( ابو زويد ) خلف بن رخيص الشمري

الشاعر/ خلف ابو زويد ابن رخيص السنجاري الشمري....
شاعر من العصور القديمه الجميله كاد ان يندثر صيته وتذهب قصائده
لكن لابد من تجديد ذكره
ولد بالشمال الغربي من مدينة حائل في اطراف نفود جبه التي تبعد عن مدينة حائل
حوالي (100 كلم)
وعاش حياته في احضان النفود متنقلاً بين من يقطنها في ذلك الوقت من القبائل
وطال بقائه بجوار الشيخ ( سطام بن شعلان شيخ الرولة ) ثم ( الأمير محمد بن عبدالله الرشيد )
امير حائل في تلك الفترة حتى وافاه اجله بعد عمر جاوز المئة عام بقليل
وقد اشتهر الشاعر ( خلف ابو زويد ) في قصائده بالحكمة وضرب المثل للناس
وكانوا الناس في ذلك الوقت يقومون بحل مشاكلهم ببعض من حكمته وامثلته التي سارت
مع الناس الى يومنا هذا....

واشتهرت معضم قصائده بوصفه الدقيق والنادر للأبل الأصيلة....
تزوج ابو زويد عدة نساء رزق من احداهن بإبنه ( دخيل ) الذي يسند عليه في اغلب قصائده
وله احفاد لايزالون على قيد الحياه وهم أبنا لحفيده ( عثمان ) رحمه الله....







قصيـده يوصـي بـه ولـده دخيـل
دخيل خذ مـن والـدك لـك مسالـه مسالـةٍ مايفهـمـه كــل رجــال
احشم خويـك عـن دروب الرزالـه تر الخوي عند الاجاويد لـه (حـال )
والمرجلـه بالـك ترخـي حبـالـه حذرا تعيـل ولاتراخـى لمـن عـال
البـل يفتـل مـن وبرهـا عقـالـه والخيـل تزلـج بالشبيلـى والاقفـال
ان كـان ماتدعـى علـى كـل قالـه تراك من حسبـة هـدومٍ لـه ازوال
وان كـان دلـوك ماتموحـه شمالـه تر النشامـا ينسفونـه علـى الجـال
رفيقـك الدانـي ليـا شفـت حالـه احمل عليـك مـن المعاليـق ماشـال
ياعـل رجـلٍ شوفتـه قـد حـالـه عسى تـدور زوجتـه فيـه الابـدال
الحمّـرة تـدرك معيـشـة عيـالـه لاعاد مايبغـى منـه بـاق الاحـوال
وان صار لك من عوص الانضا زماله حمرا تورد بـك ليـا صنقـر الـلال
تمرس كما تمـرس خطـاة المحالـه مع سهلـةٍ عمّّـال مـن جامعـه ذال
خلـه مـع الديـان تمشـي لحـالـه ياصار ماانت لمسـة الخشـم حمـال
تـر ربـع يـومٍ مجلسـك بالشكالـه يسـوى حـلالٍ عايشيـن بـه انـذال
(2)
قالوا تسير قلـت مامـن فضـا بـالوقت(ن) على الاجواد مابـه وناسـه
قـم سـو يـاراع المعاميـل فنجـال كثـر بهـار الهيـل يغـدي عماسـه
هذا زمان(ن) مقبل(ن) منـه انـا ذال لناس(ن) كلت ناس(ن) بخبث ونجاسـه
قامت بصاع المنكـر النـاس تكتـال ودلـت تبـاع الجوهـرة بالنحـاسـه
واشوف انـا الاِسّـود خِشّـع وذلال وقت(ن) به الحصني يدور الفراسـه
راع الجحش شرهن على جدع خيـال متحـزم(ن) فوقـه بدرع(ن)وطاسـه
ولباسة الجوخ الحمر وادهـم الشـال قامـت تغولهـم عـيـال البسـاسـه
ماينتعـدل شيـل بقعـا اليـا مــال ومنـيـن ماعدلـتـهـا مـاتـواسـه
ياراعي الخصرين والطـوق وهـلال اللـي شفاتينـه ســواة اللعـاسـه
اصبر وعند الله تصاريـف الاحـوال والقصر مرجاعه على بنـي ساسـه
(3)
راكب اللـي مـا يعـوزه تواصيـف حمراء تورد بـه ليـا سـرب الـلال
قب الضلـوع وطولهـا بالأطاريـف شقرا شعر به من تحت تقل سـروال
يزال جفله للخـلاوي علـى الكيـف عاقل تحـض المزهبـه ليـن تشتـال
ويروحـه مـع وادي ذل ومخـيـف ركّابهـا عـده عـن الجيـش خيـال
ويا درهمة تشدى سريـع الشواحيـف يكتلـه مـوج ٍبعيـد عـن الـجـال
منـوة غريـب دون حيـه مياهيـف اللي مـن الثنتيـن يامـن بـه الـذال
تلفـي لربعـي نازليـن الأطـاريـف نزّالة الحـزم المطـرف ليـا سـال
ربعي هل الطولات وتكـرّم الضيـف ربعي هل الردات ماضيـن الأفعـال
بتفـرّق الشوفـات ياحيـف ياحيـف الله لحـد ماطـاح بالفكـر رجــال
الفكر ساس الحـظ والفعـل بالسيـف والعـز بجمـع الرفاقـة والأفـعـال
وليا ضاع فكرك شاور اهل المعاريف الله جعـل لمـدوّر الفكـر الأسيـال
ولا تشاور إلا من يخوّفـك ويخيـف يتيـه راي مشـاور البايـه الضـال
ولا تطيع مقـرود ٍ يدربيـك بالهيـف وليا سرا بـك قبلـة تصبـح شمـال
بير العيا من طببـه قيـل مـا شيـف همج ٍ ولا عمره ظهـر منـه حيـال
وصيّور ما للقـالات تاتـي مناكيـف وتصير كسبات الفشايـل لمـن عـال
يانـاس بقنـا الله بكثـر المحالـيـف هو الـذي عنـده ميازيـن الأعمـال
(4)
ياراكب اللي كن فخـذه مـن الجيـم ماسومها الكفه على السـاق وهـلال
ابـوه وضيحـانٍ مضربـه سليهـيـم وجده فحل شعلان من زمـل شـوال
عليه حلايـا وصـف قـوادة الريـم شقرا وغاشٍ وركهـا مثـل الاشعـال
لا هي قمر لا ريـح لا شيـن لاغيـم ولا هي قطاةٍ حاديـه واهـج الـلال
فيحـا ومشيـه بالعصـا دوب تيميـم ركابهـا عـده عـن الجيـش خيـال
عليـه دليـلٍ مـا بمشيـه تعـاويـم قـطــاويٍ اوي والله مــرســال
مدت من الخابـور مـن قبـل تقديـم وبالمد الايمن ركب الجـدي بشمـال
خل الغراب ايمن منك صوت او قيـم ووادي المياة ايسر منك هو وماسـال
ومن عند لاهـي بـس خلـه تراهيـم وخله تروح بك مـع الخـر زرفـال
خله تسهـم بـك مـع الخـر تسهيـم والخامسه تشرب من الحـزل زلـلال
ومن الصليمي خشم ربدا الـى دهيـم ويا ما تطالـع مـن رهاميـن وازوال
بخـور الخماطيـة رجـوعٍ مقاويـم ربعي هل الطولات ماضيـن الأفعـال
ربعـي لذيـدان المعـادي مجـاريـم كـم بـدريٍ باسبابهـم راح وبــال
الظهـر عنـد مولـم الـزاد تولـيـم مره علـى البايـح هجـورٍ وفنجـال
والعصـر عنـد مذبحيـن المراديـم اهـل دلالٍ بـس تقليـط وارســال
شيـوخٍ وحكـامٍ وحصـنٍ نواهـيـم ضياغـمٍ لا شافـوا الـزول زعـال
اللـي عطـاه الفيـن بيـتٍ بتقسـيـم وانا عطونـي مثولـثٍ كنـه الجـال
ياما عطت يمناه مـن طـرش وغنيـم وياما عطت يمناه معهـن مـن المـال
ماقلتهـا ادرا ولا زاحـمـن ضـيـم ولا خايـفٍ منهـم ولانـي بعـد ذال


من المعلوم ان كثيرا من الشعراء لايستقرون في مكان واحد بل يذهبون لمشائخ القبائل ولأمراء المناطق بحثا عن النفع لهم من المال والاعطيات وغيرها.......الخ....... وشاعرنا اليوم هو الشاعر خلف ابو زويد فالشاعر خلف ذهب عند الشيخ سطام بن شعلان شيخ الروله من عنزه وجلس عنده فتره من الزمن ومدحه هو وجماعته بقيصده يقول به خلف:
ياراكبٍ حمراء تسوف العراقيب.............حمراء تسوف كعوبها بي سبيبه
تلفي لهل العلياء هم منقع الطيب............ونعمين بالعلياء ومن ينتخي به
رويلات والله مابهم عد أجانيب.............ولا منهم اللي نازحٍ عن قريبه
سطام مثلك ماحمل به ولا جيب .............من مطلع البيضا لغربي مغيبه
مايستوي للبيض غيرك ضواريب...........البيض خطو المشتبه وش تبي به
ياشوق من عيّت على كل خطيّب...........قبلك على كل القبايل عصي به

والقصيده أطول من ذالك ومن المعروف هنا بقيه القصه يوم يشكي سطام ان حريمه كلهن زعلن ويشاور خلف ويش الحيله علشان يرجعن يوم يقول خلف قصيدته اللي اوله:
(قالو تشير وقلت انا اليوم ماشير...........عيبٍ على من جاب شوره ولا جاز) وهن يرجعن معه.


المهم ماهذي سالفتنا نرجع لقصيدة خلف ابو زويد بسطام الشعلان يوم يقول:
مايستوي للبيض غيرك ضواريب........البيض خطو (المشتبه) وش تبي به

يقولون انه يقصد بالمشتبه ألأمير محمد بن عبدالله الرشيد لأن الأمير محمد الرشيد عقيم ماله ضنا وهو اللي يقول:
لو الضنا كسبٍ خذيته بالأيمان..........ولو ينصفط كثيرٍ اللي صخى به

رد على ابو زويد الشيخ خلف الأذن الشعلان من شيوخ الروله يقول خلف الأذن:
يابو زويد فاطرك به شواذيب...........يرتك على هطل المزاود هذيبه
وش جاب ابن شعلان شيبٍ ولد شيب...........لاغرّ من الصيدات ياكل قريبه
ماقلتها بالضيغمي منقع الطيب.............مقيم الضحى للمنهزم وش يجيبه

ورد عليه الشاعر شفق الجهيلي يوم يقول :
يابو زويد ياردّي المطاليب............هذاك قول اللي تردّى نصيبه

ويوم علم الأمير محمد الرشيد هدّد ابو زويد وتوعده بالقتل وابو زويد يوم دري بتهديد الأمير محمد الرشيد وهو ينزل حائل باليل وينام عند واحدٍ يعرفه وبعد صلاة الفجر وهو يدخل على الأمير محمد ومعه قماش أبيض وشاةٍ يقوده قال ابو زويد ياطويل العمر انا خلف ابوزويد دريت انك تهددن بالقتل فجيت ومعي كفني وذبيحة الدفنه وهو يقول :
نجدٍ جفتنا بالمحل وأبعدتنا.............ويوم أخصبت حنا هذولاك جينا
لولا محمد ماإفتدت سابلتنا.............كان تاخذ الحكام باقٍ علينا

ويوم سمعه الأمير محمد الرشيد عفى عنه وسمح عنه . فرحم الله المهاد والشاعر خلف ابو زويد

وهذه بعض قصائده رحمه الله:

ويا راكب حمرا من الجيش مرعـاب
طويلـة الساقيـن مثـل الـزرافـه
ما ضربت عند الشرارات بضـراب
ابوه وحش هـي كاسبينـه حيافـه
بين الرباع وسنها وبيـن الانيـاب
ومحيلينـه ليـن زيــن عسـافـه
وليا روحه مع سهلة تلعـب ألعـاب
تاطا علـى مثـل المجيـدي خفافـه
يقصر رسنها ويدب الجيش بـاداب
مثل الطموح اللـي تزايـد اعيافـه
تسهم على الممشى كما يسهم الداب
وتنـف برطمهـا وللذيـل سـافـه
وعلى السنود مضريه توثب اوثـاب
عين العديم اللـي يشـوف الجنافـه
وليا ركبها الشيـخ والغـزو كسـاب
وحكـوا مطـراش الأهـل والكيافـه
كثيرهم يلفي علـى اللـي تقـل داب
وهروجها مثـل وشيـش الحضافـه
لجه مثـل معـارك الذيـب وكـلاب
والذيب منهـم خاطـف لـه خطافـه
زوله طويل وغاربه تقـل مصـلاب
ومن طول زوله صايـر بـه هدافـه
وليا جت بالسايه تقل مشـي دولاب
حسـه طويـل ولاتهـاب القنـافـه
والشيخ يلفي على وضـاح الانيـاب
بنت الشيوخ اللـي تبـارق رهافـه
بنت الشيوخ اللي خواله له انسـاب
اعطوه (نوره) من سخاهـم مرافـه
يا شبه وضحا به دباديـب واجنـاب
اللـي يحطبـه الجـرس والكتـافـه
ما شفت (نوره) مع اجانيب واصحاب
ولا تنتوصـف عايـزات اوصافـه
يا عود مـوز بـه الريـح تنسـاب
يازيـن ياهـب الهبـوب انتسافـه



----------------------------


قالو تشير وقلت انا اليـوم ماشيـر
وعيب على من جاب شوره ولا جاز
خيل الصحابه ربّطـت بالجواخيـر
يصفقن من قل العوافـي بالاجـواز
الاوله ماجـت علـى نيـة الخيـر
ولا صاده الوكري خذا حر من بـاز
والثانيه بنـت الشيـوخ المناعيـر
اللي لهـم عنـد المظاهيـر ملكـاز
والثالثـه يدهـم خمالـه دميثـيـر
نفل بتصويت العشـاء كـل عنـاز


--------------------------







ياراكب اللـي كـن مشيـه تضـدي
مامونةٍ منـوة مقضـى الاغاريـض
حمرا علـى السنـدا عديـم يهـدي
عليه سنـام شاتـي عقـب تقييـض
ميـلاف عنـد المزهبـه مـاتـردي
ولاعذبتنـي بالرغـا والتفاضـيـض
نصـه عتيـق يانصيتـه يـسـدي
قرمٍ يبيع الـروح بـاردا المعاريـض
مـن ماكـرٍ ينتـج حـرارٍ تـهـدي
ربـعٍ لـه يـوم اللـوازم مراكيـض
لايابعـد خالـي وعـمـي وجــدي
وباللي غدا يالقرم فيـك المعاويـض
ابـي عليـك ابـدي خفيـات سـدي
قلبي تـدالاه الهواجيـس والغيـض
عتيـق وجرحـي بـرى واستـردي
من هم غروٍ نقض الجـرح تنقيـض
عينه كمـا الساعـه لوقتـه تعـدي
او عينٍ عنزٍ سوهجت عقب تربيـض
والـردف شـط حـوارة مـاتـردي
ترضع لبن بكر على الكيف تفويـض
والـزول زملـوق نعـم واستجـدي
وكساه عن لفح الهوى عشب تحميض
وشوفـه بليـا شـب نـار يـغـدي
ياصار قلبك داله مع هـوى البيـض
بنـت الـذي عينـه لربعـه تقـدي
حقه عليه مـن الضـواري لعافيـض


والي يعرف من قصائده شي لا يقصر يزودنا بها
فهي دعوة للجميع لجمع ابيات وقصائد هذا الشاعر الكبير رحمه الله ’,

 

 

 

 

 

 

 

 

 

 

سلمت ياغيور شمر على هالموضوع المميز
الله يرحم ابو زويد السنجاري ويغفرله
وحق يستحق منا الذكر الطيب
ولاهنت

 

 

 

 

 

 

 

 

 

 

عاشقه الشيبان
اهلا ومرحبا بك
نعم فهو من شعراء شمر العظماء وله الحق ان يذكر مهما طال الزمان

شاكر لك مرورك اختي الكريمه

 

 

 

 

 

 

 

 

 

 

شاعر كبير ويستاهل الذكر الطيب..
لاهنت اخوي " غيور شمر " على الانتقاءات الجميلة..

 

 

 

 

 

 

 

 

 

 

عزوتي البقار
اهلا وسهلا بك اخي الكريم
نعم هو من شعراء شمر الذي خلد ويخلد ذكره ابد الدهر
شاكر لك مرورك اخي الكريم