شيخ الدغيرات فرحان بن سعيّد
له قصايد ومن اروع قصائده في الحكم والشجاعه والمراجل نختار منها :
الـرزق عنـد الله ولا فيـه تشكيـك=واليا أنقضى رزقك ترى الموت لاقاك
المـوت لـو طالـت الايـام ياتيـك=تعرض على العمدان والقبـر ملفـاك
وحاذور لاتطلـق عـرى الله يخليـك=وبالك تبيـع أخـلاف دينـك بدنيـاك
أبيـك تفعـل مـن مفاعيـل أهليـك=ولاتشتهر ياكـود مـن فعـل يمنـاك
والطيب ما هو بـس بالهـرج يأتيـك=ياكود من يضرب على حوض الادراك
في ساعة (ن) يوم أشهب الملح غاشيك=والربـع كلـن يلتفـت لـك وينخـاك
حتى إليـا شـاف المعـادي مداليـك=جنبك خوف ولا وطا الرجل بحمـاك
أبي إليا جـت بالمجالـس طواريـك=يفرح به اللي حاضـر مـن دنايـاك
وأفطن ترى أطلاب المراجـل يعنيـك=ياصـار ماتـدرك مراجلـك بصبـاك
:
وكان للشيخ فرحان ولد مجيد وفارس لايشق له غبار وهو ولده القعيط بن سعيّد
الذي قتل بالعراق غدرا"
ولم يعرفوا من هو قاتله وكبت الحزن قلب الشيخ فرحان على ولده المغدور فقال وهو يرثيه
ويسند على أخيه الشيخ شباط السعيّد :-
ياشباط ماشرب القهـاوي مقهويـن= ياكود أسوي خاثر(ن) مـن سواتـي
مشندر(ن) يصبغ على شارب الصين= لاقيـل خرقـان(ن) ولابـه نياتـي
من واهج بالصـدر وأبيـه يكويـن=لو هـو بغيـري مالـك الله يباتـي
وأطيري اللي طاربه طير أبا البيـن= علّيت ياطيـري عطيـب الهواتـي
طير السعد ماهو مواكـر صباريـن= لا عالفـات ولابـعـد معلفـاتـي
هذه المطالعه الشعريه البسيطه من اشعار شيخ الدغيرات الشيخ فرحان السعيّد
وتقبلوا فائق أحترامي والسلام عليكم ورحمة الله وبركاته...!!
قصيدة شيخ الدغيرات فرحان بن سعيّد
العرض العادي
