من باب برزان الى باب نجران ** ما هوب أنا يا الضغيمي أنت أميره
مناسبة هذا البيت :
ارسل الامير حمود ابن رشيد الى الشيخ راكان بن حثلين قصيدة بمناسبة انتصاره
على محمد بن هندي شيخ قبيلة عتيبه بعدما هدد ابن هندي الأمير محمد بن عبدالله
بن علي بن رشيد بأنه سوف يحاصر برزان حاضرة ابن رشيد فانهزم ابن هندي
وعتيبة في معركة ( عروى ):
( صورة لقصر ابن رشيد برزان في حائل )
وكان عنده من العجمان فاران وليل المتلقم يقول حمود بن رشيد بمناسبة
انتصاره في معركة ( عروى ):
يا ليل سلم لي عن الشيخ راكان
سلم على زيزوم يام(ن) واميره
ليوم صاروا بالعرب تقل جيــــــران
ومن وين ماوجه تقفوا نشيــــره
وذكر لهم بالكون طيحة غــــــزالان
ثلاث مراتٍ بوجـــه المـــغيــــره
قل فعلنــا شــافه حزام وفـــــاران
يومن على عروى تقطع غثيره
إن كان ابن هندي نــوانا ببـــرزان
حنا على عروى قصـــرنا مصيره
جينا على وضح النقا عقب الاذان
ذبحت ****** الجمل بالمريره
جينا على ذروات عجلات الاقــران
مستجنبين كــل قبــــا ظهــــيره
حصان الضيط اللي يسمى صنيتان
صيتٍ بلا جري ووصفوه شهيره
ان جاك بالعرضة اليا تقل ديقــــان
يفزع بسيفه سلة من جفيره
من كان باللقوات روغات الاذهان
ما ينقهر غاد الجدا من منيره
والسابق اللي عندكم يا ابو سلطان
لها بوجهك شامة مستديرة
فأجابه الشيخ راكان ردا على الأمير حمود ابن رشيد:
يا راكب(ن) من عندنا فوق شقران
خرزها بالخرج فوق النحيره
أوصل سلامي لخو نوره إبرزان
وعقب السلام انخبره بالسريره
من باب برزان الى باب نجران
ما هوب أنا يا الضغيمي أنت إميره
علمن لفانيبه حزام وفاران
ياسر قلبي يوم جاني بشيره
علمن لفا من شوق سحاب الاردان
هو شوق من تزها الشقايق نظيره
عضيد أخوه يصادق الفعل ولسان
ودبوس راس اللي دوا به مشيره
فرز الوغا لاجا ثقيلات الاكوان
لا سل مصقول السنا من جفيره
خبرتني يا حمود عن طير حوران
يومن على عروى تقطع غثيره
وســـلامتكـــم
.gif){kind=icon}
۩ > من باب برزان الى باب نجران ۩ > ما هوب أنا يا الضغيمي أنت أميره ۩ >
رد: ۩ > من باب برزان الى باب نجران ۩ > ما هوب أنا يا الضغيمي أنت أميره ۩ >
العرض العادي
