اقتباس:
المشاركة الأصلية كتبت بواسطة المرجف
حي الله السكبة
يالغالي .. هذي قصيدة العوني يوم ينخى شيوخ شمر بكون الجوف
والمعذرة اذا كان فيه نقص !!
راكب فوق حر يذعره ظله = مثل طير كفخ من كف قضابه
ماحلا فزته والخرج زاه له = والميارك على متنه تثنى به
من سكاكا ترحل واترك الذله= واحذرالخوف هاجوسك تهنى به
سر لشمر وخبر لابتي كله= لابتي بالملاقا حي من لابه
قل لوادي ابوعافت بعد قله= يانهار على الجوبه تحلابه
الدخن فوقنا كن الدجى ظله= الرويلي ابن شعلان واقرابه
دريوا انا قليل وادركوا خله= وارتكينا بعون الله وحجابه
مانعرف الضحى من كثر خلق الله= وين شمر هل العادات والجابه
وين مطني وعباس وربع له= ويّها كربة لو ان لها لابه
وين طايس وبرجس هم وربع له= وين عبدة الى ماحل ضبضابه
وانخ راعي المليحا لاتزاهل له= وانخ شمر وعط الصوت يدرى به
وانخ فهران اخو رفعة ورربع له= لى التقى بالملاقى كف قضابه
وانخ ضاري والاسلم قل تجي كله=وين اخوصلفه الى منه كلح نابه
وانخ اخو شاهة المنعور وافطن له=وانخ مطلق مع التومان بالجابه
وانخ سنجر وقاسم ساتر الخله=وانخ غضبان ابوعلوش واقرابه
وانخ عدوان ابوممدوح وبيّن له=يرفع الصوت للفلحان بالجابه
وانخ فهاد وبايق هم وربع له=وانخ شبان شمر وانخ شيابه
وانخ مياح وهل الدين والمله=وانخ الاخوان جندالله واحزابه
ويالغالي اذا ماهي المطلوبة ترك بحل احذفه لاتجامل
تحيتي |
حياك الله اخوي المرجف ومشكور يالعزوه
والحقيقه ان العوني فحل من فحول الشعر الكبار وهناك تكرير لبعض القوافي لايمكن ان يقع
فيها العوني لانها من سلبيات القصيده ودليل على ضعف الشاعر في صياغة الشعر وهو شي
لاينطبق على العوني ومن هم في طبقته00
فمثلا تكرير قافية ( وربع له )ثلاث مرات وهو امر غريب لايقع فيه الشاعر الفحل 00
وكذلك نخوته للاخوان فمتى كان الاخوان من انصار شمر لكي ينخاهم لنصرة ابن رشيد؟
ولدي نسخه قديمه للقصيده سوف ارفقها لكم قريبا لانها ليست في متناول يدي الان00
تحياتي العطره
رد: محمد العونــــــــي وقصيدته عندما نخا شمر
العرض العادي
