مريض الحبِ مجهول الهويٌة = لو تسأله مارد السؤالا
تشوفه دايماً روحه وجيٌه = ودايم شاردٍ فكرٍ وبالا
يعاف الزاد ولاله قابليٌه = ويهمل نفسه وجسمه همالا
اضن حاشه من اسبابه بليٌه = تحس إنه مصابٍ بإعتلالا
خفوقه صابه همومٍ عتيٌه = كثيرة داخله واجد جزالا
وسوم العشق في وجهه طريٌه = وماله خلق في اية مجالا
بعض اللي هوى حاله شقيٌة = قليل اللي شرب منه الزلالا
فضح عمره وقدام البريٌة = درو به عالمٍ ماهم قلالا
علومك خلها بنفسك خفيٌة = واترك دايماً قيلٍ وقالا
بعض الناس لو يامن خويٌه = مايدري وش تخفي الليالا
ولو كانت صداقتكم قويٌه = يمكن يفضحك وقت انفعالا
هذي حال من حبو سويٌه = نوبٍ يرجهن واحيانِ لالا
دروب العشق في الأول هنيٌه = ودايم آخره صعبٍ مُحالا
قديمٍ قيس وليلى العامريٌه = توفو ماتلاقو باالحلالا
( احمد بن ناصر المحرج )