فـي داخلي شي لو الناس تدري به
محدن شكـى همه وغمه ويشقـابه
يطول صمتي ويحرقني ولا حكي به
اخـاف شمـتـت عدوي يـوم يحكابه
يذبحـني الهـم والكتمـان نـوصي به
حـلـفـت مـابـيـن اسـراري ويـدرابـه
شموخ ذاتـي معيـي بي واماري به
ماوضـح اللـي خفـى وابيـن اسبـابه
اصـبـر على الله فرجهـا يوم ياتـي به
وابحث عن اللي حزين القلب يسلابه
اخـذ وودي مـع الهـاجـوس واجيـبه
حيث القصايد بوقت الضيق يلجابه
سـلام يـابـن غمــر يامعـدن الطـيـبه
يابو هــلا ومرحبـا يامجـمّل اصحابه
ســلام منـي ولابـه شـكـن وريـــبَـه
ياعليـوي العــز تــنـزل بـه وتـرقــابه
مثلــك زلالٍ وحنــا مـن مشــاريبه
يا امحــل الوقــت ولا كشــر انيــابـه
الحــر قــد قيــل ياصـكت مخـاليبه
يكفـخ ورزقه على مضـراب مخـلابه
وانـا لـك اللـه اوافـق به واعـيي بـه
اخاف منشي ماكنت احسب حاسبه
عندك خبر صاحبن لك ناطح مصيبه
صابه من الوقت واللوعات ماصابه
ياصرت مثلي بحالك وش تسوي به!!
انت تمسك السيف ولا تترك نصابه؟؟