من قصايد الشاعر : سلطان بن زيد البطر المفضلي الشمري
يدور الوقت وتدر الليالي =ويبقا منزل الاجواد عالي
وترى الدنيا مسافتها قصيره=ولاتخلد جنيه ولاريالي
سوى علمن ينومس من ظفربه =تسابق له مداغيش العيالي
وانا لولا مشاريه الرجالي =وتقديري لابن عمي وخالي
فلا حركة من وادي حنيفه =ولاشديت ياطي الرحالي
اليا منه دعا داعي (السعيّد) = ما به للعذر وجه ولا مجالي
لهم حقٍ علي والشاهد الله = ومقدارن ليامن صح غالي
اجيهم وعنا واطوي المسافه =يسابقني من الهفه ظلالي
واجيهم وافتخر لاصرت اجيهم =ولا ني في تعب نفسي امبالي
هم اصحاب المعالي والسعاده = قبل تظهر سعادات ومعالي
يقـدي سبعت الجموع المسمى =ويضرب هامت الضـد الموالي
ولهم فضل على كل الطنايا =تعشات الذيب في ماضي الليالي
لذا انعم بهم واكرم وعظم = اهل مجدن قــديم ولا يــزالي
وانا شاعر واجي وادري بشعري = واقول اللي من الرحمه طرالي
ولا قام الهوى يصفق براسي = خصوصن كان نحرت الشمالي
كــد المهرة الـقب الاصيله = وردها على العــد الزلالــي
السعيّد :قصيدة سلطان بن زيد البطر المفضلي
العرض العادي
