح في مواريه
بس المصيبه وقتها أن كنت خالي = من وين تفزع له ومن وين تعطيه
وإن جيت له يفزع بجاهٍ ومالي = يعطيك ما تطلب وما كنت تبغيه
وضاقت بك الدنيا غدت كاالخلالي = والهم في داخلك شيد مبانيه
لاتتركه وتقول نفسي وحالي = راعي الجميله لازم أنك تجازيه
ما تملكه يفداه ماهوب غالي = هو صاحب المعروف صعبة تكافيه
( احمد بن ناصر المحرج )
... ( من وين تفزع له ومن وين تعطيه )... (38)
العرض العادي
