صوت وصدى ، الشلقان والوبير :

هذه قصيدة للشاعر عايد عيادة الشلاقي من الشلقان اللي عندنا في قطر شرفنا في مناسبة عامة قبل أيام وبعد ماراح ارسل قصيدة على تليفون ابني ناصر الوبير يقول فيها ،

تشرفت برجال لهم بالمواقــف شاان 00 تحــل الأمــور المعضلة لاتعنت لـــه

قبل مالرشيد تثبت الحكم في برزان 00 لــهــم في صحاري نجد بالمعــركة بتله


ولدهم حصان وياعتلى فوق بنت حصان 00 جميع الرجال اهل المواقف تلفت له

واذا قــالــوا الويبار هاضوا على الميدان 00 علي الحرام ان العـــدو حقــقــوا قتله

بلاوي زحــول عيونهم تاكــل الشيخــان 00 اللي ساقه الله يمهــم مــايصوت له

دواهي خفاف نفوس وقت اللزوم ذهان 00 هم العــون للي دنيته ماتواست لــه

بهم للي مــن صـدوف الــزمـن بلشان 00 شفــوق على شوفة عجــوزه وصت له

لــهــم قيمة عندي مثل قيمة الشلقــان 00 هلي تاج راسي لاغــدى للرسن نتلــه

يــاناصراذا جتك القصيــدة بلا عـنوان 00 نحــط (الوبير) ويتضح نقــضه وفتلــه

ـــــــــــــــــــــــــــــــــــــــــ


وبعدما قرأتها رديت عليه بهذه الابيات أقول فيها،

يامرحبا واهلين ياشاعر الشلقان 00 حرارأ على روس الشوامخ تعلت له

هــداتهم تعـجبك ياطبوا المـيدان 00 اهــل بنادق ضربهــا مــايجي شتلــه

رصاصهم ياثار مايروح بالمجان 00 بقلب العدو والا براسه تواست لــه

افعالهم يشهد على طيبها بعيجان (1) 00 في ساعة اهل البواريد ردت لــه

ويشهد لهم خويهم من ضنا سلمان 00 ومتونهم في حاجة الشيل صفت له (2)

والكاسب اللي كان مع شبرم الجبهان (3)00 يوم ان جاهم جيش الاخوان في رتله

استبسلوا اهــل البطــولات والشجعــان 00 بيوم ٍ عبوسٍ والمنايا تطـــوت لـــه

وابن مخيمر مارضي للخوي ينهان (4) 00 من واحدا ماقدر الطيب به ختله

ودعوج فيهم عادة ٍ سقية العطشان (5) 00 ياجاهم الوارد على المي روت له

هذا كلام صح من قول بن هيشان 00 وان قــــال قــول ٍ لازم انه تثبت لــــه

نهار بن هيشان الوبير

ــــــــ

1ـــ هو الشيخ بعيجان بن علي كان مع الشلقان وهم رواه وحصلت معركة معروفة بينهم وبين احدى القبائل ،

2ــ إشارة الى خويهم الذي شالوه ،

3 ـــ الكاسب كان مع شبرم الجبهات على مكان يسمى الشبرم أيضا في الحدود العراقية المقابلة لرفحا في الحدود الشمالية من السعودية واغاروا عليهم الاخوان وصارت معركة قتل فيها شبرم الجبهان العقيد المعروف من الجندة من عبدة

4 ـــ بن مخيمر من الشلقان له قصة معروفة مع خويه يوم ذبح رئيس الخدام ،

5 ــ يشير الى طيب الشلقان على الماء حيث اذا جاهم الوارد مايردونه ويسقونه على القلبان،

 

 

 

 

 

 

 

 

 

 

صح لسان الشاعر عايد الشلاقي

وصح لسانك ايضا انت يابو نواف

كلام طيب من رجال لايستغرب منهم الطيب

وكلام يحمل ثناء في محله من الطرفين فالكل يستحق ماقيل فيه

ومثل تبادل هذا الأمور هو منهج الرجال شرواكم وشروى القراء

وشكرا لك ابو نواف على ايضاح بعض النقاط لمن قد يجهلها

وحفظ الله الجميع

 

 

 

 

 

 

 

 

 

 

صح لسان الشاعرين
الشاعر عايد الشلاقي
والشاعر الشيخ/ نهار بن هيشان الوبير ابونواف

بيوت شعر جزله تسلمون وتحياتي لكم .

 

 

 

 

 

 

 

 

 

 

ونعم بالجميع الشلقان والويبار

وصح لسانك ولسان عايد الشلاقي

 

 

 

 

 

 

 

 

 

 

الأخ
العزيز
سطم الخليل
حياك الله والف شكر على المداخلة وشرفني مرورك الكريم
تقبل تحياتي

 

 

 

 

 

 

 

 

 

 

الشيخ مطلق الثنيان
شكرا على المرور وشرفني حضورك الكريم

تقبل تحياتي

 

 

 

 

 

 

 

 

 

 

الأخ العزيز
أبو الحارث

الف شكر لك على المرور والتعليق
اسعدني حضورك
تقبل تحياتي