حمود العبيد الرشيد يرد على راكان بن حثلين
--------------------------------------------------------------------------------
كان راكان بن حثلين في ذلك الوقت عند ال صباح حكام الكويت يريد ان يحرضهم على غزو الرشيد ويعدهم انه سوف يساعدهم بجماعته العجمان وقال هذه القصيدة موجها لابن صباح
الطير يازبن المناعير يفداك ........ .......نبغى العوض بالطير خطو النداوي
نبي اشقرن عل المنايا تعداك...........اللي الى جا الخرب ما هوب ياوي
نبي العديم اللي من الربع شرواك .......مضرب كفوفه يودع الخرب هاوي
واسلمك سيفً صقيل بيمناك... ....... واضرب علي ياشيخ ما كنت ناوي
والله ماتعطيه يمناك يسراك............... لاشفت وقعه في كبار اللهاوي
اسمع كلام اللي على الطيب ينخاك. .. واترك كلام اللي عن الطيب ثاوي
وعندما سمع القصيدة حمود العبيد غضب على راكان لانه يقصد بالسيف قبيلة العجمان فرد عليه حمود بهذه القصيدة:.
قصيدك اللي يابن حثلين دهواك...... تضرب على طاش البحر ما تراوي
واذهبت يام في قصيدك وحمراك....... وبعته برخصً عقب ماهم غلاوي
وقول بلا فعل به الناس تقفاك......... والحكي ببلاشً وشرب القهاوي
غديت مثل افداوي الله يبلاك.............. وعرضت يامً للمحن والبلاوي
كم واحدً في جرتك يتبع رضاك....... من عقب ماهو من كبار الهقاوي
لولا اخو نورة جابلك يوم جلاك.......... تموت وانت مع الاجانب خلاوي
وقصيدك اللي تذكر الطيب خلاك....... تحت نحور الخيل مثل الحذاوي
واخبر ترى ما جاك من فعل يمناك..... معه كثير الحكي هو والحداوي
وان طعت شوري حط حكيي بمعناك.......... ولا تصير بكل حال افداوي
ترى الفداوي ذمة الله شرواك............... والهذر مذمومً وكثر اللغاوي
واقول رجل ما يخافك ويدراك............... لا هو ؟؟؟؟؟ولا هو حساوي
في ضل شيخ بالمراكيض خلاك....... بالمجمعة بظلال عطب الاهاوي
واحرص من اللي يوم حما تنصاك..... وخلاك تمرح في شعيب خلاوي
وان كان تبغى النصح حنا نصحناك...... ماهي كثير الهذرمة والحكاوي
ابــــــــــــــــــــــــــــن برزان
وارجو من لديه معرفه البيت الكامل في ...
واقول رجل ما يخافك ويدراك............... لا هو ؟؟؟؟؟ولا هو حساوي
لوكانت منبوذه الافاده وشكرآ
ابــــــــــــــــــــــــــــــــــــــــــــــــ ـــــــــــــــــــــــن برزان
حمود العبيد الرشيد يرد على راكان بن حثلين
العرض العادي
