الامير راكان بن حثلين يمدح الامير محمد الرشيد

قصيده الامير راكان بن حثلين يمدح الامير محمد بن رشيد (المهّاد)


يافاطري خمي طوارف طميه= يوم اشمخرت مثل خشم الحصاني

خمي طميه والديار العذيه =وتنحري برزان زين المباني

تنحري لطام خشم السريه =فرز الوغى لا جا نهار الوحاني

سلام اخو نوره لزوم عليه=قبل الحبيب وقبل قاصي وداني

ان ماقضيت اللازم اللي عليه =اللازم اللي ما قضاه الهداني

وتذكر المشحون ديران حيه =مسو احبال اكوارها بالمثاني

الجدي خله فوق ورك المطيه =بنحورها يبدي سهيل اليماني

نبغي ندور طفلة عسوجيه =ريحة نسمها كالزباد العماني

لي صاحب ما نيتي عنه نيه=واثره قضى له حاجة ما تناني

ليته صبر عامين ولا ضحيه=ولا تنشد صاحبي ويش جاني

اما قعد راكان بالمهمهيه=ولا يجي يصهل صهيل الحصاني

واشره على الطيب ويشره عليه =وراه ياخذ عشقتي ما تناني

روحي وانا راكان زبن الونيه =ما يشرب العقبات كود الهداني

وعدونا لازم نجيه بهديه =ملزوم نجعل حلته مرمهاني

لا بد ما يفجع صباح بهيه = ويصوي كما يصوي مجدع الأذاني

شتات شمل الضد حتم عليه=فرض عليه مثل صوم رمضاني

لا بد من جمع يزرفل كميه=جموعنا تاطا القبا والبياني

في ساعة كل يهمل خويه=لا شاف ضرب مصقلات السناني

من القطيف اليا النفود محميه=ما هو يجيها إلا خوي وعاني




يقول ابن رشيد

ياليل سلم لي على الشيخ راكان=سلم على زيزوم يام واميره

رد ابن حثلين

من باب برزان الى باب نجران=ماهو انا يالضيغمي انت اميره






وسلامتكم.