الأمير:حمود العبيد الرشيد حياته واشعاره

عز الله موضوع متكمل ووافي عن الامير حمود العبيد الرشيد ومرجع ايضا لمن يريد التعرف على هذه الشخصيه القويه

 

 

 

 

 

 

 

 

 

 

عقب معركة المليداء ،، قال حمود العبيد آل رشيد القصيدة التالية :-

يالله ياللـي فـوق الإســلام والــي=يالواحـد الـي مـن ترجـاك ماخـاب
يامـن لنـفـس ماتـريـد السـوالـي=إلا مـن الله جامـع النـاس لحـسـاب
الـحـرب شـبّـت وبالله الإتكـالـي=وصبر جميـل ونستعينـه بمـا نـاب
يـوم جـرى بالضلفعـة لـه ظلالـي=يعـدهـا الأول لـنـاس بـالأصـلاب
النفـس لا صـارت بقالـي وصالـي=إضرب على الكايد وما اخطاك ما صاب
جونـا وجيناهـم ســواة الجبـالـي=وصار الطمع منـا ومنهـم بالأرقـاب
سرنـا كمـى مـزن ثقيـل الخيالـي=خمسيـن جمـع شمـر دون الأجنـاب
والخيـل مـن دون الفـلا والمفـالـي=ثـلاثـة آلاف لحـسـاب حـســاب
دارت عليهم مثـل وصـف الحجالـي=مـا كنّـه إلا حوطـة مـا لهـا بـاب
يـوم انّهـن ثـارن رعـاب الكيالـي=وتصافقت واصطك بـاب علـى بـاب
ساعـة تلاقيـنـا وحـمـي القتـالـي=وغدى لهم في حومة الجيش ضبضـاب
تقطـعـت اطنابـهـم والحـبـالـي=من يوم ساق البـل فـراق الأصحـاب
سقنـا عليهـم مـن يميـن رجـالـي=اطرفهـم اللـي للعـذابـات شــراب
اول علفـهـا زامــل والعـيـالـي=تفيحـت مابـيـن ذابــح ونـهـاب
عجاجـة تجلـى الصـدى والخمالـي=ودبيلـة يشبـع بهـا الذيـب وغـراب
القـرد يبـرى لـه سـواة الغـزالـي=وكفخ بوغدانه كمـى وصـف كسـاب
وخلّى لنـا القصمـان هـم والحلالـي=وفزعاتـه اللـي جمّعـه كـل كـذاب
ولا فكتـه مـنـا خـيـار المحـالـي=جبناه معنا مثـل مـا جيـب حطـاب
الفعـل للبـاري عـزيـز الجـلالـي=علـى يـدي محمـد زاك الأنـسـاب
لـو ان ابازيـد حضرهـا الهـلالـي=ما نال ما نلنا علـى عـوج الأطـلاب
ياذيـب ياللـي بالـخـلا والمفـالـي=اقبـل تهيّـا لـك ربيـع ومـعـزاب
بالضلفعـة مثـل الرجـوم الطـوالـي=مابيـن بـيـاع ومابـيـن قـصـاب
مـن دمهـم سالـت رغـاب السهالـي=وعن روسهم تكسرت عوج الأصـلاب
حريمهـم لـجّـة ســواة المحـالـي=كل تصيح بطـول حسـه ومـا جـاب
عقب الحرير وعقـب لبـس الجمالـي=لبسن ثيـاب الحكـم عذبـات الأنيـاب
كم من عجوز فارقـت شـوف غالـي=من يوم جاها العلـم رمّـت بالأسـلاب
عقـب الحيـا قامـت بحسـه تلالـي=تدعي على المقـرود **** الأسبـاب
القـرد دلاّهــم لبـيـس المـدالـي=وزويمل يبي القضـى عقـب ماشـاب
كـم واحـد ضيِّـع بـروس المفالـي=غدى ولا جالـه مـن النـاس طـلاب
ياما نصحنا مـار مـا النصـح جالـي=نصحـوه نـاس قبلنـا نجمهـم غـاب
قالوا لـه إفطـن وش ذهـاب النمالـي=والله بتدبيـره غلـب كــل غــلاب

تحياتــــي

 

 

 

 

 

 

 

 

 

 

يعطيك الف عافيه يالحيران على هالموضوع





ولاهنتو ياشباب على هالمشاركات الرائعـه .

 

 

 

 

 

 

 

 

 

 

الحيـــــــــــران


مشكور على المعلومات المفيده........


...............السنعوسيه..............

 

 

 

 

 

 

 

 

 

 

قول بلا فعل به الناس تقفاك=والحكي ببلاش وشرب القهاوي
غديت مثل اقذار الله يبلاك=وعرضت يام للمحن والبلاوي
كم واحد في جرتك صار حواك=من عقب ماهو من بعاد المراوي
قصيدك اللي ياابن حثلين خلاك=تضرب على طاش البحر ما تراوي
اذهبت يام في قصيد بحمراك=وبعته برخص عقب مانتب غلاوي
عقب العصايه والتعرض بالاملاك=تحلله من حمد ربك هناوي
لولا سعود جابكم يوم جلاك=تموت وانت كان دوم جلاوي
وقصيدتك بالطير خلت رعاياك=تحت نحور الخيل قرع مهاوي
ما جاك شي الا بثر فعل يمناك=والا بكثر الحكي هو والحداوي
وان طعت شوري حط حكيك عقباك=ولا تصير ابكل حال فداوي
تر التفدوي ذمة الله لشرواك=بالهدى مذموم ذبيح الكراوي
ذا قول من لاهو من الناس يذراك=لاهو هتيمي ولاهو حساوي
ما سال عن راس به الزوم شرواك=بالمجمعه بظلال عطب الاهاوي
وان كان تبغي النصح حنا نصحناك=والا فراع النار به لك مكاوي
حذرا عن اللي يوم حمر تنصاك=وخلاك تمرح بالتسيعي خلاوي

 

 

 

 

 

 

 

 

 

 

الله على ولد الخرس والعدولي=والعنبري وابو سنينه يقوين
وجماعة شرحه وعرضه يطولي=نيف على العشرين ماهم شويين
منهم شقير وسحلي وشتقولي=وثلاثة ماهم على احد خفيين
لولا علوم تلزم قمت طولي=وضربت درب اخميس واللي خسيسين
لك الحمد مادام السما تحته الوطى=ومادام الليل ليل والنهار انهار
نشكو عليك الظلع غارت مياهه=وسآءت مدافع حايل وقفار
حنانيك اغثنا مره بعد مره=لتحيا سوام عطلت واعشار
من الحرة السودا الى الشط مشملا=الى ما تشا من قرية وقفار
كذلك ارجو ان تقر عيوننا=بنصر على من بايعونا وبار
فلله منّات علينا اكثيرة=تطول شرحا إن تعد كثار
كما فعل باشياعهم حين حزبوا=على غير ذنب حاربونا وسار
فما عرفوا حتى ابيدت صفوفهم=وفر امير القوم منهم وخار
فيارب لا تسمح له عن خطيئه=ولا منهمو تبقى على الارض ديار
أبى الله ان يعبد مع الله غيره=وإن لا يكن للمشركين قرار
ألم تر أن الله قال (بقد سمع)=تبا لمن والى ووالاه كفار
فدونك ثمودا عوقبت هي وحجرها=بذنب قدار عوقبت وديار
إذا مرت الركبان منها توحشوا=مما يروا من عبرة ودمار
فهذي ديار فعلها مثل فعلهم=وهذا قدار عندهم كقدار
فلا خير في أمر عقوق أوائله=وآخره عار عليهم ونار
فما كان معصوم من الذنب واحد=ولكن صغار بعضها وكبار
أبوء بذنبي واعترف بخطيئتي=وأستغفر الله من ذنوب واوزار
وما كنت نحويا ولست بشاعر=وحتى عروض الشعر مالي بها كار
فإن كنت لحانا فهو من جهالتي=بالنحو وعروض عليها امدار
فلو كنت طبيا به أو قرأته=وكنت أريد الشعر كثّرت الاسمار
ولكنني والله لا حب شاعرا=وابغضهم من كان بالشعر بيطار
فمن عاب خلقا كيف ياتي بمثله=ولكن امور هيجتنا واقدار
فياليت شعري هل رأى بعض مانوى=ولو كنت مصلوبا على جذع نجار
أحن لقبرين ثووا مارأيتهم=وقبرين عندي لا يردون أخبار
فإن كانت الدنيا دهتنا بفقدهم=فإنا على ما قدر الله صبار
حريون بالتقوى بعاد عن الخنا=إذا ناب خطب ما تغيبناه باسفار
فبالسلم يغشاهم وقار وهيبة=وبالحرب قلما يولون الادبار
نمتهم الى العليا أصول كريمة=بهم حائل تفخر على كل الامدار
فإن قال احد من همو؟فقل هموا=عبيد وعبدالله بعيدين الاذكار
فدونك أصلنا ودونك فروعها=بهن كل خير للمقلين الاقتار

 

 

 

 

 

 

 

 

 

 

المشاركة الأصلية كتبت بواسطة أحمـــــــد

((((((((( الحيران ))))))))))
طرحت موضوع يستحق المتابعة والأهتمام به لما يعبر عن فارس مثل الأمير حمود بن عبيد الرشيد
ولك منا جزيل الشكر بأعطاءنا المزيد من المعلومات الطيبة عن هذا الفارس
**********************************
في معركة الصريف أصيب الأمير ماجد ولد الأمير حمود ووصل حايل وهو مصاب فقال الأمير حمود هذه الأبيات بأبنه :
هلا هلا فيك يالوجعان *********** ياللي أصوابك لهد كبدي
يأخوي الذبيحين بالميدان ************* اللي سبايبهم الربدي
لا وحلالات يا فنيسان ************ اللي زهى السيف والفردي
لا وحلالات ياجليدان ************* ريف الخطاطير بالبردي
وأنشالله أني ما أخطأت في بيت من القصيدة
تحياتي لكم

الأخ احمد سلمه الله

لي تعقيب بسيط على القصيدة كما رواها لي احد كبار السن
وهي :
هلا هلا فيك يالوجعان..........يالي صوابك سطم كبدي
ياخو الطريحين بالميدان..........الي سبايبهم الربدي
لاواحلالات يافنيسان .......... يازاهي السيف والفردي
لاواحلالات ياجليدان ..........ريف الخطاطير بالبردي
وزياد يامقدم الفرسان .......... اليا لفونا على الحردي



فنيسان لقب لابنه مهنا الحمود العبيد
جليدان جليدان المروب من الويبار
زياد زياد بن مخيدش من الجري وهو جد الشيخ حمد بن مخيدش رحمهم الله جميعاً

وآسف عن الاطاله ودمتم،،،

 

 

 

 

 

 

 

 

 

 

المشاركة الأصلية كتبت بواسطة المعيي

الأخ احمد سلمه الله
لي تعقيب بسيط على القصيدة كما رواها لي احد كبار السن
وهي :
هلا هلا فيك يالوجعان..........يالي صوابك سطم كبدي
ياخو الطريحين بالميدان..........الي سبايبهم الربدي
لاواحلالات يافنيسان .......... يازاهي السيف والفردي
لاواحلالات ياجليدان ..........ريف الخطاطير بالبردي
وزياد يامقدم الفرسان .......... اليا لفونا على الحردي
فنيسان لقب لابنه مهنا الحمود العبيد
جليدان جليدان المروب من الويبار
زياد زياد بن مخيدش من الجري وهو جد الشيخ حمد بن مخيدش رحمهم الله جميعاً
وآسف عن الاطاله ودمتم،،،

شكراللجميع على التوضيح والاضافات والردود بدون تعصب على موضوع الامير حمود بن عبيد بن علي بن رشيد / رحمه الله رحمة واسعه واسكنه فسيح جناته . حمود العبيد كان له الفضل بعد الله في امور كثيره بالحكم وكان بجانب الامير الحاكم محمدالعبدالله في امور الحكم ولايفارقه وعاشت حايل نهضه علميه وثقافية هو اسبابها لدعمه علماالدين والشعراء "الاعلام" في ذلك الوقت . و لحمود العبيد قصايد بالفصحى انشاءالله ساورده هنا .

ولي تعديل يا المعيي أخو المعايا على حسب مانعرف

* الوجعان هو أحد ابنا حمود العبيد وكان مصوّب صواب خطير .
* الطريحين هم ابنا حمود العبيد المقتولين في المعركة . رحمهم الله جميعاً
* الربدي من كبار اهل بريدة من اهل القصيم . الله برحم امواتنا واموات المسلمين
* فنيسان وهو فنيسان بن مزيريب من الجرذان من الغفيله " رحمه الله رحمةً واسعة" وهو خال عيال الامير حمود العبيد الرشيد وليس لقب لولده .
* جليدان هو جليدان المروب كما تفضلت فارس مشهور وكريم يقول الشاعر محيميد ابن صياف من الحسين : نفسي عشوقه كل قرم تشوقه ...شامت لجبر والمروب جليدان
* زياد ايضاً كماتفضلت هو زياد بن مخيدش من شيوخ الجري وفارس من ضمن فرسان الصخرياة وقيل ان الامير عبدالعزيز الرشيد عرفه من بين القتلى و هو من دل اخوانه عليه ووجدوه ممسكاً ببيرق ابن صباح . وجاب اخوه فلاح العماريه في تلك المعركة .

والله اعلم وهو خير العالمين
وشكرا

 

 

 

 

 

 

 

 

 

 

الأخ / خالد محايد

شكراً لك على التصحيح
ودمت سالماً

 

 

 

 

 

 

 

 

 

 

الله مير ينطيكم العافيه

ياربعي وبني عمي

خووووووووووش

موضوع

كفيتو ووفيتو