يقول الشاعر
نزال أبو صقر الصقري السنجاري الشمري
بديت ذكر الله قبل مابـدي القـاف=اللي علـى خلقـه رقيـب ووكيلـي
يالله يـالـي للخفـيـات عــراف= منشي هماليـل المطـر بالمخيلـي
امرك على المخلوق بالنون والكاف= جلـى جلالـك ياعضيـم الجليلـي
وخلاف ذاء يراكبن فـوق مزهـاف= جيب يبـوج حزومهـا والمسيلـي
ركابه الـي باشهـب الال ماخـاف= بالقيض يمشي مايشيـل الصميلـي
من طوكيو جابه بخيص بالاصنـاف= عليـه قـرم للمـسـاري دليـلـي
جيب جديد وعايزن كـل الاوصـاف= مثل العقاب اليانحدر مـن طويلـي
نبي عليه نزور حمـاي الاطـراف =ال سعـيـّد مقحمـيـن الدبيـلـي
بزيـارة للشيـخ نـزال الاطـراف= عماش شوق اللـي تكـد الجديلـي
شامت لشيخن له على الطيب ميقاف= عمـاش ياهـاب الجبـان الذليلـي
نطاح صعبات المشاكـل ولا خـاف= حلحيـل قـرم بالمواقـف مهيلـي
ليث على الاقالات جـري وزهـاف = مـراص مـاص وبالملاقـى ثقيـل
يابن اللذي بالكون يحمون الاعطاف= عـز الضهيـر مزبنيـن الدخيلـي
يامعشية ذيب الخلى عقب ماخـاف= عشيتوا الذيب الضعيـف الهزيلـي
صيته وصل يم الحديده والاسياف= وناس تعده في مريكاء نزيلي
ياهل الشجاعه عند عطرات الاشعاف= ياحـرفـوه بـــردة للعمـيـلـي
ياهل الكرم يوم القصى قبل الارياف= يوم ان خطو اللاش دس الحصيلـي
يامروية يوم اللقى عوج الاسيـاف= بيومن عبوس والعـوادي جفيلـي
خيالكم يوم اللقـى ماهـو خـواف= يرمس على البوره ويروي الصقيلي
اولاد علـي مثـل ماقيـل بالقـاف= حماة الجبل اهل الفخـر والجميلـي
يتلون رثعان ذرى كل مـن خـاف= تتليه حمر الجيش واسـراب خيلـي
عقيد عيرات توامـى لـه وجـاف= صله على طـرش رتـوع هثيلـي
اقفى خيول الضد امـلاط وارجـاف= والـدم بدفـي الرمـد لـه شليلـي
عماش لربوعه ذرى برد واللحـاف= ياما عطـت يمنـاه مالـن جزيلـي
تعطي يمينـه ولاايعـده بالاسـلاف= افعالكـم للـي يخـبـره جميـلـي
ماقلتها قصدي بها بعض الاهـداف= الا بـعـد الـحـق والله وكيـلـي
حق يعـد النـور والفعـل كشـاف= ورفع الثنـا حـق ذكـره الجليلـي
والفعـل لياعـد بالعيـن ميشـاف= نقصن على راويه عيـب وفشيلـي
ياشيـخ يالـي للصعيبـات وقـاف= بشـار مايخفـى عليـك الدليـلـي
يالهيلع اللي منزلـه راس مشـراف= ارج السموحه عن غلطهـا وميلـي
شمـر ليامنـه هبـى كـل هـلاف= يافـون يانكـر عميلـن عميـلـي
شمر ذرى الديره وعن الدار وقاف= عيوى عن الدوله ولا بـه جهيلـي
طلابة الخاكور رضيـوا بالانكـاف= قالـوا طلبكـم عندنـا مستحيـلـي
شمر غدوا سورن عليهم بالاطراف= مشوا عليهـم بالنمـش والفتيلـي
كم فارسن بالمعركه يوهف اوهـاف= عقب الصعاله صار طـوع يشيلـي
واليوم حكم عـادل مابـه اوصـاف= حكم الرخاء مابه على الناس ميلـي
حكم العدالـه لاضليمـه ولا نحـاف= حكم السعـود معدلـة مـن يميلـي
وسلام ياحفلن جته نـاس اشـراف= شعـار وشيـوخ وجمـع مهيـلـي
عند ابو نايف حضبوا مثل الاسلاف= شمر واهل بقعاء تقـل درو سيلـي
وبني تميم اللي على الجـود وقـاف=وحضر الجبل والبدو هم والنزيلـي
تمت وصلوا عـد بالعيـن ميشـاف= على الرسـول محمـد والخليلـي
ترجمه للاسماء :
رثعان : شيخ الدغيرات الرثيع بن سعيّد
ابونايف احد اعلام وشيوخ الدغيرات : الشيخ عماش بن نايف بن مكازي بن سعيّد
قصيده : لنزال أبو صقر الصقري السنجاري الشمري
العرض العادي
