هلا صباح الخير / بقلمي
هلا صباح الخير يسعد مساءك=يامن خذيت القلب بحبك ملكته
هلا صباح الخير يبقى فلاحك=انت الوحيد اللي بحبي عشقته
انا نجاحي دايماً من نجاحك=ومافيه شيٍ غير حبك نجحته
انت الغلاء لاجيت ورحت بمراحك=وانت الذي بالقلب والعين شلته
ارتاح لاشفتك تعيش ارتياحك=لانك هواي اللي بالانفاس عشته
ملح الجمال اللي يكنه ملاحك=ملح الحلا والزين بزينك ملحته
طرفك كحيلٍ فيه مخزن اسلاحك=وهدفك فيني ياريش العين صبته
انا الذي عانيت طعنت ارماحك=لاذبل جرح القلب جيت وطعنته
دامك اجتحت الحال خف اجتياحك=ارحم رحمك الله بحالٍ اجتحته
لو تطلب اسامحك ما اعلن سماحك=الا لامنك جيت وبالي سمحته
نايف الشويب السليمي